Don't Miss!
- Technology WhatsApp: ವಾಟ್ಸಾಪ್ಗೆ ಕೆಲವೇ ದಿನಗಳಲ್ಲಿ ಸೇರಲಿವೆ ಬಹುನಿರೀಕ್ಷಿತ ಈ ಫೀಚರ್ಸ್! ಇವುಗಳಿಂದ ಏನೆಲ್ಲಾ ಲಾಭ?
- News karnataka Rain: ಇಂದಿನಿಂದ ರಾಜ್ಯದಲ್ಲಿ ಜೋರು ಮಳೆ: ಬೆಂಗಳೂರಿನಲ್ಲಿ ಕೆಲವೆಡೆ ಮಾತ್ರ ವರಣ ಕೃಪೆ ತೋರುವ ಸಾಧ್ಯತೆ- ಐಎಂಡಿ ಅಲರ್ಟ್
- Finance ಮೊಮೊಸ್ ಮಾರುವ ಶಾಪ್ನಿಂದ ಜಾಬ್ ಆಫರ್ ಸಖತ್ ವೈರಲ್! ವೇತನವೆಷ್ಟು ಗೊತ್ತಾ?
- Lifestyle ಬೆಂಗಳೂರಲ್ಲಿ ಮರ ತಬ್ಬಿಕೊಳ್ಳಲು ₹1,500 ಶುಲ್ಕ..! ಇದೇನಿದು ಕಬ್ಬನ್ ಪಾರ್ಕ್ ನಡಿಗೆ..?
- Sports GT vs DC: ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ದೊಡ್ಡ ಗೆಲುವು: ಗುಜರಾತ್ಗೆ ತವರಿನಲ್ಲಿ ಸೋಲು
- Automobiles ಸುಜುಕಿ ಹಯಬುಸಾ 25ನೇ ಆನಿವರ್ಸರಿ ಎಡಿಷನ್ ಬಿಡುಗಡೆ: ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಾಜಿ ಪ್ರಿಯಕರನನ್ನು ಸುತ್ತಿಗೆಯಿಂದ ಹೊಡೆದು ಕೊಲೆಗೈದ ನಟಿ.!
42 ವರ್ಷದ ತಮಿಳು ಕಿರುತೆರೆಯ ನಟಿ ಎಸ್.ದೇವಿ ತನ್ನ ಮಾಜಿ ಪ್ರಿಯಕರನನ್ನು ಸುತ್ತಿಗೆಯಿಂದ ಹೊಡೆದು ಕೊಲೆ ಮಾಡಿರುವ ಘಟನೆ ಚೆನ್ನೈನ ಕೊಳತ್ತೂರಿನಲ್ಲಿ ನಡೆದಿದೆ. ಮತ್ತೆ ಪ್ರೀತಿಸುವಂತೆ ಮಾಜಿ ಪ್ರಿಯಕರ ಒತ್ತಾಯಿಸಿದ್ದೇ ಕೊಲೆಗೆ ಕಾರಣ ಎಂದು ಪೊಲೀಸರು ತಿಳಿಸಿದ್ದಾರೆ.
ಮಾಜಿ ಪ್ರಿಯಕರನನ್ನು ಕೊಲೆ ಮಾಡಿ ಪೊಲೀಸರಿಗೆ ಕಿರುತೆರೆ ನಟಿ ಎಸ್.ದೇವಿ ಶರಣಾಗಿದ್ದಾಳೆ. ಪ್ರಕರಣವನ್ನು ದಾಖಲಿಸಿಕೊಂಡಿರುವ ಚೆನ್ನೈ ಪೊಲೀಸರು, ಘಟನೆ ಸಂಬಂಧ ನಾಲ್ವರನ್ನು ಬಂಧಿಸಿದ್ದಾರೆ.
