ಆಸ್ಕರ್ ಗೆದ್ದ 'ಪ್ಯಾರಾಸೈಟ್' ವಿರುದ್ಧ ಕೇಸ್ ದಾಖಲಿಸಲು ಮುಂದಾದ ವಿಜಯ್ ತಂಡ

ಅಂತಾರಾಷ್ಟ್ರೀಯ ವಕೀಲರ ಜೊತೆ ಚರ್ಚೆ

ಪ್ಯಾರಾಸೈಟ್ ಚಿತ್ರದ ನಿರ್ಮಾಪಕರ ವಿರುದ್ಧ ಕಥೆ ಕದ್ದ ಆರೋಪದಲ್ಲಿ ಕೇಸ್ ದಾಖಲಿಸಲು ವಿಜಯ್ ಸಿನಿಮಾ ನಿರ್ಮಾಪಕರು ಮುಂದಾಗಿದ್ದಾರೆ. ಈ ಕುರಿತು ಅಂತಾರಾಷ್ಟ್ರೀಯ ವಕೀಲರನ್ನು ಸಂಪರ್ಕಿಸಿದ್ದು, ಪ್ರಕರಣ ದಾಖಲಿಸುವ ಸಾಧ್ಯತೆಗಳ ಬಗ್ಗೆ ಚರ್ಚಿಸುತ್ತಿದ್ದಾರಂತೆ.

ಕೆ ಎಸ್ ರವಿಕುಮಾರ್ ಸಂತಸ

ಇನ್ನು ಪ್ಯಾರಾಸೈಟ್ ಚಿತ್ರಕ್ಕೆ ಆಸ್ಕರ್ ಸಿಕ್ಕಿರುವ ಬಗ್ಗೆ ಮಿನ್ಸಾರ ಕಣ್ಣ ಚಿತ್ರದ ನಿರ್ದೇಶಕ ಕೆ ಎಸ್ ರವಿಕುಮಾರ್ ಸಂತಸ ವ್ಯಕ್ತಪಡಿಸಿದ್ದಾರೆ. 20 ವರ್ಷದ ಬಂದಿದ್ದ ಕಥೆಗೆ ಆಸ್ಕರ್ ಸಿಕ್ಕಿದೆ ಎನ್ನುವುದಾದರೆ ನಿಜಕ್ಕೂ ಸಂತಸ ಎಂದಿದ್ದಾರೆ. ''ನಾನು ಪ್ಯಾರಾಸೈಟ್ ಚಿತ್ರವನ್ನು ನೋಡಿಲ್ಲ. ಆದರೆ ಜನರು ಹೇಳುತ್ತಿರುವುದನ್ನ ನೋಡಿದ್ರೆ ಆಸ್ಕರ್ ಗೆಲ್ಲುವಂತಹ ಕತೆಯನ್ನು ನಾನು 20 ವರ್ಷದ ಹಿಂದೆಯೇ ಆಯ್ಕೆ ಮಾಡಿಕೊಂಡಿದ್ದೆ ಎನ್ನುವುದು ಖುಷಿ ಕೊಟ್ಟಿದೆ. ಪ್ಯಾರಾಸೈಟ್ ಚಿತ್ರಕ್ಕೆ ಶುಭಾಶಯ ತಿಳಿಸುತ್ತೇನೆ'' ಎಂದಿದ್ದಾರೆ.

ಆಸ್ಕರ್ 2020 LIVE: ಆಸ್ಕರ್ ಪ್ರಶಸ್ತಿ ವಿಜೇತರ ಸಂಪೂರ್ಣ ಪಟ್ಟಿ

1999ರಲ್ಲಿ ಬಂದಿದ್ದ ಮಿನ್ಸಾರ ಕಣ್ಣ!

ಕೆ ಎಸ್ ರವಿಕುಮಾರ್ ನಿರ್ದೇಶನ ಹಾಗೂ ವಿಜಯ್ ನಟಿಸಿದ್ದ ಮಿನ್ಸಾರ ಕಣ್ಣ ಸಿನಿಮಾ 1999ರಲ್ಲಿ ಬಿಡುಗಡೆಯಾಗಿತ್ತು. ಕೆ ಆರ್ ಗಂಗಾಧರನ್ ಈ ಚಿತ್ರ ನಿರ್ಮಿಸಿದ್ದರು. ಖುಷ್ಬೂ, ರಂಭಾ, ಮೋನಿಕಾ ಹಾಗೂ ವಿಜಯ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು.

ಪ್ಯಾರಾಸೈಟ್ ಚಿತ್ರದ ಕುರಿತು

ಬಾಂಗ್ ಜೋನ್-ಹೋ ನಿರ್ದೇಶನದ ಸೌತ್ ಕೊರಿಯನ್ ಸಿನಿಮಾ 'ಪ್ಯಾರಾಸೈಟ್' ನಾಲ್ಕು ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿ ಪಡೆದುಕೊಂಡಿದೆ. ಅತ್ಯುತ್ತಮ ನಿರ್ದೇಶಕ, ಅತ್ಯುತ್ತಮ ಸಿನಿಮಾ, ಅತ್ಯುತ್ತಮ ಒರಿಜಿನಲ್ ಚಿತ್ರಕಥೆ ಹಾಗೂ ಅತ್ಯುತ್ತಮ ಅಂತಾರಾಷ್ಟ್ರೀಯ ಫೀಚರ್ ಸಿನಿಮಾ ಎಂಬ ಪ್ರಶಸ್ತಿ ಲಭಿಸಿದೆ.