"ಹೊಸ ವರ್ಷಕ್ಕೆ ವಿಜಯ್ ಜೊತೆ ಫಾರಿನ್ ಟ್ರಿಪ್ ನಿಜ, ಲಿಂಕ್ ಮಾಡಿ ಮಾತಾಡ್ಲಿ ತಲೆ ಕೆಡಿಸಿಕೊಳ್ಳಲ್ಲ, ಆದ್ರೆ..: ರಶ್ಮಿಕಾ

ವಿಜಯ್, ನಾನು ಬೆಸ್ಟ್ ಫ್ರೆಂಡ್ಸ್

ಇನ್‌ಸ್ಟಾ ಲೈವ್ ವಿಡಿಯೋದಲ್ಲಿ ವಿಜಯ್ ದೇವರಕೊಂಡ ಧ್ವನಿ ಕೇಳಿಸಿತು ಎನ್ನುವ ಬಗ್ಗೆ ಪ್ರತಿಕ್ರಿಯಿಸಿರುವ ರಶ್ಮಿಕಾ, "ಕೆಲವೊಮ್ಮೆ ನಮಗೆ ಬೇಕಾದವರ ಧ್ವನಿಯನ್ನೇ ಕೇಳುತ್ತಿದ್ದೇವೆ ಎನಿಸುತ್ತದೆ. ಹಾಗೆಯೇ ಆ ವಿಡಿಯೋದಲ್ಲಿ ವಿಜಯ್ ಧ್ವನಿ ಕೇಳಿದಂತೆ ಎಲ್ಲರಿಗೂ ಅನ್ನಿಸಿದೆ. ಆದರೆ ಆ ಸಮಯದಲ್ಲಿ ನಮ್ಮ ಸ್ನೇಹಿತರು ಮಾತನಾಡುತ್ತಿದ್ದರು. ಇನ್ನು ವಿಜಯ್ ಬಗ್ಗೆ ಹೇಳಬೇಕು ಅಂದ್ರೆ ಆತ ನನಗೆ ಬೆಸ್ಟ್ ಫ್ರೆಂಡ್. ಪ್ರಸ್ತುತ ವಿಜಯ್ ಅವನ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾನೆ. ನಾನು ಕೂಡ ನನ್ನ ಸಿನಿಮಾ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದೇನೆ" ಎಂದಿದ್ದಾರೆ.

ನ್ಯೂ ಇಯರ್‌ ಟೂರ್ ನಿಜ

ವಿಜಯ್ ಜೊತೆ ಡೇಟಿಂಗ್ ವದಂತಿ ಶುರುವಾಗಲು ಕಾರಣ ಏನು ಅಂದ್ರೆ, "ಗೀತಾಗೋವಿಂದಂ ಸಿನಿಮಾದಲ್ಲಿ ನಮ್ಮಿಬ್ಬರ ಕ್ಯಾರೆಕ್ಟರೈಸೇಷನ್. ಬೆಳ್ಳಿ ತೆರೆಯಲ್ಲಿ ಜೋಡಿ ಕೆಮೆಸ್ಟ್ರಿ ಇಷ್ಟ ಆದರೆ ಪ್ರೇಕ್ಷಕರು ಅವರನ್ನು ಮನಸ್ಸಿನಲ್ಲಿ ಇಟ್ಟುಕೊಳ್ಳುತ್ತಾರೆ. ಇದೇ ಕಾರಣಕ್ಕೆ ಇಂತಹ ವದಂತಿಗಳು ಶುರು ಆಗಿರಬಹುದು. ಲಿಂಕ್ ಮಾಡಿ ಮಾತನಾಡುವುದರಲ್ಲಿ ತಪ್ಪೇನು ಇಲ್ಲ. ನಾವಿಬ್ಬರು ಬೆಸ್ಟ್ ಫ್ರೆಂಡ್ಸ್, ಹಾಗಾಗಿ ಟೂರ್ ಹೋಗುತ್ತಿರುತ್ತೀವಿ. ಫ್ರೆಂಡ್ಸ್ ಜೊತೆ ಟ್ರಿಪ್ ಹೋಗಬಾರದಾ? ನಾವು ಪ್ರವಾಸಕ್ಕೆ ಹೋದರೆ ಒಬ್ಬಿಬ್ಬರು ಹೋಗುವುದಿಲ್ಲ, ಏಳೆಂಟು ಜನ ಹೋಗುತ್ತೇವೆ. ಹೊಸ ವರ್ಷದ ಸಂಭ್ರಮದಲ್ಲಿ ಇಬ್ಬರು ಒಂದೇ ಜಾಗದಲ್ಲಿ ಇದ್ದರು ಎಂದರು. ಸರಿ ಪರವಾಗಿಲ್ಲ. ಯಾಕಂದರೆ ನಾವು ಪಬ್ಲಿಕ್ ಫಿಗರ್ಸ್, ಇದೇ ಮಾತಾಡಿ, ಅದೇ ಮಾತಾಡಿ ಎಂದು ಹೇಳಲು ಆಗುವುದಿಲ್ಲ"

