ನಿರ್ದೇಶಕರ ಜೊತೆ ಅನುಷ್ಕಾ ಮದುವೆ: ಸ್ವೀಟಿ ಹೇಳಿದ್ದೇನು?

ಅನುಷ್ಕಾ ಹೇಳಿದ್ದೇನು?

15 ವರ್ಷ ಪೂರೈಸಿದ ಸಮಾರಂಭದಲ್ಲಿ ಮಾತನಾಡಿದ ನಟಿ ಮತ್ತು ನಿರ್ಮಾಪಕಿ ಚಾರ್ಮಿ, ಅನುಷ್ಕಾ ಶೆಟ್ಟಿ ಬಳಿ ಮದುವೆ ಯಾವಾಗ ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯೆ ನೀಡಿದ ಅನುಷ್ಕಾ ನನಗೂ ಇದೆ ಪ್ರಶ್ನೆ ಕಾಡುತ್ತಿದೆ. ಯಾವಾಗ ಮದುವೆ? ನನಗೂ ಕೂಡ ಗೊತ್ತಿಲ್ಲ ಎಂದು ಹೇಳಿದ್ದಾರೆ.

ಅನುಷ್ಕಾ ಮದುವೆ ಬಗ್ಗೆ ಪುರಿ ಜಗನ್ನಾಥ್ ಪ್ರತಿಕ್ರಿಯೆ

ಅನುಷ್ಕಾ ಮತ್ತು ಚಾರ್ಮಿ ಇಬ್ಬರು ಮದುವೆ ಬಗ್ಗೆ ಮಾತನಾಡುತ್ತಿದ್ದರೆ, ನಿರ್ದೇಶಕ ಪುರಿ ಜಗನ್ನಾಥ್ ಮಧ್ಯದಲ್ಲಿ ಮಾತನಾಡಿ "ನನಗೆ ನಾಯಕಿಯರು ಮದುವೆ ಆಗುವುದು ಇಷ್ಟವಿಲ್ಲ. ಹೀಗೆ ಇರಬೇಕು" ಎಂದು ಹೇಳಿದ್ದಾರೆ.

ನಿರ್ದೇಶಕರ ಜೊತೆ ಮದುವೆ ವದಂತಿ ಬಗ್ಗೆ ಪ್ರತಿಕ್ರಿಯೆ

ಇನ್ನು ಅನುಷ್ಕಾ ಮತ್ತೊಂದು ಆಂಗ್ಲ ಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ನಿರ್ದೇಶಕರ ಜೊತೆ ಅನುಷ್ಕಾ ಹಸೆಮಣೆ ಏರಲು ಸಜ್ಜಾಗಿದ್ದಾರೆ ಎನ್ನುವ ವದಂತಿ ಬಗ್ಗೆ ಮಾತನಾಡಿದ್ದಾರೆ. "ಇದೆಲ್ಲ ನನಗೆ ಅರ್ಥವಾಗುತ್ತಿಲ್ಲ. ಹೇಗೆ ಇಂತಹ ಸುದ್ದಿಗಳನ್ನು ಬರೆಯುತ್ತಾರೆ. ಈ ರೀತಿ. ಸುಳ್ಳು ಸುದ್ದಿಗಳಿಂದ ಅವರ ಕುಟುಂಬಕ್ಕೆ ಅದು ಸಮಸ್ಯೆ ಆಗುತ್ತೆ" ಎಂದು ಹೇಳಿದ್ದಾರೆ.

ಸಂಬಂಧವನ್ನು ಮುಚ್ಚಿಡಲು ಸಾಧ್ಯವಿಲ್ಲ

"ಜನರಿಗೆ ನಿಜ ಸುದ್ದಿ ಯಾವುದು ಎನ್ನುವುದು ಗೊತ್ತು. ನನಗೆ ಇಂತಹ ವದಂತಿಗಳಿಂದ ಯಾವುದೆ ಪರಿಣಾಮ ಬೀರುವುದಿಲ್ಲ. ಎಲ್ಲರಿಗೂ ನನ್ನ ಮದುವೆ ಯಾಕೆ ದೊಡ್ಡ ಡೀಲ್ ಆಗಿದೆ ಎನ್ನುವುದು ನನಗೆ ಗೊತ್ತಿಲ್ಲ. ಯಾರಿಂದನೂ ಸಂಬಂಧವನ್ನು ಮುಚ್ಚಿಡಲು ಸಾಧ್ಯವಿಲ್ಲ. ನನಗೆ ನನ್ನದೆ ಆದ ವೈಯಕ್ತಿಕ ಜಾಗವಿದೆ. ಅಲ್ಲಿವರೆಗೂ ಪ್ರವೇಶ ಮಾಡಲು ನಾನು ಬಿಡಲ್ಲ. ಯಾವಾಗ ಮದುವೆ ಆಗುತ್ತೀನೋ ಆಗ ನಾನೆ ಖಂಡಿತ ಹೇಳುತ್ತೇನೆ" ಎಂದು ಹೇಳಿದ್ದಾರೆ.