ಹಾಗೆ ಕರೆದಿದ್ದಕ್ಕೆ ಪತ್ರಕರ್ತೆ ಮೇಲೆ ಸಿಟ್ಟಾದ ಸಾಯಿ ಪಲ್ಲವಿ

ತಮಿಳುನಾಡು ಚೆಲುವೆ ಸಾಯಿ ಪಲ್ಲವಿ

ನಟಿ ಸಾಯಿ ಪಲ್ಲವಿ ತಮಿಳು ಹುಡುಗಿ. ಹುಟ್ಟಿದ್ದು ಬೆಳಿದಿದ್ದು ಎಲ್ಲಾ ತಮಿಳುನಾಡಿನಲ್ಲಿ. ಆದರೆ ಆಕೆ ಬೆಳಕಿಗೆ ಬಂದಿದ್ದು ಮಲೆಯಾಳಂ ಸಿನಿಮಾ ಮೂಲಕ ಹಾಗಾಗಿ ಕೆಲವರು ಆಕೆ ಮಲಯಾಳಿ ನಟಿ ಎಂದೇ ಭಾವಿಸಿದ್ದಾರೆ. ಆದರೆ ಇದು ಸಾಯಿ ಪಲ್ಲವಿಗೆ ಇಷ್ಟವಿಲ್ಲ.

'ಮಲ್ಲು ಹುಡುಗಿ' ಎಂದು ಕರೆದ ಸಂದರ್ಶಕಿ

ಇತ್ತೀಚೆಗೆ ಸಂದರ್ಶಿಕಿಯೊಬ್ಬರು ಸಾಯಿ ಪಲ್ಲವಿಯನ್ನು 'ಮಲ್ಲು ಹುಡುಗಿ' ಎಂದು ಕರೆದಿದ್ದಾರೆ. ಇದರಿಂದ ಸಿಟ್ಟಾದ ಸಾಯಿ ಪಲ್ಲವಿ, ತಾಳ್ಮೆ ಕಳೆದುಕೊಂಡು, ನಾನು ಮಲ್ಲು ಹುಡುಗಿಯಲ್ಲ, 'ತಮಿಳು ಪೊಣ್ಣು' (ತಮಿಳು ಹೆಣ್ಣುಮಗಳು) ಎಂದು ಸಿಟ್ಟಿನಿಂದಲೇ ಹೇಳಿದ್ದಾರೆ.

ನಾನು ಮಲ್ಲು ಕುಟ್ಟಿ ಅಲ್ಲ: ಸಾಯಿ ಪಲ್ಲವಿ

ನಾನೂ ಕೆಲವು ಮಲಯಾಳಂ ಸಿನಿಮಾದಲ್ಲಿ ನಟಿಸಿದ್ದೇನೆ, ನನಗೆ ಮಲಯಾಳಂ ಮಾತನಾಡಲು ಬರುತ್ತದೆ ಎಂದ ಮಾತ್ರಕ್ಕೆ ನಾನು 'ಮಲ್ಲು ಕುಟ್ಟಿ' ಆಗುವುದಿಲ್ಲ. ನಾನು ತಮಿಳಿನ ಹುಡುಗಿಯೇ ಎಂದು ಹೇಳಿದ್ದಾರೆ. ಸಾಯಿ ಪಲ್ಲವಿ ಮಾತನ್ನು ತಮಿಳು ಅಭಿಮಾನಿಗಳು ಬೆಂಬಲಿಸಿದ್ದಾರೆ.

ಪ್ರೇಮಂ ಸಿನಿಮಾ ಮೂಲಕ ನಾಯಕಿಯಾದ ಸಾಯಿ ಪಲ್ಲವಿ

ಮಲಯಾಳಂ ಸಿನಿಮಾ ಪ್ರೇಮಂ ಮೂಲಕ ಸಿನಿಮಾರಂಗಕ್ಕೆ ಬಂದ ಸಾಯಿ ಪಲ್ಲವಿ ಕೆಲವೇ ದಿನಗಳಲ್ಲಿ ತಮ್ಮ ಪ್ರತಿಭೆಯಿಂದ ತಮಿಳು, ತೆಲುಗು ಸಿನಿಮಾಗಳಲ್ಲಿಯೂ ಖ್ಯಾತರಾದರು. ಪ್ರೇಮಂ ಗೆ ಮುನ್ನಾ ಎರಡು ತಮಿಳು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರು, ಆದರೆ ಪೂರ್ಣ ಪ್ರಮಾಣದ ಪಾತ್ರ ಮಾಡಿರಲಿಲ್ಲ.

ಎರಡು ಸಿನಿಮಾ ಬಿಡುಗಡೆಗೆ ತಯಾರಿವೆ

ಸಾಯಿ ಪಲ್ಲವಿ ಅವರ ಎರಡು ಸಿನಿಮಾ ಬಿಡುಗಡೆಗೆ ತಯಾರಾಗಿದೆ. ರಾಣಾ ದಗ್ಗುಬಾಟಿ ಜೊತೆಗೆ ನಟಿಸಿರುವ ವಿರಾಟ ಪರ್ವಂ ಮತ್ತು ನಾಗ ಚೈತನ್ಯ ಜೊತೆಗೆ ನಟಿಸಿರುವ 'ಲವ್ ಸ್ಟೋರಿ' ಸಿನಿಮಾಗಳು ಲಾಕ್‌ಡೌನ್ ನಂತರ ಬಿಡುಗಡೆ ಆಗಲಿವೆ. ಇದರ ಜೊತೆ ಶ್ಯಾಮ ಸಿಂಗ ರಾಯ್ ಸಿನಿಮಾ ಚಿತ್ರೀಕರಣ ಬಾಕಿ ಇದೆ.