ಪುನೀತ್, ವಿಜಯ್ ಬಳಿಕ ಶಿವರಾಜ್ ಕುಮಾರ್ ಭೇಟಿಯಾದ ತಮಿಳು ಹಾಸ್ಯ ನಟ ಯೋಗಿ ಬಾಬು

ಭಜರಂಗಿ-2 ಸೆಟ್ ನಲ್ಲಿ ತಮಿಳು ನಟ

ಶಿವರಾಜ್ ಕುಮಾರ್ ಅವರಿಗೆ ಶಾಲು ಹೊದಿಸಿ ಸನ್ಮಾನಿಸಿ ಪ್ರೀತಿಯಿಂದ ಮಾತನಾಡಿದ್ದಾರೆ. ಭಜರಂಗಿ-2 ಚಿತ್ರೀಕರಣ ಸೆಟ್ ಗೆ ಸ್ವಾಗತ ಮಾಡಿದ ಶಿವಣ್ಣ, ಯೋಗಿ ಬಾಬು ಜೊತೆ ಕೆಲವು ಸಮಯ ಕಳೆದಿದ್ದಾರೆ. ಯೋಗಿ ಬಾಬು ಮತ್ತು ಶಿವಣ್ಣ ಇಬ್ಬರು ಫೋಟೋಗೆ ಪೋಸ್ ನೀಡಿದ್ದಾರೆ. ಈ ಫೋಟೋಗಳು ಸಾಮಾಜಿಕ ಜಾಲಾತಣದಲ್ಲಿ ವೈರಲ್ ಆಗಿವೆ.

ಪುನೀತ್, ವಿಜಯ್ ಭೇಟಿಯಾದ ನಟ

ಅಂದ್ಹಾಗೆ ಈ ಮೊದಲು ಯೋಗಿ ಬಾಬು ಪುನೀತ್ ಮನೆಗೆ ತೆರಳಿದ್ದರು. ಸದಾಶಿವ ನಗರದಲ್ಲಿರುವ ಪುನೀತ್ ಮನೆಯಲ್ಲಿ ಯೋಗಿ ಬಾಬು ಕಾಣಿಸಿಕೊಂಡಿದ್ದರು. ಬಳಿಕ ವಿಜಯ್ ಮನೆಗೆ ಎಂಟ್ರಿ ಕೊಟ್ಟಿದ್ದ ಯೋಗಿ ಬಾಬು ಅವರನ್ನು ವಿಜಿ ಪ್ರೀತಿಯಿಂದ ಸ್ವಾಗತಿಸಿದರು. ಅಲ್ಲದೆ ಯೋಗಿ ಬಾಬು ಸರಳತೆಗೆ ಫಿದಾ ಆಗಿರುವುದಾಗಿ ಹೇಳಿದ್ದಾರೆ.

ತಮಿಳು ಸ್ಟಾರ್ ನಟರ ಚಿತ್ರದಲ್ಲಿ ಯೋಗಿ ಬಾಬು ಫಿಕ್ಸ್

ಪ್ರಸ್ತುತ ತಮಿಳು ಸಿನಿಮಾರಂಗದಲ್ಲಿ ಬಹುಬೇಡಿಕಂಯ ನಟನಾಗಿರುವ ಯೋಗಿಬಾಬು ತಮಿಳು ಸ್ಟಾರ್ ಕಲಾವಿದರ ಜೊತೆ ತೆರೆಹಂಚಿಕೊಂಡಿದ್ದಾರೆ. ವಿಜಯ್, ರಜನಿಕಾಂತ್, ಅಜಿತ್, ಆರ್ಯ, ವಿಶಾಲ್ ಸೇರಿದ್ದಂತೆ ಬಹುತೇಕ ಸ್ಟಾರ್ ಕಲಾವಿದರ ಸಿನಿಮಾದಲ್ಲಿ ಯೋಗಿಬಾಬು ಖಾಯಂ ಆಗಿದ್ದಾರೆ.

ಒಂದೇ ವರ್ಷದಲ್ಲಿ 30 ಸಿನಿಮಾ ರಿಲೀಸ್

2019ನೇ ವರ್ಷದಲ್ಲಿ ಸುಮಾರು 32ಕ್ಕೂ ಅಧಿಕ ಚಿತ್ರಗಳಲ್ಲಿ ಯೋಗಿಬಾಬು ನಟಿಸಿದ್ದಾರೆ. 2020ನೇ ವರ್ಷದಲ್ಲೂ ಬಹಳ ಬ್ಯುಸಿಯಿರುವ ನಟ ಬ್ಯಾಕ್ ಟು ಬ್ಯಾಕ್ ಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.