ಕಾರ್ತಿ ಫೇಸ್‌ಬುಕ್ ಹ್ಯಾಕ್ ಮಾಡಿ ಗೇಮ್ ಆಡಿದ ಹ್ಯಾಕರ್ಸ್; ನಿರ್ದೇಶಕನ ಆಡಿದ ಆ ಮಾತಿನಿಂದ ಇಷ್ಟೆಲ್ಲಾ?

Tamil

oi-Srinivasa A

By Srinivasa A

| Updated: Monday, November 14, 2022, 16:50 [IST]

ತಮಿಳಿನ ಸ್ಟಾರ್ ನಟರ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿರುವ ನಟ ಕಾರ್ತಿ ಸದ್ಯ ಸಾಲು ಸಾಲು ಚಿತ್ರಗಲ್ಲಿ ಬ್ಯುಸಿಯಾಗಿದ್ದಾರೆ. ಸದ್ಯ ಕಾರ್ತಿ ಅಭಿನಯದ ಸರ್ದಾರ್ ಚಿತ್ರ ಚಿತ್ರಮಂದಿರಗಳಲ್ಲಿ ಭರ್ಜರಿಯಾಗಿ ಪ್ರದರ್ಶನಗೊಳ್ಳುತ್ತಿದ್ದು ಚಿತ್ರ ಈಗಾಗಲೇ ನೂರು ಕೋಟಿ ಕ್ಲಬ್ ಸೇರಿದೆ. ಚಿತ್ರದಲ್ಲಿ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಕಾರ್ತಿ ಭಾರತ ದೇಶದ ಸ್ಪೈ ಏಜೆಂಟ್ ಆಗಿ ಹಾಗೂ ಪೊಲೀಸ್ ಆಗಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.

ಹೀಗೆ ಸಾಲು ಸಾಲು ಹಿಟ್ ಚಿತ್ರಗಳಲ್ಲಿ ಅಭಿನಯಿಸಿರುವ ನಟ ಕಾರ್ತಿ ಅವರ ಅಧಿಕೃತ ಫೇಸ್‌ಬುಕ್ ಖಾತೆಯನ್ನು ಹ್ಯಾಕರ್ಸ್ ಇಂದು ( ನವೆಂಬರ್ 14 ) ಹ್ಯಾಕ್ ಮಾಡಿದ್ದಾರೆ. ಹ್ಯಾಕ್ ಮಾಡಿದ ನಂತರ ಕಾರ್ತಿ ಎಂಬ ಕ್ಯಾಪ್ಷನ್ ಬಳಸಿ ಲೈವ್ ವಿಡಿಯೊ ಹರಿಬಿಟ್ಟಿರುವ ಕಿಡಿಗೇಡಿಗಳು ಆನ್‌ಲೈನ್ ಗೇಮ್ ಆಡಿದ್ದಾರೆ. ಹೀಗೆ ನಟನ ಖಾತೆಯಲ್ಲಿ ಆನ್‌ಲೈನ್ ಗೇಮ್ ಲೈವ್ ಸ್ಟ್ರೀಮ್ ಆಗುತ್ತಿದ್ದನ್ನು ಕಂಡ ನೆಟ್ಟಿಗರು ಕೆಲಕಾಲ ಆಶ್ಚರ್ಯ ಹಾಗೂ ಗೊಂದಲಕ್ಕೊಳಗಾಗಿದ್ದರು ಹಾಗೂ ನಟನ ಖಾತೆ ಹ್ಯಾಕ್ ಆಗಿರಬಹುದು ಎಂದು ಕಾಮೆಂಟ್ ಮಾಡತೊಡಗಿದರು.

ಇನ್ನು ದೇಶದಲ್ಲಿ ಹೇಗೆ ಖಾಸಗಿ ಒಡೆತನದ ನೀರಿನ ಕಂಪೆನಿಗಳು ವಾಟರ್ ಮಾಫಿಯಾವನ್ನು ನಡೆಸುತ್ತಿವೆ, ಇದೇ ರೀತಿ ಮುಂದೊಂದು ದಿನ ಈ ಮಾಫಿಯಾ ಎಷ್ಟು ದೊಡ್ಡ ಮಟ್ಟಕ್ಕೆ ತಲುಪಿ ಜನಸಾಮಾನ್ಯರಿಗೆ ತೊಂದರೆಯಾಗಬಹುದು, ಉಚಿತವಾಗಿ ಸಿಗುತ್ತಿರುವ ನೀರಿಗೆ ಮುಂದೆ ಹಣ ನೀಡಿ ಖರೀದಿಸಬೇಕಾಗಿ ಬರಬಹುದು ಎಂಬುದನ್ನು ನಿರ್ದೇಶಕ ಪಿ ಎಸ್ ಮಿತ್ರನ್ ಕತೆ ಸರ್ದಾರ್ ಚಿತ್ರದ ಮೂಲಕ ಬಿಡಿಸಿ ಹೇಳಿದ್ದರು. ಹೀಗೆ ಸಮಾಜಕ್ಕೆ ಭಿನ್ನ ವಿಭಿನ್ನ ಸಂದೇಶವನ್ನು ನೀಡುವ ನಿರ್ದೇಶಕ ಮಿತ್ರನ್ ಇದೇ ಸರ್ದಾರ್ ಚಿತ್ರದ ಕಾರ್ಯಕ್ರಮವೊಂದರಲ್ಲಿ ಆಡಿದ ಮಾತುಗಳೇ ಈಗ ಕಾರ್ತಿ ಅವರ ಫೇಸ್‌ಬುಕ್ ಖಾತೆ ಹ್ಯಾಕ್ ಆಗಲು ಕಾರಣವಾಯಿತಾ ಎಂಬ ಚರ್ಚೆಗಳು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ನಡೆಯುತ್ತಿವೆ.

Monday, November 14, 2022, 16:21