ನೀಲಿ ಚಿತ್ರಗಳಲ್ಲಿ ನಟಿಸಿದ್ದ ವಿಷಯ ಬಹಿರಂಗಪಡಿಸಿದ ಖ್ಯಾತ ನಟ, ನಿರ್ಮಾಪಕ!

ಪ್ರೊಡಕ್ಷನ್ ಮ್ಯಾನೇಜರ್ ಆಗಿದ್ದ ಬಂಡ್ಲ

ಸಿನಿಮಾದಲ್ಲಿ ಮುಖ್ಯ ಹಾಸ್ಯನಟ, ಪೋಷಕ ನಟರಾಗಿ ನಟಿಸುತ್ತಿರುವ ಬಂಡ್ಲ ಗಣೇಶ್ ಪ್ರೊಡಕ್ಷನ್ ಮ್ಯಾನೇಜರ್ ಆಗಿಯೂ ಕೆಲಸ ಮಾಡಿದ್ದರು. ಈಗ ನಿರ್ಮಾಪಕರೂ ಆಗಿದ್ದಾರೆ. ಮುಖ್ಯ ಕಮಿಡಿಯನ್ ಪಾತ್ರಗಳಲ್ಲಿ ನಟಿಸುವ ಮುನ್ನ ತೀರ ಸಣ್ಣ-ಪುಟ್ಟ ಪಾತ್ರಗಳಲ್ಲಿ, ದೃಶ್ಯಗಳಲ್ಲಿ ಎಕ್ಸ್ಟ್ರಾ ಆಗಿಯೂ ಬಂಡ್ಲ ಗಣೇಶ್ ಕಾಣಿಸಿಕೊಂಡಿದ್ದರು.

ವಯಸ್ಕರ ಸಿನಿಮಾದಲ್ಲಿ ನಟಿಸಿದ್ದು

ಸಿನಿಮಾಗಳಲ್ಲಿ ಸಣ್ಣ ಪುಟ್ಟ ಪಾತ್ರಗಳಲ್ಲಿ ನಟಿಸಲು ಆರಂಭಿಸಿದ ಬಳಿಕ ಬಂಡ್ಲ ಗಣೇಶ್‌ಗೆ ಒಂದು ಅವಕಾಶ ಬಂದಂತೆ. ಸಿನಿಮಾದಲ್ಲಿ ನಿನಗೆ ನಾಯಕನ ಪಾತ್ರ ನೀಡುತ್ತಿದ್ದೇನೆ ಎಂದು ನಿರ್ಮಾಪಕ ಹೇಳಿದ್ದರಂತೆ. ಆಗಷ್ಟೆ ನಟನೆ ಆರಂಭಿಸಿದ್ದ ಬಂಡ್ಲ ಗಣೇಶ್, ನಾಯಕನ ಪಾತ್ರ ಎಂದ ಕೂಡಲೇ ಖುಷಿಯಿಂದ ನಟಿಸಲು ಒಪ್ಪಿಕೊಂಡಿದ್ದಾರೆ. ಆದರೆ ಸಿನಿಮಾ ಶೂಟಿಂಗ್ ಪ್ರಾರಂಭವಾದ ಮೇಲೆ ಗೊತ್ತಾಯ್ತಂತೆ ಅದು ವಯಸ್ಕರ ಸಿನಿಮಾ ಎಂದು. ಹಣ ಪಡೆದುಕೊಂಡು ಬಿಟ್ಟಿದ್ದ ಕಾರಣಕ್ಕೆ ಸುಮ್ಮನೆ ನಟಿಸಿದರಂತೆ ಬಂಡ್ಲ ಗಣೇಶ್. ಅಂದಹಾಗೆ ಆ ಸಿನಿಮಾದ ಹೆಸರು 'ಆಂಟಿ'.

ರಿಯಲ್ ಎಸ್ಟೇಟ್ ಉದ್ಯಮ

ತಾವು ಹಣ ಸಂಪಾದನೆ ಮಾಡಿದ ಬಗ್ಗೆ ಹೇಳಿಕೊಂಡಿರುವ ಬಂಡ್ಲ ಗಣೇಶ್, ''ಸಿನಿಮಾ ನಿರ್ಮಾಪಕನಾಗಲು ನನಗೆ ಹಲವರು ಬೆಂಬಲ ನೀಡಿದರು. ಅದರಲ್ಲಿಯೂ ಪವನ್ ಕಲ್ಯಾಣ್ ನನಗೆ ಬೆನ್ನೆಲುಬಾಗಿ ನಿಂತರು. ಅವರ 'ಗಬ್ಬರ್ ಸಿಂಗ್' ಸಿನಿಮಾ ಮೂಲಕ ನಿರ್ಮಾಪಕನಾದೆ. ಅದಕ್ಕೆ ಮುಂಚೆಯೇ ರಾಜಶೇಖರ್ ರೆಡ್ಡಿ ಸರ್ಕಾರದ ಸಮಯದಲ್ಲಿ ರಿಯಲ್ ಎಸ್ಟೇಟ್‌ಗೆ ಬೇಡಿಕೆ ಹೆಚ್ಚಿತ್ತು. ಆಗ ನಾನು ರಿಯಲ್ ಎಸ್ಟೇಟ್ ನಡೆಸಿ ಒಳ್ಳೆಯ ಹಣ ಸಂಪಾದನೆ ಮಾಡಿದೆ'' ಎಂದಿದ್ದಾರೆ ಬಂಡ್ಲ ಗಣೇಶ್.

ಪೌಲ್ಟ್ರಿ ಫಾರಂ ಆರಂಭಿಸಿದ ಬಂಡ್ಲ

ಆ ನಂತರ ದೊಡ್ಡ ಪೌಲ್ಟ್ರಿ ಫಾರಂ ಅನ್ನು ಪ್ರಾರಂಭ ಮಾಡಿದೆ. ಇನ್ನೂ ಕೆಲವು ಬ್ಯುಸಿನೆಸ್‌ಗಳನ್ನು ಪ್ರಾರಂಭ ಮಾಡಿದೆ. ಆರ್ಥಿಕವಾಗಿ ಸಬಲನಾದೆ. ಅದೇ ಸಮಯದಲ್ಲಿ ಹಲವು ರಾಜಕೀಯ ವ್ಯಕ್ತಿಗಳೊಟ್ಟಿಗೂ ಒಳ್ಳೆಯ ಸಂಪರ್ಕ ಏರ್ಪಟ್ಟಿತು. ಈಗಲೂ ಹಲವು ಮಂದಿ ರಾಜಕಾರಣಿಗಳು ನನ್ನ ಜೊತೆ ಟಚ್‌ನಲ್ಲಿದ್ದಾರೆ. ಆದರೆ ಯಾರೊಂದಿಗೂ ನನಗೆ ಭಿನ್ನಾಭಿಪ್ರಾಯವಿಲ್ಲ. ಎಲ್ಲರೊಟ್ಟಿಗೂ ಚೆನ್ನಾಗಿದ್ದೇನೆ ಎಂದಿದ್ದಾರೆ ಬಂಡ್ಲ ಗಣೇಶ್.