ತೆಲುಗಿಗೆ ಕಾಲಿಡುತ್ತಿರುವ ಕ್ಯೂಟ್ ಮಲಯಾಳಿ ನಜ್ರಿಯಾ

15 ಸಿನಿಮಾಗಳಲ್ಲಿ ನಟಿಸಿರುವ ನಾಜರಿಯಾ

2010 ರಿಂದಲೂ ಸಿನಿಮಾಗಳಲ್ಲಿ ನಟಿಸುತ್ತಿರುವ ನಾಜರಿಯಾ ಈ ವರೆಗೆ ನಟಿಸಿರುವುದು 15 ಸಿನಿಮಾಗಳಲ್ಲಿಯಷ್ಟೆ. ಅದರಲ್ಲೂ 12 ಸಿನಿಮಾಗಳಲ್ಲಿಯಷ್ಟೆ ನಾಯಕಿಯಾಗಿ ನಟಿಸಿದ್ದಾರೆ ನಾಜರಿಯಾ. 10 ಮಲಯಾಳಂ ಹಾಗೂ 5 ತಮಿಳು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಕತೆಯ ವಿಷಯದಲ್ಲಿ ಚ್ಯೂಸಿ

ಕತೆಯ ವಿಷಯದಲ್ಲಿ ಸಾಕಷ್ಟು ಚ್ಯೂಸಿ ಆಗಿರುವ ನಾಜರಿಯಾ, ಬಹಳ ಅಳೆದು-ತೂಗಿ ಕತೆಗಳನ್ನು ಒಪ್ಪಿಕೊಳ್ಳುತ್ತಾರೆ. 2014 ರಲ್ಲಿ ಫಹಾದ್ ಜೊತೆಮದುವೆಯ ನಂತರ ನಟನೆಯಿಂದ ಕೇವಲ ಎರಡು ಸಿನಿಮಾಗಳಲ್ಲಿಯಷ್ಟೆ ನಟಿಸಿದ್ದಾರೆ ನಾಜರಿಯಾ. ಅದರಲ್ಲೊಂದು ಪತಿ ಫಹಾದ್ ಜೊತೆಗೆ ಟ್ರಾನ್ಸ್ ಸಿನಿಮಾದಲ್ಲಿ.

ವಿವೇಕ್ ಆಥ್ರೆಯಾ ನಿರ್ದೇಶನ

ನಾನಿ ಹಾಗೂ ನಾಜರಿಯಾ ನಟಿಸಲಿರುವ ತೆಲುಗು ಸಿನಿಮಾಕ್ಕೆ ಇನ್ನೂ ಹೆಸರಿಟ್ಟಿಲ್ಲ. ಸಿನಿಮಾವನ್ನು ಯುವ ನಿರ್ದೇಶಕ ವಿವೇಕ್ ಆಥ್ರೆಯಾ ನಿರ್ದೇಶಿಸಲಿದ್ದಾರೆ. ಈ ಹಿಂದೆ ಮೆಂಟಲ್ ಮದಿಲೊ ಹಾಗೂ ಬ್ರೋಚೇವಾರೆವರುರಾ ಸಿನಿಮಾಗಳನ್ನು ನಿರ್ದೇಶಿಸಿದ್ದಾರೆ.

Recommended Video

ಕೊಹ್ಲಿ ವಿರುದ್ಧ ತಿರುಗಿಬಿದ್ದ ಕಾಂಗ್ರೆಸ್ ಮುಖಂಡ | Filmibeat Kannada

ಮೇಘನಾ ರಾಜ್ ಆಪ್ತ ಗೆಳತಿ ನಾಜರಿಯಾ

ನಾಜರಿಯಾ, ಕನ್ನಡದ ನಟಿ ಮೇಘನಾ ರಾಜ್ ಅವರ ಆಪ್ತ ಗೆಳತಿ. ಇಬ್ಬರೂ ಮ್ಯಾಡ್ ಡ್ಯಾಡಿ ಸಿನಿಮಾದಲ್ಲಿ ನಟಿಸಿದ್ದರು. ಮೇಘನಾ ಮದುವೆ, ನಿಶ್ಚಿತಾರ್ಥಕ್ಕೆ ನಾಜರಿಯಾ ಬಂದಿದ್ದರು. ಮೊನ್ನೆ ಮೇಘನಾಗೆ ಮಗುವಾದಾಗ ನೋಡಲು ಕೇರಳದಿಂದ ಕಾರಲ್ಲಿ ಬಂದಿದ್ದರು ನಾಜರಿಯಾ ಹಾಗೂ ಪತಿ ಫಹಾದ್ ಫಾಸಿಲ್.