'ಮಾಸ್ಟರ್' ನಾಯಕಿ ಮೇಲೆ ಮುಗಿಬಿದ್ದ ವಿಜಯ್ ಅಭಿಮಾನಿಗಳು: ಟ್ವೀಟ್ ಡಿಲೀಟ್

ಮಾಸ್ಟರ್ ಸಿನಿಮಾ ಕುರಿತ ಕಾರ್ಟೂನ್‌

ಕಾರ್ಟೂನ್‌ ನಲ್ಲಿ ವಿಜಯ್ ಸೇರಿದಂತೆ ಚಿತ್ರದ ಇತರ ನಟರು, ತಂತ್ರಜ್ಞರು ಒಂದು ಮನೆಯಲ್ಲಿ ಕುಳಿತು ಟಿವಿ ನೋಡುವುದು, ಆಟ ಆಡುವುದರಲ್ಲಿ ನಿರತರಾಗಿದ್ದಾರೆ. ಅದೇ ಕಾರ್ಟೂನ್‌ನಲ್ಲಿ ಮಾಸ್ಟರ್ ನಾಯಕಿ ಅಡುಗೆ ಮಾಡುತ್ತಿರುವಂತೆ ಚಿತ್ರಸಲಾಗಿದೆ.

ಕಾರ್ಟೂನ್‌ ಗೆ ಆಕ್ಷೇಪ ವ್ಯಕ್ತಪಡಿಸಿದ ನಟಿ

ಈ ಟ್ವೀಟ್‌ ಗೆ ಆಕ್ಷೇಪ ವ್ಯಕ್ತಪಡಿಸಿದ ನಟಿ ಮಾಳವಿಕಾ ಮೋಹನನ್, 'ಕಾರ್ಟೂನ್‌ನಲ್ಲಿಯೂ ನಾಯಕಿಗೆ ಅಡುಗೆ ಮಾಡುವ ಕೆಲಸವನ್ನೇ ನೀಡಿದ್ದಾರೆ, ಯಾವಾಗ ಲಿಂಗಭೇದ ಅಂತ್ಯವಾಗುತ್ತದೆ' ಎಂಬರ್ಥದ ಟ್ವೀಟ್ ಮಾಡಿದ್ದರು.

ಟ್ವೀಟ್ ಡಿಲೀಟ್ ಮಾಡಿದ ನಟಿ

ಆದರೆ ವಿಜಯ್ ಅಭಿಮಾನಿಗಳು ಮುಗಿಬಿದ್ದಕೂಡಲೇ ಟ್ವೀಟ್ ಅನ್ನು ಡಿಲೀಟ್ ಮಾಡಿದರು ಮಾಳವಿಕಾ ಮೋಹನನ್, ಆದರೆ ಅವರು ಮಾಡಿದ್ದ ಟ್ವೀಟ್‌ ನ ಸ್ಕ್ರೀನ್ ಶಾಟ್‌ಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಕನ್ನಡ ಸಿನಿಮಾದಲ್ಲೂ ನಟಿಸಿರುವ ಮಾಳವಿಕಾ ಮೋಹನನ್

'ನಾನು ಮತ್ತು ವರಮಹಾಲಕ್ಷ್ಮಿ' ಎಂಬ ಪ್ರೀತಂ ಗುಬ್ಬಿ ನಿರ್ದೇಶನದ ಕನ್ನಡ ಸಿನಿಮಾದಲ್ಲಿ ಮಾಳವಿಕಾ ಮೋಹನನ್ ನಟಿಸಿದ್ದರು. ಹಲವು ಸಿನಿಮಾಗಳಲ್ಲಿ ನಟಿಸಿರುವ ಅವರು ಮಲೆಯಾಳಂ ಮತ್ತು ತಮಿಳಿನಲ್ಲಿ ಬೇಡಿಕೆಯ ನಟಿ.