ಸಿನಿಮಾ ಚೆನ್ನಾಗಿಲ್ಲ ಅಂದ್ರೂ ಅಜಿತ್ 'ವಾಲಿಮೈ' 100 ಕೋಟಿ ಬಾಚಿದ್ದೇಗೆ? ಕರ್ನಾಟಕದ ಕಲೆಕ್ಷನ್ ಎಷ್ಟು?

'ವಲಿಮೈ' ಬಾಕ್ಸಾಫೀಸ್ ರೆಸ್ಪಾನ್ಸ್ ಸೂಪರ್

'ವಲಿಮೈ' ಒಬ್ಬ ಪೊಲೀಸ್ ಅಧಿಕಾರಿಯ ಕಥೆ. ಈ ಸಿನಿಮಾದಲ್ಲಿ ಪೊಲೀಸ್ ಅಧಿಕಾರಿಯಾಗಿ ಅಜಿತ್ ಕಾಣಿಸಿಕೊಂಡಿದ್ದಾರೆ. ನಗರದಲ್ಲಿ ನಡೆಯುತ್ತಿರುವ ಕ್ರೈಂ ಸೀನ್‌ಗಳನ್ನು ಹುಡುಕಿಕೊಂಡು ಹೋಗುವ ಕಥೆಯೇ 'ವಲಿಮೈ'. ಭಾನುವಾರ ಬಿಟ್ಟು ಕಳೆದ ಮೂರು ದಿನಗಳಿಂದ ಅಜಿತ್ ನಟನೆಯ 'ವಲಿಮೈ' ಬಾಕ್ಸಾಫೀಸ್‌ನಲ್ಲಿ ಜಾದು ಮಾಡುತ್ತಿದೆ. ದೇಶ ವಿದೇಶಗಳಲ್ಲಿ ಕೋಟಿ ಕೋಟಿ ಗಳಿಕೆ ಮಾಡುತ್ತಿದೆ. ಭಾರತ ಅಷ್ಟೇ ಅಲ್ಲ, ಸಿಂಗಾಪುರ, ಮಲೇಷಿಯಾ, ಯುಎಇ, ಸೌದಿ ಸೇರಿದಂತೆ ಹಲವೆಡೆ ಈ ಚಿತ್ರದ ಗಳಿಕೆ ಅದ್ಬುತವಾಗಿದೆ.

'ವಲಿಮೈ' 3 ದಿನದ ಗಳಿಕೆ 100 ಕೋಟಿ

ಮಿಶ್ರ ಪ್ರತಿಕ್ರಿಯೆ ಹೊರತಾಗಿಯೂ 'ವಲಿಮೈ' ಕಲೆಕ್ಷನ್ ಅದ್ಭುತವಾಗಿದೆ. ಬಿಡುಗಡೆಯಾದ ಮೂರು ದಿನಗಳಿಂದ ತಮಿಳು ಚಿತ್ರರಂಗದಲ್ಲಿ ಈ ಸಿನಿಮಾಗೆ ಬೇಡಿಕೆ ಹೆಚ್ಚಾಗಿದೆ. ವಿಶ್ವದಾದ್ಯಂತ 'ವಲಿಮೈ' ಮೊದಲ ದಿನ ಗಳಿಸಿದ್ದು, ಬರೋಬ್ಬರಿ 59.48 ಕೋಟಿ ಅಂತ ಟ್ರೇಡ್ ಅನಲಿಸ್ಟ್‌ಗಳು ಹೇಳುತ್ತಿದ್ದಾರೆ. ಎರಡನೇ ದಿನ 35.78 ಕೋಟಿ ಗಳಿಸಿದೆ. ಎರಡೇ ದಿನಕ್ಕೆ ಬರೋಬ್ಬರು 95.26 ಕೋಟಿ ಕಲೆ ಹಾಕಿದೆ. ಇನ್ನೂ ಮೂರನೇ ದಿನದ ಗಳಿಕೆಯನ್ನು ಚಿತ್ರತಂಡ ಹೇಳಬೇಕಿದೆ. ಆದರೆ, ಮೂರನೇ ದಿನವೂ 30 ಕೋಟಿ ಆಸು-ಪಾಸಿನಲ್ಲಿ ಗಳಿಕೆ ಕಂಡಿರಬಹುದು ಎಂದು ಅಂದಾಜಿಸಲಾಗುತ್ತಿದೆ.

