ವಾರಿಸು vs ತುನಿವು: ಮೊದಲ ದಿನ ಕರ್ನಾಟಕ ಬಾಕ್ಸ್ ಆಫೀಸ್‌ನಲ್ಲಿ ಹೆಚ್ಚು ಗಳಿಸಿ ಗೆದ್ದ ಚಿತ್ರ ಯಾವುದು?

ರಾಜ್ಯದಲ್ಲಿ ಯಾವ ಚಿತ್ರದ ಗಳಿಕೆ ಎಷ್ಟು?

ವಿಜಯ್ ನಟನೆಯ ವಾರಿಸು ಚಿತ್ರ ರಾಜ್ಯಾದ್ಯಂತ ಬಿಡುಗಡೆಯ ದಿನ ಹೆಚ್ಚು ಕಲೆಕ್ಷನ್ ಮಾಡಿದ ಚಿತ್ರ ಎನಿಸಿಕೊಂಡಿದೆ. ಹೌದು, ವಿಜಯ್ ನಟನೆಯ ವಾರಿಸು ಚಿತ್ರ ಮೊದಲ ದಿನ ಕರ್ನಾಟಕದಲ್ಲಿ 5.65 ಕೋಟಿ ಗಳಿಕೆ ಮಾಡಿದ್ದು, ತುನಿವು ಚಿತ್ರ 4.77 ಕೋಟಿ ಗಳಿಸಿದೆ. ಹೀಗೆ ಕಲೆಕ್ಷನ್ ವಿಚಾರದಲ್ಲಿ ವಾರಿಸು ಮೊದಲ ದಿನ ಗೆದ್ದರೂ ಸಹ ಕಡಿಮೆ ಪ್ರದರ್ಶನಗಳಲ್ಲಿಯೂ ಒಳ್ಳೆಯ ಕಲೆಕ್ಷನ್ ಮಾಡಿರುವ ತುನಿವು ಒಳ್ಳೆಯ ಪೈಪೋಟಿ ನೀಡಿದೆ.

ಮೈಸೂರಿನಲ್ಲಿ ಯಾವ ಚಿತ್ರದ ಕಲೆಕ್ಷನ್ ಹೆಚ್ಚು?

ಮೈಸೂರು ನಗರದಲ್ಲಿ ಬಿಡುಗಡೆಯ ದಿನ ವಾರಿಸು 65 ಪ್ರದರ್ಶನಗಳನ್ನು ಪಡೆದುಕೊಂಡಿತ್ತು ಹಾಗೂ ತುನಿವು ಚಿತ್ರ 56 ಪ್ರದರ್ಶನಗಳನ್ನು ಪಡೆದುಕೊಂಡಿತ್ತು. ಇನ್ನು ವಾರಿಸು ಮೊದಲ ದಿನ ಮೈಸೂರಿನಲ್ಲಿ 18.7 ಲಕ್ಷ ಪಡೆದುಕೊಂಡರೆ, ತುನಿವು ಚಿತ್ರ ಮೈಸೂರಿನಲ್ಲಿ 16.8 ಲಕ್ಷ ಪಡೆದುಕೊಂಡಿದೆ. ಹೀಗೆ ಮೊದಲ ದಿನ ಮೈಸೂರಿನಲ್ಲಿ ತುನಿವು ವಿರುದ್ಧ ವಾರಿಸು ಗೆದ್ದಿದ್ದು, ಎರಡನೇ ದಿನದ ಬುಕಿಂಗ್ ಗಮನಿಸಿದರೆ ತುನಿವು ಹೆಚ್ಚು ಗಳಿಸುವ ಸಾಧ್ಯತೆ ಇದೆ.

ಮಂಗಳೂರಿನಲ್ಲಿ ಹೆಚ್ಚು ಗಳಿಸಿದ ಚಿತ್ರ?

ಮೈಸೂರಿನಂತೆ ಮಂಗಳೂರಿನಲ್ಲಿಯೂ ತುನಿವುಗಿಂತ ವಾರಿಸು ಚಿತ್ರ ಹೆಚ್ಚು ಪ್ರದರ್ಶನ ಹಾಗೂ ಕಲೆಕ್ಷನ್ ಮಾಡಿದೆ. ಮಂಗಳೂರಿನಲ್ಲಿ ಬಿಡುಗಡೆಯ ದಿನ ತುನಿವು 3.69 ಲಕ್ಷ ರೂಪಾಯಿ ಕಲೆಕ್ಷನ್ ಮಾಡಿದರೆ, ವಾರಿಸು 5.75 ಲಕ್ಷ ಕಲೆಕ್ಷನ್ ಮಾಡಿತು. ಹೀಗೆ ದಕ್ಷಿಣ ಕರ್ನಾಟಕದ ಭಾಗಗಳಲ್ಲಿ ತುನಿವುಗಿಂತ ವಾರಿಸು ಹೆಚ್ಚು ಕಲೆಕ್ಷನ್ ಮಾಡಿದ್ದರೆ, ಬಳ್ಳಾರಿ, ಕಲಬುರಗಿ, ರಾಯಚೂರು ಹಾಗೂ ಬೀದರ್ ಜಿಲ್ಲೆಗಳಲ್ಲಿ ವಾರಿಸುಗಿಂತ ತುನಿವು ಹೆಚ್ಚು ಗಳಿಸಿದೆ. ಇನ್ನು ತುನಿವು ತೆಲುಗು ಡಬ್ ಬಿಡುಗಡೆಯಾಗಿರುವುದರಿಂದ ಕಲ್ಯಾಣ ಕರ್ನಾಟಕ ಭಾಗಗಳಲ್ಲಿ ಹೆಚ್ಚು ಗಳಿಕೆ ಮಾಡಿದೆ ಎನ್ನಬಹುದು,