ಹಿಂದಿ ಡಬ್ಬಿಂಗ್ ಹಕ್ಕು: ಶೂಟಿಂಗ್ ಮುಂಚೆಯೇ 'ವಿಕ್ರಂ'ಗೆ ಭರ್ಜರಿ ಬೆಲೆ

ಮೊದಲ ದಿನ ಸಂತಸ ಹಂಚಿಕೊಂಡಿದ್ದ ನಟ

ಮೊದಲ ದಿನ ಚಿತ್ರೀಕರಣ ವೇಳೆ ಟ್ವಿಟ್ಟರ್‌ನಲ್ಲಿ ಸಂತಸ ಹಂಚಿಕೊಂಡಿದ್ದ ಕಮಲ್ ಹಾಸನ್, ''ವಿಕ್ರಂ ಮೊದಲ ದಿನದ ಚಿತ್ರೀಕರಣ ಆರಂಭ. ಮತ್ತೆ ಹೈಸ್ಕೂಲ್‌ಗೆ ಬಂದ ಅನುಭವ. ನನ್ನ 50 ವರ್ಷದ ವೃತ್ತಿ ಜೀವನದಲ್ಲಿ ನಟನೆಯಿಂದ ಇಷ್ಟು ದೂರ ಉಳಿದಿದ್ದು ಇದೇ ಮೊದಲ. ರಾಜ್‌ ಕಮಲ್ ಫಿಲಂಸ್ ಅಡಿಯಲ್ಲಿ ಕೆಲಸ ಮಾಡಲಿರುವ ನನ್ನ ಒಡನಾಡಿಗಳಿಗೆ ಸ್ವಾಗತ ಬಯಸುತ್ತೇನೆ. ವಿಜಯ್ ಸೇತುಪತಿ, ಲೋಕೇಶ್ ಕನಕರಾಜ್ ಹಾಗೂ ಫಾಹದ್ ಫಾಸಿಲ್‌ಗೆ ವಿಶೇಷ ಸ್ವಾಗತ ಕೋರುತ್ತೇನೆ'' ಎಂದಿದ್ದರು.

ಕೆಜಿಎಫ್ ಸಾಹಸ ನಿರ್ದೇಶಕರ ಎಂಟ್ರಿ

ಇನ್ನು ಕೆಜಿಎಫ್, ರಾಬರ್ಟ್ ಸಿನಿಮಾಗಳಿಗೆ ಸಾಹಸ ನಿರ್ದೇಶನ ಮಾಡಿರುವ ಅನ್ಬು-ಅರಿವು ಮಾಸ್ಟರ್‌ಗಳು ವಿಕ್ರಂ ಚಿತ್ರದಲ್ಲಿ ಕೆಲಸ ಮಾಡ್ತಿದ್ದಾರೆ. 2013ರಿಂದ ಚಿತ್ರರಂಗದಲ್ಲಿ ಸಕ್ರಿಯರಾಗಿರುವ ಅನ್ಬು ಮತ್ತು ಅರಿವ್ ತಮಿಳು, ತೆಲುಗು, ಕನ್ನಡ ಹಾಗೂ ಬಾಲಿವುಡ್‌ ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದಾರೆ. ಮದ್ರಾಸ್, ಕಬಾಲಿ, ಕೆಜಿಎಫ್, ರಾಬರ್ಟ್, ಧ್ರುವ, ಇರು ಮುಗನ್, ಖೈದಿ, ಸಲ್ಮಾನ್ ಖಾನ್ ರಾಧೆ ಸಿನಿಮಾ ಸೇರಿದಂತೆ ಹಲವು ಚಿತ್ರಕ್ಕೆ ಕೆಲಸ ಮಾಡಿದ್ದಾರೆ. ಕೆಜಿಎಫ್ ಚಿತ್ರದ ಸಾಹಸಕ್ಕಾಗಿ 2019ರ ರಾಷ್ಟ್ರ ಪ್ರಶಸ್ತಿ ಸಹ ಲಭಿಸಿದೆ.

ಇಂಡಿಯನ್ 2 ವಿವಾದ

ಈ ಚಿತ್ರ ಹೊರತುಪಡಿಸಿ ಶಂಕರ್ ಜೊತೆ ಇಂಡಿಯನ್-2 ಸಿನಿಮಾದಲ್ಲಿ ಕಮಲ್ ಹಾಸನ್ ನಟಿಸುತ್ತಿದ್ದಾರೆ. ಚಿತ್ರದ ಅರ್ಧದಷ್ಟು ಚಿತ್ರೀಕರಣ ಮಾಡಿರುವ ಈ ಸಿನಿಮಾ ನಿರ್ಮಾಪಕ-ನಿರ್ದೇಶಕರ ನಡುವಿನ ವ್ಯವಹಾರಿಕ ವಿವಾದಿಂದ ತಾತ್ಕಲಿಕವಾಗಿ ನಿಂತಿದೆ. ಚಿತ್ರದ ನಿರ್ಮಾಪಕ ಲೈಕಾ ಪ್ರೊಡಕ್ಷನ್ ಸಂಸ್ಥೆ ನಿರ್ದೇಶಕ ಶಂಕರ್ ವಿರುದ್ಧ ನ್ಯಾಯಾಲಯದ ಮೊರೆ ಹೋಗಿದ್ದು, ಸಿನಿಮಾ ಮುಗಿಸಿಕೊಡುವಂತೆ ಬೇಡಿಕೆಯಿಟ್ಟಿದ್ದಾರೆ. ಈ ಸಂಬಂಧ ಮದ್ರಾಸ್ ಮತ್ತು ಹೈದರಾಬಾದ್‌ ನ್ಯಾಯಾಲಯದಲ್ಲಿ ಎರಡು ಪ್ರತ್ಯೇಕ ಪ್ರಕರಣ ದಾಖಲಾಗಿದೆ.

ದೃಶ್ಯಂ 2 ರಿಮೇಕ್‌ನಲ್ಲಿ ಕಮಲ್ ಹಾಸನ್?

ಇನ್ನು ಮಲಯಾಳಂ ಹಿಟ್ ಚಿತ್ರ 'ದೃಶ್ಯಂ-2' ತಮಿಳಿನಲ್ಲಿ ರಿಮೇಕ್ ಆಗಲಿದ್ದು, ಕಮಲ್ ಹಾಸನ್ ಕಾಣಿಸಿಕೊಳ್ಳಲಿದ್ದಾರೆ. ಮೋಹನ್ ಲಾಲ್ ನಟನೆಯಲ್ಲಿ ತೆರೆಕಂಡಿದ್ದ ದೃಶ್ಯಂ 2 ಸಿನಿಮಾ ದೊಡ್ಡ ಯಶಸ್ಸು ಕಂಡಿತ್ತು. ನಿರೀಕ್ಷೆಯಂತೆ ಈ ಚಿತ್ರದ ಉಳಿದ ಭಾಷೆಗಳಲ್ಲಿ ರಿಮೇಕ್ ಆಗುತ್ತಿದೆ. ತಮಿಳಿನಲ್ಲಿ ಕಮಲ್ ಹಾಸನ್, ತೆಲುಗಿನಲ್ಲಿ ವೆಂಕಟೇಶ್, ಕನ್ನಡದಲ್ಲಿ ರವಿಚಂದ್ರನ್ ಹಾಗೂ ಹಿಂದಿಯಲ್ಲಿ ಅಜಯ್ ದೇವಗನ್ ನಟಿಸಲಿದ್ದಾರೆ.