ಘಟನೆಯ ಹಿನ್ನಲೆ: ಎಂಟು ವರ್ಷಗಳ ಹಿಂದೆ ಮಧುರೈ ಮೂಲದ ರವಿ ಎಂಬುವರು ಚೆನ್ನೈನಲ್ಲಿ ಕೆಲಸ ಮಾಡುತ್ತಿದ್ದರು. ಫಿಲ್ಮ್ ಟೆಕ್ನೀಷಿಯನ್ ಆಗಿದ್ದ ಆತ ಕಿರುತೆರೆಯಲ್ಲಿ ಸಣ್ಣ-ಪುಟ್ಟ ಪಾತ್ರಗಳನ್ನು ಮಾಡುತ್ತಿದ್ದ ಎಸ್.ದೇವಿ ಜೊತೆ ಸಂಬಂಧ ಬೆಳೆಸಿದ್ದ.
ಇಬ್ಬರ ನಡುವಿನ ಅನೈತಿಕ ಸಂಬಂಧ ಎಸ್.ದೇವಿ ಪತಿ ಶಂಕರ್ ಅರಿವಿಗೆ ಬಂತು. ಬಳಿಕ ಅಲ್ಲಿಂದ ಜಾಗ ಖಾಲಿ ಮಾಡಿದ ಶಂಕರ್, ಪತ್ನಿ ಎಸ್.ದೇವಿಯನ್ನ ತಂಗಿ ಮನೆಯಲ್ಲಿರಿಸಿದ್ದರು. ಫರ್ನಿಚರ್ ಕೆಲಸ ಮಾಡುತ್ತಿರುವ ಶಂಕರ್, ಪತ್ನಿ ಎಸ್.ದೇವಿಗೆ ಟೈಲರಿಂಗ್ ಕೆಲಸ ಮಾಡುವಂತೆ ಸೂಚಿಸಿದ್ದರು.
ಎರಡು ವರ್ಷಗಳಿಂದ ತಂಗಿ ಮನೆಯಲ್ಲಿರುವ ಎಸ್.ದೇವಿಯನ್ನ ಹುಡುಕುವಲ್ಲಿ ರವಿ ಯಶಸ್ವಿಯಾದ. ಕೊಳತ್ತೂರಿನಲ್ಲಿ ಎಸ್.ದೇವಿ ತಂಗಿ ಮನೆಗೆ ಮೊನ್ನೆ ರವಿ ಭೇಟಿ ಕೊಟ್ಟಿದ್ದ. ಮತ್ತೆ ಸಂಬಂಧ ಮುಂದುವರೆಸುವಂತೆ ಎಸ್.ದೇವಿ ಮೇಲೆ ರವಿ ಒತ್ತಡ ಹಾಕಿದ್ದ.
ಇದೇ ವಿಚಾರಕ್ಕೆ ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆದು ಮಾರಾಮಾರಿ ನಡೆದಿದೆ. ಕೊನೆಗೆ ರವಿ ಮೇಲೆ ಎಸ್.ದೇವಿ ಹಲ್ಲೆ ನಡೆಸಿ, ಆತನ ತಲೆಗೆ ಸುತ್ತಿಗೆಯಿಂದ ಬಲವಾಗಿ ಹೊಡೆದು ಕೊಲೆಗೈದಿದ್ದಾಳೆ. ಆನಂತರ ರಾಜಮಂಗಳಮ್ ಪೊಲೀಸ್ ಠಾಣೆಗೆ ತೆರಳಿ ಎಸ್.ದೇವಿ ಸರೆಂಡರ್ ಆಗಿದ್ದಾಳೆ.
ಪ್ರಕರಣವನ್ನು ದಾಖಲಿಸಿಕೊಂಡಿರುವ ಪೊಲೀಸರು, ಎಸ್.ದೇವಿ ಪತಿ ಶಂಕರ್, ಎಸ್.ದೇವಿಯ ತಂಗಿ ಮತ್ತು ತಂಗಿ ಗಂಡನನ್ನು ಬಂಧಿಸಿದ್ದಾರೆ.