Exclusive: ನಯನತಾರಾ ಮಗು ವಿವಾದದಿಂದ ನಮಗಂತೂ ಒಳ್ಳೆಯದಾಯ್ತು ಎಂದ ಸಮಂತಾ!

ಏನಿದು ಸರೋಗಸಿ?

ಸರೋಗಸಿ ಎಂದರೆ ಬಾಡಿಗೆ ತಾಯ್ತತನದ ಮೂಲಕ ಮಕ್ಕಳನ್ನು ಪಡೆಯುವ ವಿಧಾನ. ಇನ್ನು ನಮ್ಮ ಭಾರತ ದೇಶದಲ್ಲಿ ಈ ವಿಧಾನ ಬ್ಯಾನ್ ಆಗಿದೆ ಎಂಬ ಮಾತುಗಳೂ ಸಹ ಇವೆ. ಹೀಗಾಗಿಯೇ ನಟಿ ನಯನತಾರಾ ಮದುವೆಯಾದ ನಾಲ್ಕೇ ತಿಂಗಳುಗಳಿಗೆ ಮಕ್ಕಳನ್ನು ಪಡೆದಾಗ ಇದು ಸರೋಗಸಿ, ಇದರ ವಿರುದ್ಧ ತನಿಖೆಯಾಗಬೇಕು ಎಂಬ ಆದೇಶವೂ ಆಗಿತ್ತು. ಹೀಗಾಗಿ ಇದು ನಯನತಾರಾ ಮತ್ತು ಪತಿ ವಿ‍ಘ್ನೇಶ್ ಅವರನ್ನು ವಿವಾದಕ್ಕೆ ದೂಡಿತ್ತು.

ಇದರಿಂದ ತಮಗೆ ಒಳ್ಳೆಯದಾಯಿತು ಎಂದ ಸಮಂತಾ!

ಇನ್ನು ಫಿಲ್ಮಿಬೀಟ್ ಜತೆ ನಡೆದ ಸಂದರ್ಶನದಲ್ಲಿ ಮಾತನಾಡಿದ ನಟಿ ಸಮಂತಾ ಚಿತ್ರದಲ್ಲಿ ಸರೋಗಸಿ ಪ್ರಮುಖ ಭಾಗವಾಗಿದೆ ಎಂದರು. ಇದರ ಕುರಿತು ಪ್ರಶ್ನೆ ಹಾಕಿದ ನಿರೂಪಕಿ ಸೆಲೆಬ್ರಿಟಿ ಜೋಡಿ ಸರೋಗಸಿ ಮೂಲಕ ಮಕ್ಕಳನ್ನು ಪಡೆದ ಕಾರಣ ಸದ್ಯ ತಮಿಳುನಾಡಿನಲ್ಲಿ ಇದರ ಕುರಿತು ಪ್ರಶ್ನೆ ಎದ್ದಿತ್ತು ಹಾಗೂ ಚರ್ಚೆ ನಡೆದಿತ್ತು, ಅದೇ ಸಮಯದಲ್ಲಿ ಸರೋಗಸಿ ಕುರಿತಾಗಿಯೇ ನಿಮ್ಮ ಚಿತ್ರವೂ ಬಂದ ಕಾರಣ ಸಮಂತಾ ಈ ಹಾಟ್ ಟಾಪಿಕ್ ಕುರಿತಾಗಿಯೇ ಚಿತ್ರ ಮಾಡಿದ್ದಾರೆ ಎಂದು ಜನ ಮಾತನಾಡಿಕೊಳ್ಳತೊಡಗಿದರು ಇದರ ಬಗ್ಗೆ ನಿಮ್ಮ ಅಭಿಪ್ರಾಯವೇನು ಎಂದರು. ಇದಕ್ಕೆ ಉತ್ತರಿಸಿದ ಸಮಂತಾ 'ನಾನು ಹಾಟ್ ಟಾಪಿಕ್ ಉಪಯೋಗಿಸಿಕೊಂಡು ಚಿತ್ರ ಮಾಡುವ ನಟಿಯಲ್ಲ, ಏಕೆಂದರೆ ವಿವಾದಕ್ಕೂ ಮುನ್ನವೇ ನಮ್ಮ ಚಿತ್ರ ತಯಾರಾಗಿತ್ತು. ಆದರೆ ಈ ವಿವಾದದಿಂದ ( ನಯನತಾರಾ ಸರೋಗಸಿ ವಿವಾದ ) ನಮಗೆ ಉಚಿತ ಪ್ರಚಾರ ಸಿಕ್ಕಂತಾಯಿತು. ಇದು ನಮಗೆ ಒಳ್ಳೆಯದ್ದೇ ಆಯಿತು' ಎಂದರು.

ಬಾಡಿಗೆ ತಾಯ್ತತನದ ಬಗ್ಗೆ ಸಮಂತಾ ಅಭಿಪ್ರಾಯ

ಇನ್ನು ನಿರೂಪಕಿ ಸರೋಗಸಿ ಬಗ್ಗೆ ನಿಮ್ಮ ಅಭಿಪ್ರಾಯವೇನು ಎಂಬ ಪ್ರಶ್ನೆಯನ್ನು ಇಟ್ಟಾಗ ಉತ್ತರಿಸಿದ ನಟಿ ಸಮಂತಾ 'ನಾನು ಯಾವುದರ ಕುರಿತೂ ಸಹ ಅಭಿಪ್ರಾಯವನ್ನು ನೀಡಲು ಇಚ್ಛಿಸುವುದಿಲ್ಲ. ಏಕೆಂದರೆ ನೀವೇನಾದರೂ ಒಂದು ಅಭಿಪ್ರಾಯವನ್ನು ವ್ಯಕ್ತಪಡಿಸಿದರೆ ನಾನು ಅದನ್ನು ಬದಲಾಯಿಸಿಕೊಳ್ಳುತ್ತೇನೆ. ಯಾರಿಗೆ ಹೇಗೆ ಇಷ್ಟವೋ ಅದೇ ರೀತಿ ಬದುಕುವುದೇ ಸರಿ' ಎಂದು ಸಮಂತಾ ಹೇಳಿದರು.