ನಟ ವಿಶಾಲ್ ಜೊತೆ ನಟಿ ಅಭಿನಯ ಡೇಟಿಂಗ್? ಶೀಘ್ರದಲ್ಲೇ ಮದುವೆ? ಸ್ಪಷ್ಟನೆ ನೀಡಿದ ಚೆನ್ನೈ ಚೆಲುವೆ

ಎಲ್ಲಾ ಬರೀ ಗಾಸಿಪ್

ಸದ್ಯ ಹರಿದಾಡುತ್ತಿರುವ ವಂದತಿಯ ಬಗ್ಗೆ ನಟ ವಿಶಾಲ್ ಪ್ರತಿಕ್ರಿಯಿಸಿಲ್ಲ. ಆದರೆ ನಟಿ ಅಭಿನಯ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. "ತಮ್ಮ ಮಧ್ಯೆ ಯಾವ ರಿಲೇಶನ್‌ಶಿಪ್ ಇಲ್ಲ, 'ಮಾರ್ಕ್ ಆಂಟೋನಿ' ಚಿತ್ರದಲ್ಲಿ ವಿಶಾಲ್ ಪತ್ನಿ ಆಗಿ ನಟಿಸಿದ್ದೀನಿ ಅಷ್ಟೇ. ರೀಲ್ ಲೈಫ್‌ನಲ್ಲಿ ಹೆಂಡತಿಯಾಗಿ ನಟಿಸಿದ ಮಾತ್ರಕ್ಕೆ ರಿಯಲ್ ಲೈಫ್‌ನಲ್ಲಿ ಹೆಂಡತಿ ಆಗಿಬಿಡುತ್ತೀನಾ?" ಎಂದು ಮರುಪ್ರಶ್ನೆ ಮಾಡಿದ್ದಾರೆ. ಆ ಮೂಲಕ ಎಲ್ಲಾ ಗಾಸಿಪ್‌ಗಳಿಗೆ ಅಭಿನಯ ಫುಲ್‌ಸ್ಟಾಪ್ ಇಟ್ಟಿದ್ದಾರೆ.

ಮುರಿದ ಬಿದ್ದ ವಿಶಾಲ್ ನಿಶ್ಚಿತಾರ್ಥ?

3 ವರ್ಷಗಳ ಹಿಂದೆ ಹೈದರಾಬಾದ್ ಮೂಲದ ಅನಿಷಾ ಅಲ್ಲಾ ರೆಡ್ಡಿ ಜತೆಗೆ ನಟ ವಿಶಾಲ್ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಶೀಘ್ರದಲ್ಲೇ ಇಬ್ಬರು ಮದುವೆ ಆಗುತ್ತಾರೆ ಎಂದು ಹೇಳಲಾಗಿತ್ತು. ಆದರೆ ಆ ನಂತರ ಇಬ್ಬರ ನಿಶ್ಚಿತಾರ್ಥ ಮುರಿದು ಬಿದ್ದಿದೆ ಎನ್ನುವ ಮಾತುಗಳು ಕೇಳಿಬಂದಿತ್ತು. ಇದನ್ನು ವಿಶಾಲ್ ತಂದೆ ಜಿ. ಕೆ ರೆಡ್ಡಿ ತಳ್ಳಿ ಹಾಕಿದ್ದರು. ಶೀಘ್ರದಲ್ಲೇ ಇಬ್ಬರ ಮದುವೆ ನಡೆಯುತ್ತೆ ಎಂದು ಹೇಳಿದ್ದರು. ಆದರೆ ವಿಶಾಲ್- ಅನಿಷಾ ಮದುವೆ ನಡೆಯಲೇ ಇಲ್ಲ.

ವಿಶೇಷ ಚೇತನ ನಟಿ ಅಭಿನಯ

ಆರಂಭದಲ್ಲಿ ತೆಲುಗು ಸಿನಿಮಾಗಳಲ್ಲಿ ನಟಿಸಿದ ಅಭಿನಯ ಅವರಿಗೆ ತಮಿಳಿನ 'ನಾಡೋಡಿಗಳ್' ಚಿತ್ರದಲ್ಲಿ ದೊಡ್ಡ ಬ್ರೇಕ್ ಸಿಕ್ಕಿತ್ತು. ಮೊದಲ ಚಿತ್ರದಲ್ಲೇ ಫಿಲ್ಮ್ ಫೇರ್ ಪ್ರಶಸ್ತಿ ಕೂಡ ಸಿಕ್ಕಿತ್ತು. ಸರಿಯಾಗಿ ಕಿವಿ ಕೇಳಿಸಿದ, ಮಾತು ಬಾರದ ಅಭಿನಯ ಅವರ ಸಾಧನೆ ಇದ್ಯಾವುದು ಅಡ್ಡಿಯಾಗಲಿಲ್ಲ. ಪಂಚ ಭಾಷಾ ತಾರೆಯಾಗಿ ಅಭಿನಯ ಗುರ್ತಿಸಿಕೊಂಡಿದ್ದಾರೆ. ಹಿಂದಿ ಜೊತೆಗೆ ಕನ್ನಡ ಸಿನಿಮಾಗಳಲ್ಲೂ ನಟಿಸಿ ಗೆದ್ದಿದ್ದಾರೆ.

ಪುನೀತ್ ಸಹೋದರಿ ಪಾತ್ರದಲ್ಲಿ ನಟನೆ

ಪುನೀತ್ ರಾಜ್‌ಕುಮಾರ್ ನಟನೆಯ ಹುಡುಗ್ರು ಚಿತ್ರದಲ್ಲಿ ಅಭಿನಯ ಬಣ್ಣ ಹಚ್ಚಿದ್ದರು. ಅಪ್ಪು ಸಹೋದರಿಯ ಪಾತ್ರದಲ್ಲಿ ಗಮನ ಸೆಳೆದಿದ್ದರು. ಆ ವರ್ಷ ಫಿಲ್ಮ್‌ಫೇರ್ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿಗೂ ನಾಮಿನೇಟ್ ಆಗಿದ್ದರು. ಇನ್ನು ರಾಗಿಣಿ, ಧ್ರುವ ಶರ್ಮಾ ಹಾಗೂ ಕಿಚ್ಚ ಸುದೀಪ್ ನಟನೆಯ 'ಕಿಚ್ಚು' ಚಿತ್ರದಲ್ಲೂ ಚೆನ್ನೈ ಚೆಲುವೆ ಅಭಿನಯ ಬಣ್ಣ ಹಚ್ಚಿದ್ದರು.