ಇಬ್ಬರು ನಟಿಯರನ್ನು ಮನಸಾರೆ ಹೊಗಳಿದ ಸಾಯಿ ಪಲ್ಲವಿ

ಈಗ ಪರಿಸ್ಥಿತಿ ಸಾಕಷ್ಟು ಸುಧಾರಿಸಿದೆ: ಸಾಯಿ ಪಲ್ಲವಿ

ಇದಕ್ಕೆ ಉತ್ತರಿಸಿರುವ ಸಾಯಿ ಪಲ್ಲವಿ, 'ಕೆಲವು ವರ್ಷಗಳ ಹಿಂದೆ ಮಹಿಳೆಯರಿಗೆ ಯಾವ ರೀತಿಯ ಪಾತ್ರ ನೀಡಲಾಗುತ್ತಿತ್ತೊ ಅದಕ್ಕಿಂತಲೂ ಶಕ್ತವಾದ ಪಾತ್ರಗಳು ಇತ್ತೀಚಿನ ದಿನಗಳಲ್ಲಿ ಸೃಷ್ಟಿಯಾಗುತ್ತಿದೆ. ನನಗೂ ಸಹ ಒಳ್ಳೆಯ ಪಾತ್ರಗಳೇ ದೊರಕುತ್ತಿವೆ' ಎಂದಿದ್ದಾರೆ.

ಅನುಷ್ಕಾ ಶೆಟ್ಟಿ, ನಯನತಾರಾ ಬಗ್ಗೆ ಹೊಗಳಿಕೆ

ಮುಂದುವರೆದು, 'ಇಂಥಹಾ ಬದಲಾವಣೆ ಆಗಲು ಕಾರಣ ಅನುಷ್ಕಾ ಶೆಟ್ಟಿ, ನಯನತಾರಾ ಅಂತಹಾ ನಾಯಕಿಯರು. ನಟಿಯೂ ಸಹ ಸಿನಿಮಾವನ್ನು ಹೆಗಲ ಮೇಲೆ ಹೊತ್ತು ಗೆಲ್ಲಿಸಬಲ್ಲರು ಎಂಬುದನ್ನು ಈ ನಟಿಯರು ನಿರ್ಮಾಪಕರಿಗೆ ತೋರಿಸಿಕೊಟ್ಟರು. ನಿರ್ಮಾಪಕರಿಗೆ ನಟಿಯರ ಶಕ್ತಿಯ ಬಗ್ಗೆ ನಂಬಿಕೆ ಬರುವಂತೆ ಮಾಡಿದರು' ಎಂದಿದ್ದಾರೆ ಸಾಯಿ ಪಲ್ಲವಿ.

ಗಟ್ಟಿಯಾದ ಪಾತ್ರದಲ್ಲಿಯೇ ನಟಿಸಿದ್ದಾರೆ ಸಾಯಿ ಪಲ್ಲವಿ

ಸಾಯಿ ಪಲ್ಲವಿ ಈ ವರೆಗೆ ನಟಿಸಿರುವ ಎಲ್ಲ ಸಿನಿಮಾಗಳಿಲ್ಲಯೂ ಗಟ್ಟಿಯಾದ ಪಾತ್ರವನ್ನೇ ನಿರ್ವಹಿಸಿದ್ದಾರೆ. ಹಾಡುಗಳಲ್ಲಿ ಮಾತ್ರ ಕಾಣಿಸಿಕೊಳ್ಳುವ 'ಬಬ್ಲಿ ಗರ್ಲ್' ಪಾತ್ರದ ಬದಲಿಗೆ ಕತೆಯಲ್ಲಿ ಪ್ರಮುಖ ಪಾತ್ರವಾಗಿರುವ ನಾಯಕಿಯ ಪಾತ್ರದಲ್ಲಿ ಮಾತ್ರವೇ ನಟಿಸಿದ್ದಾರೆ ಸಾಯಿ ಪಲ್ಲವಿ.

'ಪಾವ ಕದೈಗಳ್' ಬಗ್ಗೆ ಪ್ರಶಂಸೆ

ಸಾಯಿ ಪಲ್ಲವಿ ನಟಿಸಿರುವ ಅಂತಾಲಜಿ ಸಿನಿಮಾ 'ಪಾವ ಕದೈಗಳ್' ಇತ್ತೀಚೆಗಷ್ಟೆ ಬಿಡುಗಡೆ ಆಗಿ ಮೆಚ್ಚುಗೆ ಗಳಿಸಿದೆ. 'ವಿರಾಟ ಪರ್ವಂ' ಸಿನಿಮಾದಲ್ಲಿ ನಕ್ಸಲೈಟ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅವರ ನಟನೆಯ ಲವ್‌ಸ್ಟೋರಿ ಸಿನಿಮಾ ಬಿಡುಗಡೆ ಆಗಲಿದೆ. ನಾನಿ ಜೊತೆಗೆ ಹೊಸ ಸಿನಿಮಾಕ್ಕೆ ಕೈ ಹಾಕಿದ್ದಾರೆ.