ತಮಿಳುನಾಡಿನಲ್ಲಿ 100 ಕೋಟಿ ಸನಿಹದಲ್ಲಿದೆ

'ವಲಿಮೈ' ಸಿನಿಮಾ ತಮಿಳುನಾಡಿನಲ್ಲಿ ಚಿಂದಿ ಉಡಾಯಿಸುತ್ತಿದೆ. ಕಳೆದ ಮೂರು ದಿನಗಳಲ್ಲಿ 81 ಕೋಟಿಗೂ ಅಧಿಕ ಗಳಿಕೆ ಕಂಡಿದೆ. ಕೊರೊನಾ ಬಳಿಕ ತಮಿಳು ಚಿತ್ರವೊಂದಕ್ಕೆ ಗ್ರ್ಯಾಂಡ್ ಒಪನಿಂಗ್ ಸಿಕ್ಕಿದೆ. ತಮಿಳುನಾಡಿನಲ್ಲಿ ಮೊದಲ ದಿನ 36.17 ಕೋಟಿ, ಎರಡನೇ ದಿನ 24.62 ಕೋಟಿ, ಮೂರನೇ ದಿನ 20.46 ಕೋಟಿ, ಒಟ್ಟು ಮೂರು ದಿನದ ಕಲೆಕ್ಷನ್ 81.25 ಕೋಟಿ. ನಾಲ್ಕನೇ ದಿನ ಭಾನುವಾರ ಕೂಡ ಅಂದಾಜು 20 ಕೋಟಿ ಕಲೆ ಹಾಕಬಹುದು ಎನ್ನಲಾಗಿದೆ. ಹಾಗೇನಾದರೂ ಭಾನುವಾರ 20 ಕೋಟಿ ಗಳಿಸಿದ್ದೇ ಆದಲ್ಲಿ ಕೇವಲ ತಮಿಳುನಾಡಿನಲ್ಲಿಯೇ 100 ಕೋಟಿ ಲೂಟಿ ಮಾಡಿದಂತೆ ಆಗುತ್ತೆ.

ವಾರದೊಳಗೆ 150 ಕೋಟಿ ಫಿಕ್ಸ್

ಬೋನಿ ಕಪೂರ್ ನಿರ್ಮಿಸಿರುವ 'ವಲಿಮೈ' ಸಿನಿಮಾದ ಬಜೆಟ್ 150 ಕೋಟಿ. ಸಿನಿಮಾದ ಈ ಬಜೆಟ್ ಅನ್ನು ಕೇವಲ ಇನ್ನು ಎರಡು ದಿನದೊಳಗೆ ವಾಪಸ್ ಪಡೆಯುತ್ತೆ. ಆ ಮೇಲೆ ಗಳಿಸುವ ಹಣವೆಲ್ಲವೂ ಲಾಭದ ಪಟ್ಟಿಗೆ ಸೇರುತ್ತೆ. ಈ ಸಿನಿಮಾದಲ್ಲಿ ದೊಡ್ಡ ತಾರಾ ಬಳಗವೇ ಇದೆ. ಅಜಿತ್ ಜೊತೆ ಕಾರ್ತಿಕೇಯ ಗುಮ್ಮಕೊಂಡ, ಹುಮಾ ಖುರೇಶಿ ಸೇರಿದಂತೆ ಪ್ರಮುಖ ನಟರೇ ನಟಿಸಿದ್ದಾರೆ. ಯಶಸ್ಸಿನ ಹಾದಿಯಲ್ಲಿ ಸಿನಿಮಾ ಸಾಗುತ್ತಿದ್ದು, ಬಾಕ್ಸಾಫೀಸ್‌ನಲ್ಲಿ ಯಾವ ದಾಖಲೆ ಬರೆಯುತ್ತೆ ಎಂಬುದನ್ನು ಕಾದು ನೋಡಬೇಕಿದೆ.