ಮುಖಪುಟ

Tamil

ನಟಿ ರಶ್ಮಿಕಾ ಮಂದಣ್ಣ ತಮ್ಮ ನಟನಾ ವೃತ್ತಿಯ ಉತ್ತುಂಗದಲ್ಲಿದ್ದಾರೆ. ಅವಕಾಶಗಳ ಮೇಲೆ ಅವಕಾಶಗಳು ರಶ್ಮಿಕಾ ರನ್ನು ಅರಸಿ ಬರುತ್ತಿವೆ.

ಬಾಲಿವುಡ್‌ನಲ್ಲಿ ಬ್ಯಾಕ್ ಟು ಬ್ಯಾಕ್ ಎರಡು ಸಿನಿಮಾಗಳನ್ನು ಬಾಚಿಕೊಂಡಿದ್ದಾರೆ ನಟಿ ರಶ್ಮಿಕಾ ಮಂದಣ್ಣ. ತೆಲುಗಿನಲ್ಲಿಯೂ ದೊಡ್ಡ-ದೊಡ್ಡ ನಟರ ಜೊತೆ ನಟಿಸುತ್ತಿದ್ದಾರೆ. ಆದರೆ ರಶ್ಮಿಕಾ ಮಂದಣ್ಣರ ಮೊದಲ ತಮಿಳು ಸಿನಿಮಾ ಬಿಡುಗಡೆ ಮಾತ್ರ ಯಾಕೊ ತಡವಾಗುತ್ತಿದೆ.

ಅಮಿತಾಬ್ ಬಚ್ಚನ್ ಮಗಳಾಗಿ ನಟಿಸಲಿದ್ದಾರೆ ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ, ಕಾರ್ತಿ ಜೊತೆಯಾಗಿ ನಟಿಸಿರುವ ತಮಿಳು ಸಿನಿಮಾ 'ಸುಲ್ತಾನ್' ಚಿತ್ರೀಕರಣ ಮುಗಿದು ಬಹು ಸಮಯವೇ ಆಗಿದೆ. ಆದರೆ ಸಿನಿಮಾ ಬಿಡುಗಡೆ ಮಾತ್ರ ತಡವಾಗುತ್ತಲೇ ಇದೆ. ಸುಲ್ತಾನ್ ಸಿನಿಮಾ ರಶ್ಮಿಕಾ ನಟನೆಯ ಮೊದಲ ತಮಿಳು ಸಿನಿಮಾ.

'ಸುಲ್ತಾನ್' ಸಿನಿಮಾ 2021 ರ ಜನವರಿಯ ಸಂಕ್ರಾಂತಿ ವೇಳೆಗೆ ಬಿಡುಗಡೆ ಆಗುತ್ತದೆ ಎನ್ನಲಾಗಿತ್ತು. ಹೊಸ ಸುದ್ದಿಯ ಪ್ರಕಾರ, ಸಿನಿಮಾವು 2021 ರ ಏಪ್ರಿಲ್ ತಿಂಗಳಲ್ಲಿ ತೆರೆಗೆ ಬರಲಿದೆ. ಚಿತ್ರತಂಡ ಉದ್ದೇಶಪೂರ್ವಕವಾಗಿ ಬಿಡುಗಡೆ ದಿನಾಂಕವನ್ನು ಮುಂದಕ್ಕೆ ಹಾಕಿದೆಯಂತೆ.

ಜನವರಿ, ಫೆಬ್ರವರಿ, ಮಾರ್ಚ್‌ ತಿಂಗಳಲ್ಲಿ ತಮಿಳಿನ ದೊಡ್ಡ-ದೊಡ್ಡ ಸ್ಟಾರ್ ನಟರುಗಳ ಸಿನಿಮಾ ಬಿಡುಗಡೆ ಆಗಲಿವೆ, ಹಾಗಾಗಿ ಏಪ್ರಿಲ್ ನಲ್ಲಿ ತಮ್ಮ ಸಿನಿಮಾವನ್ನು ತೆರೆಗೆ ತರಲು ನಿರ್ಧರಿಸಿದೆ ಚಿತ್ರತಂಡ.

ಮೂರು ವರ್ಷದ ಬಳಿಕ ನೆನಪಿಸಿಕೊಂಡ ರಶ್ಮಿಕಾ: ಮನತುಂಬಿ ಹಾರೈಸಿದ ರಕ್ಷಿತ್ ಶೆಟ್ಟಿ

ವಿಜಯ್ ನಟನೆಯ 'ಮಾಸ್ಟರ್', ರಜನೀಕಾಂತ್ ನಟನೆಯ 'ಅನ್ನಾತೆ', ತಮಿಳಿನಲ್ಲೂ ಬಿಡುಗಡೆ ಆಗಲಿರುವ 'RRR', ಇಂಡಿಯನ್ 2, ಅಜಿತ್ ನಟನೆಯ ವಾಲಿಮೈ, ಧನುಶ್ ನಟನೆಯ ಜಗಮೇ ತಾಂಡಿರಮ್, ವಿಕ್ರಂ ನಟನೆಯ ಕೋಬ್ರಾ, ಕೆಜಿಎಫ್ 2 ಇನ್ನೂ ಕೆಲವು ಬಿಗ್ ಬಜೆಟ್ ಸಿನಿಮಾಗಳು ಬಿಡುಗಡೆಗೆ ತಯಾರಾಗಿವೆ. ಇವುಗಳ ಜೊತೆಗೆ ಸ್ಪರ್ಧೆಗೆ ರೆಡಿಯಿಲ್ಲ ಸುಲ್ತಾನ್ ತಂಡ ಹಾಗಾಗಿ ಬಿಡುಗಡೆಯನ್ನು ಮುಂದಕ್ಕೆ ಹಾಕಿದೆ.

ಸುಲ್ತಾನ್ ಸಿನಿಮಾವನ್ನು ಭಾಗ್ಯರಾಜ್ ಕನ್ನನ್ ನಿರ್ದೇಶಿಸಿದ್ದಾರೆ. ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ, ಕಾರ್ತಿ ಜೊತೆಗೆ ಯೋಗಿಬಾಬು, ಪೊನ್ನಂಬಲಂ ಇನ್ನೂ ಹಲವರು ನಟಿಸಿದ್ದಾರೆ.