ತೆಲುಗು ಚಿತ್ರರಂಗದ ಅನಿಷ್ಟವೊಂದರ ಬಗ್ಗೆ ಅನುಷ್ಕಾ ಶೆಟ್ಟಿ ಹೇಳಿಕೆ

ತೆಲುಗು ಚಿತ್ರರಂಗದಲ್ಲಿ ಅನಿಷ್ಟ ಪದ್ಧತಿ ಇದೆ

ತೆಲುಗು ಚಿತ್ರರಂಗದಲ್ಲೂ ಅನಿಷ್ಟ ಕಾಸ್ಟಿಂಗ್ ಕೌಚ್ ಇದೆ. ಆದರೆ ನನಗೆ ಅದರ ಅನುಭವ ಎಂದಿಗೂ ಆಗಿಲ್ಲ ಎಂದು ನಟಿ ಅನುಷ್ಕಾ ಶೆಟ್ಟಿ ಹೇಳಿದ್ದಾರೆ.

ಈ ಕಾರಣಕ್ಕೆ ಅನುಷ್ಕಾ ಶೆಟ್ಟಿ ಕಾಸ್ಟಿಂಗ್ ಕೌಚ್‌ಗೆ ಬಲಿಯಾಗಿಲ್ಲ

ಚಿತ್ರರಂಗಕ್ಕೆ ಬಂದಾಗಿನಿಂದಲೂ ನಾನು ನೇರ ವ್ಯಕ್ತಿತ್ವ ಹಾಗೂ ನೇರ ಮಾತಿನ ನಡುವಳಿಕೆಯಿಂದಲೇ ನಡೆದುಕೊಂಡಿದ್ದೇನೆ. ಹಾಗಾಗಿ ನನಗೆ ಅಂಥಹಾ ಅನುಭವಗಳು ಈವರೆಗೆ ಆಗಿಲ್ಲ ಎಂದು ಅನುಷ್ಕಾ ಶೆಟ್ಟಿ ಹೇಳಿದ್ದಾರೆ.

ಹೊಸ ನಟಿಯರಿಗೆ ಅನುಷ್ಕಾ ಶೆಟ್ಟಿ ಕಿವಿಮಾತು

ಹೊಸ ಹೀರೋಯಿನ್ ಗಳಿಗೆ ಕಿವಿಮಾತು ಹೇಳಿರುವ ಅನುಷ್ಕಾ ಶೆಟ್ಟಿ ಶೀಘ್ರ ಖ್ಯಾತಿಯ ಹಿಂದೆ ಓಡಿ ಕಾಸ್ಟಿಂಗ್ ಕೌಚ್‌ ಗೆ ಬಲಿಯಾಗಬೇಡಿ, ನಿಮ್ಮ ದೇಹಸೌಂದರ್ಯಕ್ಕಿಂತಲೂ ಪ್ರತಿಭೆಯ ಮೇಲೆ ವಿಶ್ವಾಸವಿಡಿ, ಚಿತ್ರರಂಗದಲ್ಲಿ ಹೆಚ್ಚು ಕಾಲ ಉಳಿಯುತ್ತೀರಿ ಎಂದಿದ್ದಾರೆ ಅನುಷ್ಕಾ.

ಕಾಸ್ಟಿಂಗ್ ಕೌಚ್ ಬಗ್ಗೆ ಮೊದಲು ಮಾತನಾಡಿದ್ದು ಈ ನಟಿ

ತೆಲುಗು ಚಿತ್ರರಂಗದಲ್ಲಿ ಕಾಸ್ಟಿಂಗ್ ಕೌಚ್ ಬಗ್ಗೆ ಮೊದಲು ಬಹಿರಂಗವಾಗಿ ಮಾತನಾಡಿದ್ದು ನಟಿ ಶ್ರೀ ರೆಡ್ಡಿ. ಆಕೆಯ ಹಲವು ಖ್ಯಾತನಮರ ಹೆಸರನ್ನು ಅವರು ಬಹಿರಂಗಗೊಳಿಸಿದ್ದರು. ಶ್ರೀ ರೆಡ್ಡಿ ಹೇಳಿಕೆ ತೆಲುಗು ಸಿನಿರಂಗದಲ್ಲಿ ವಿವಾದದ ಅಲೆ ಎಬ್ಬಿಸಿತ್ತು.

ಹದಿನೈದು ವರ್ಷ ಪೂರೈಸಿದ ಅನುಷ್ಕಾ ಶೆಟ್ಟಿ

ತೆಲುಗು ಚಿತ್ರರಂಗದಲ್ಲಿ ಅನುಷ್ಕಾ ಶೆಟ್ಟಿ 15 ವರ್ಷ ಪೂರೈಸಿದ್ದಾರೆ. ಪ್ರಸ್ತುತ ಅವರ ಅಭಿನಯದ ನಿಶ್ಯಬ್ಧಂ ತೆರೆಗೆ ಬರುತ್ತಿದೆ. ಕೊರೊನಾ ಭೀತಿಯಿಂದಾಗಿ ಸಿನಿಮಾ ಬಿಡುಗಡೆ ಮುಂದೂಡಲಾಗಿದೆ.