ಬೆಂಗಳೂರು, ಮೈಸೂರು, ಬಳ್ಳಾರಿಯಲ್ಲಿ ಯಾವ ಚಿತ್ರಕ್ಕೆ ಎಷ್ಟು ಶೋ? ಹೆಚ್ಚು ಶೋ ಪಡೆದ ಚಿತ್ರ ಯಾವುದು?

| Published: Tuesday, January 17, 2023, 17:50 [IST]

ಸಂಕ್ರಾಂತಿ ಪ್ರಯುಕ್ತ ತೆಲುಗು ಹಾಗೂ ತಮಿಳಿನ ಸ್ಟಾರ್ ನಟರ ಚಿತ್ರಗಳು ಬಿಡುಗಡೆಯಾಗಿ ಊಹೆಯಂತೆ ಬಾಕ್ಸ್ ಆಫೀಸ್ ಧೂಳ್ ಎಬ್ಬಿಸುತ್ತಿವೆ. ವಿಜಯ್ ನಟನೆಯ ವಾರಿಸು ಚಿತ್ರ 200 ಕೋಟಿ ಗಳಿಸುವತ್ತ ಮುನ್ನುಗ್ಗುತ್ತಿದ್ದರೆ, ಅಜಿತ್ ನಟನೆಯ ತುನಿವು, ಬಾಲಕೃಷ್ಣ ನಟನೆಯ ವೀರಸಿಂಹ ರೆಡ್ಡಿ ಹಾಗೂ ಚಿರಂಜೀವಿ ನಟನೆಯ ವಾಲ್ತೇರು ವೀರಯ್ಯ ಚಿತ್ರಗಳೂ ಸಹ ನೂರು ಕೋಟಿ ಗಳಿಕೆ ಮಾಡಿ ಒಳ್ಳೆಯ ಪ್ರದರ್ಶನವನ್ನೇ ಕಾಣುತ್ತಿವೆ.

ಇನ್ನು ಎಲ್ಲಾ ಭಾಷೆಯ ಸಿನಿಮಾಗಳನ್ನು ವೀಕ್ಷಿಸುವ ಸಿನಿ ರಸಿಕರು ಇರುವ ಕರ್ನಾಟಕಲ್ಲಿಯೂ ಈ ನಾಲ್ಕು ಚಿತ್ರಗಳು ಒಳ್ಳೆಯ ಪ್ರದರ್ಶನವನ್ನು ಕಾಣುತ್ತಿದ್ದು, ಈ ಚಿತ್ರಗಳ ಬಿಡುಗಡೆಯಿಂದ ಕನ್ನಡದ ಚಿತ್ರಗಳಿಗೆ ಹಿನ್ನಡೆ ಕೂಡ ಆಯಿತು. ಈ ಚಿತ್ರಗಳ ಜತೆಗೆ ಬಿಡುಗಡೆಗೊಂಡ ಆರ್ಕೆಸ್ಟ್ರಾ ಮೈಸೂರು ಚಿತ್ರ ಒಳ್ಳೆಯ ವಿಮರ್ಶೆ ಪಡೆದುಕೊಂಡರೂ ಸಹ ನಿರೀಕ್ಷಿಸಿದಷ್ಟು ಶೋಗಳನ್ನು ಪಡೆದುಕೊಳ್ಳಲಿಲ್ಲ. ಸಿಕ್ಕ ಪ್ರದರ್ಶನಗಳು ಹೌಸ್‌ಫುಲ್ ಆಗಲಿಲ್ಲ.

ಇನ್ನು ಆ ವಾರ ಬಿಡುಗಡೆಗೊಂಡ ಉಳಿದ ಕನ್ನಡ ಚಿತ್ರಗಳ ಕಥೆಯೂ ಇದೆ. ಸರಿಯಾದ ಪ್ರಮೋಷನ್ ಇಲ್ಲದೇ ಸರಿಯಾದ ಚಿತ್ರಮಂದಿರಗಳಿಲ್ಲದೇ ತೆರೆಕಂಡು ಸೋಲನ್ನು ಅನುಭವಿಸಿದವು. ಅತ್ತ ನಟ ಶಿವ ರಾಜ್‌ಕುಮಾರ್ ನಟನೆಯ ವೇದ ಚಿತ್ರ ಮಾತ್ರ ಈ ಚಿತ್ರಗಳ ಅಬ್ಬರದ ನಡುವೆಯೂ ರಾಜ್ಯದ ಹಲವೆಡೆ 25 ದಿನಗಳನ್ನು ಪೂರೈಸಿದೆ. ವೇದ ಚಿತ್ರ ಹಲವು ಮಲ್ಟಿಪ್ಲೆಕ್ಸ್‌ಗಳಲ್ಲಿ ಪ್ರದರ್ಶನವನ್ನು ಕಳೆದುಕೊಂಡರೂ ಸಹ ವಾಷ್ಔಟ್ ಆಗಲಿಲ್ಲ. ಇನ್ನು ಇಂದಿಗೂ ( ಜನವರಿ 17 ) ವೇದ ಚಿತ್ರ ಪ್ರದರ್ಶನವನ್ನು ಕಾಣುತ್ತಿದೆ. ಹಾಗಿದ್ದರೆ ಇಂದು ರಾಜ್ಯದ ಬೆಂಗಳೂರು, ಮೈಸೂರು ಹಾಗೂ ಬಳ್ಳಾರಿ ನಗರಗಳಲ್ಲಿ ಯಾವ ಚಿತ್ರಗಳು ಎಷ್ಟು ಪ್ರದರ್ಶನಗಳನ್ನು ಪಡೆದುಕೊಂಡಿವೆ ಎಂಬ ಮಾಹಿತಿ ಈ ಕೆಳಕಂಡಂತಿದೆ.