ಪೋಷಕರಿಗೆ ತೊಂದರೆ ಆಗಬಾರದು

"ಸಿನಿಮಾ ರಿಲೀಸ್ ಹತ್ತಿರ ಬಂದಾಗ ಅದರ ಬಗ್ಗೆ ಮಾತನಾಡಬೇಕು. ಯಾಕಂದ್ರೆ ಒಂದು ವರ್ಷ ಕಷ್ಟಬಿದ್ದು ಸಿನಿಮಾ ಮಾಡಿರುತ್ತೇವೆ. ಆಗ ಸಿನಿಮಾ ಬಗ್ಗೆ ಮಾತನಾಡಬೇಕು. ಅದೇ ಸಮಯದಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ಹೀಗಾಯ್ತು? ಹಾಗಾಯ್ತು? ಅಂತಾರೆ. ಸರಿ ಬಿಡಿ ಅವರಿಷ್ಟ ಮಾತನಾಡಲಿ. ಆದರೆ ಇದರಿಂದ ನಮ್ಮ ಸುತ್ತಾ ಇರುವುವರಿಗೆ ತೊಂದರೆಯಾದರೆ ಸರಿಯಲ್ಲ. ನಮ್ಮ ಪೋಷಕರಿಗೆ ವಿಜಯ್ ಪೋಷಕರಿಗೆ ಸ್ನೇಹಿತರಿಗೆ ಸಮಸ್ಯೆ ಆದರೆ ಅದು ತಪ್ಪಾಗುತ್ತದೆ."

ಇಬ್ಬರು ತಮ್ಮ ಚಿತ್ರಗಳಲ್ಲಿ ಬ್ಯುಸಿ

ಕಳೆದ ವರ್ಷ 'ಆಡವಾರ್ಲು ಮೀಕು ಜೋಹಾರ್ಲು', 'ಗುಡ್ ಬೈ', 'ಸೀತಾರಾಮಂ' ಸಿನಿಮಾಗಳಲ್ಲಿ ನಟಿಸಿ ರಶ್ಮಿಕಾ ರಂಜಿಸಿದ್ದರು. ಈ ವರ್ಷ 'ವಾರಿಸು' ಮೂಲಕ ಶುಭಾರಂಭ ಮಾಡಿದ್ದಾರೆ. ಬಾಲಿವುಡ್‌ನಲ್ಲಿ ನಟಿಸಿದ ಮೊದಲ ಸಿನಿಮಾ 'ಮಿಷನ್ ಮಜ್ನು' ನೇರವಾಗಿ ಓಟಿಟಿಗೆ ಬಂದಿದೆ. ಇನ್ನು ರಣಬೀರ್ ಕಪೂರ್ ಜೋಡಿಯಾಗಿ 'ಅನಿಮಲ್' ಚಿತ್ರದಲ್ಲಿ ನಟಿಸ್ತಿದ್ದಾರೆ. 'ಪುಷ್ಪ- 2' ಚಿತ್ರದಲ್ ಮತ್ತೆ ಶ್ರೀವಲ್ಲಿ ಆಗಿ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ. ಮತ್ತೊಂದು ಕಡೆ ವಿಜಯ್ ದೇವರಕೊಂಡ ಗೌತಮ್ ತಿನ್ನನೂರು ನಿರ್ದೇಶನದ 'VD12' ಚಿತ್ರಕ್ಕೆ ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದಾರೆ.