ಕಾರಿನಲ್ಲಿ ಬಂದ ನಿಗೂಢ ವ್ಯಕ್ತಿಗಳಿಂದ ತಮಿಳು ನಟ ವಿಶಾಲ್ ಮನೆ ಮೇಲೆ ದಾಳಿ!

ಲೈಕಾ ಜೊತೆ ಕಿರಿಕ್

ವಿಶಾಲ್ ತಮಿಳು ಚಿತ್ರರಂಗದಲ್ಲಿ ಗಟ್ಟಿಯಾಗಿ ನೆಲೆಯೂರಿರೋ ನಟ. ಕಾಲಿವುಡ್‌ನಲ್ಲಿ ಪವರ್‌ಫುಲ್ ಎನಿಸಿಕೊಂಡಿದ್ದ ಶರತ್‌ಕುಮಾರ್ ಹಾಗೂ ರಾಧಾರವಿ ಮೈತ್ರಿ ಬ್ರೇಕ್ ಆಗಿದ್ದು ಇದೇ ವಿಶಾಲ್. ವಿಶಾಲ್ ಪಂಚ ಪಾಂಡವರು ಎಂಬ ತಂಡ ಕಟ್ಟಿಕೊಂಡು ಕಲಾವಿದರ ಸಂಘದ ಚುನಾವಣೆಯಲ್ಲಿ ಗೆದ್ದು ಬೀಗಿದ್ದರು. ತಮಿಳು ಚಿತ್ರರಂಗದ ಎಲ್ಲಾ ಯುವ ನಟರೂ ವಿಶಾಲ್‌ಗೆ ಬೆಂಬಲ ನೀಡಿದ್ದರು. ಸದ್ಯ ಸಿನಿಮಾ ನಿರ್ಮಾಣದ ವಿಚಾರಕ್ಕೆ ವಿಶಾಲ್ ಮತ್ತು ಲೈಕಾ ಸಂಸ್ಥೆ ನಡುವೆ ಕೊಡು ಕೊಳ್ಳುವಿಕೆ ವಿಚಾರದಲ್ಲಿ ವಿವಾದ ಎದ್ದಿತ್ತು ಎನ್ನಲಾಗಿದೆ.

ವಿಶಾಲ್ ವಿವಾದಗಳು

ಮೊದ ಮೊದಲು ಸ್ನೇಹದಿಂದ ಇದ್ದವರು ಬಳಿಕ ಕಿತ್ತಾಡಿಕೊಳ್ಳುತ್ತಿದ್ದಾರೆ. ವಿಶಾಲ್ ಹಾಗೂ ಅವರನ್ನು ಬೆಂಬಲಿಸಿದ ಯುವ ನಟರ ಕಿತ್ತಾಟದ ಬಗ್ಗೆ ಆಗಾಗ ಸುದ್ದಿಯಾಗುತ್ತಲೇ ಇದೆ. ಕೆಲವು ವಿಚಾರಕ್ಕೆ ವಿಶಾಲ್ ಸ್ನೇಹಿತರಾಗಿದ್ದರು ಇಂದು ವೈರಿಗಳಾಗಿದ್ದಾರೆ. ಇದು ಕಲಾವಿದರ ಸಂಘದ ಚುನಾವಣೆಯಲ್ಲೂ ಸದ್ದು ಮಾಡಿತ್ತು. ಚಿತ್ರರಂಗದಲ್ಲಿ ವಿಶಾಲ್ ಇಂತಹ ಹಲವು ವಿವಾದಗಳನ್ನು ಮೈ ಮೇಲೆ ಎಳೆದುಕೊಂಡಿದ್ದಾರೆ.

ವಿಶಾಲ್ ಮನೆ ಮೇಲೆ ಕಲ್ಲು ತೂರಾಟ

ವಿಶಾಲ್ ತಮ್ಮ ಕುಟುಂಬದೊಂದಿಗೆ ಚೆನ್ನೈನ ಅಣ್ಣಾನಗರ ಮನೆಯಲ್ಲಿ ವಾಸವಿದ್ದಾರೆ. ಈ ವೇಳೆ (ಸೆಪ್ಟೆಂಬರ್ 27)ರ ರಾತ್ರಿ ಕಾರಿನಲ್ಲಿ ಬಂದ ಕೆಲ ಕಿಡಿಗೇಡಿಗಳು ಮನೆ ಮೇಲೆ ಕಲ್ಲು ಎಸೆದಿದ್ದಾರೆ. ಈ ವೇಳೆ ವಿಶಾಲ್ ಮನೆಯ ಕಿಟಕಿ ಗಾಜುಗಳು ಪೀಸ್ ಪೀಸ್ ಆಗಿದೆ. ಈ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಮ್ಯಾನೇಜರ್ ಹರಿ ಕೃಷ್ಣನ್ ಅಣ್ಣಾನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಈ ದೂರಿನ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ತನಿಖೆ ಆರಂಭಿಸಿದ್ದಾರೆ.

ಮೂಲ ಆಂಧ್ರ.. ಬೆಳೆದಿದ್ದು ಚೆನ್ನೈ

ನಟ ವಿಶಾಲ್ ತಮಿಳು ಚಿತ್ರರಂಗದ ಪ್ರಮುಖ ಸ್ಟಾರ್ ನಟರಲ್ಲಿ ಒಬ್ಬರು. ಸದ್ಯ ಕಲಾವಿದರ ಸಂಘದ ಪ್ರಧಾನ ಕಾರ್ಯದರ್ಶಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ವಿಶಾಲ್ ತಂದೆ ಜಿಕೆ ರೆಡ್ಡಿ ಕೂಡ ನಿರ್ಮಾಪಕರು. ವಿಶಾಲ್ ಹುಟ್ಟಿದ್ದು ಆಂಧ್ರಪ್ರದೇಶದವರಾದರೂ ವಿದ್ಯಾಭ್ಯಾಸ ಮಾಡಿದ್ದೆಲ್ಲಾ ಚೆನ್ನೈನಲ್ಲಿಯೇ. 2004ರಲ್ಲಿ ತಮಿಳು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ನಟ, 'ಸಂಡಕೋಳಿ', 'ತಿಮಿರು', 'ಶಿವಪತಿಕಾರಂ', 'ಸಂಡಕೋಳಿ 2' ಅಂತ ಸಿನಿಮಾಗಳಲ್ಲಿ ನಟಿಸಿದ್ದಾರೆ.