ಸೂಪರ್ ಹಿಟ್ ಸಿನಿಮಾ ಕೈಬಿಟ್ಟು ಕೈ-ಕೈ ಹಿಸುಕಿಕೊಂಡಿದ್ದ ಜೂ.ಎನ್‌ಟಿಆರ್‌

ಮೊದಲಿಗೆ ಜೂ.ಎನ್‌ಟಿಆರ್‌ಗೆ ಕತೆ ಹೇಳಲಾಗಿತ್ತು

'ಬೊಮ್ಮರಿಲ್ಲು' ಸಿನಿಮಾದ ನಿರ್ದೇಶಕ ಭಾಸ್ಕರ್ ಮೊದಲಿಗೆ ಜೂ.ಎನ್‌ಟಿಆರ್‌ ಗೆ ಕತೆ ಹೇಳಿದ್ದರು. ಕತೆಯ ಬಗ್ಗೆ ಸಕಾರಾತ್ಮಕವಾಗಿ ಸ್ಪಂದಿಸಿದ್ದ ಜೂ.ಎನ್‌ಟಿಆರ್ ತಾವೇ ನಟಿಸುವುದಾಗಿ ಹೇಳಿದ್ದರು. ಆದರೆ ಕೆಲವು ದಿನಗಳ ನಂತರ ನಿರ್ಧಾರ ಬದಲಿಸಿದರು.

ಮಾಸ್ ಇಮೇಜ್‌ಗೆ ಧಕ್ಕೆಯಾಗುತ್ತದೆ ಎಂದು ಬೇಡವೆಂದರು

ಆಗಷ್ಟೆ ತಮ್ಮ ದೇಹತೂಕ ಕಳೆದುಕೊಂಡಿದ್ದ ಎನ್‌ಟಿಆರ್. ಅದಕ್ಕೆ ಮುನ್ನಾ ರಾಖಿ, ಅಶೋಕ್ ಅಂತಹಾ ಮಾಸ್ ಸಿನಿಮಾಗಳನ್ನು ಮಾಡಿದ್ದರು. ಬೊಮ್ಮರಿಲ್ಲು ಸಿನಿಮಾಕ್ಕಾಗಿ ಕೇಳಿದಾಗ ಅವರು ಯಮದೊಂಗ ಸಿನಿಮಾಕ್ಕೆ ಸಹಿ ಹಾಕಿದ್ದರು. ತಮ್ಮ ಮಾಸ್ ಇಮೇಜಿಗೆ ವಿರುದ್ಧವಾಗಿ ಬೊಮ್ಮರಿಲ್ಲು ಸಿನಿಮಾ ನಾಯಕನ ಪಾತ್ರವಿದೆಯೆಂದು ಸಿನಿಮಾ ಬೇಡವೆಂದಿದ್ದರು ಜೂ.ಎನ್‌ಟಿಆರ್.

ದೊಡ್ಡ ಮ್ಯಾಜಿಕ್ ಮಾಡಿದ ಬೊಮ್ಮರಿಲ್ಲು

ಆದರೆ ಸಿನಿಮಾ ಬಿಡುಗಡೆ ಆದಮೇಲೆ ದೊಡ್ಡ ಮ್ಯಾಜಿಕ್ ನಡೆದುಬಿಟ್ಟಿತು. ಸಿನಿಮಾ ಅತ್ಯದ್ಭುತ ಹಿಟ್ ಆಯಿತು. ಬೇರೆ ರಾಜ್ಯಗಳಲ್ಲಿಯೂ ಸಹ ಸಿನಿಮಾ ಸೂಪರ್-ಡೂಪರ್ ಹಿಟ್ ಎನಿಸಿಕೊಂಡಿತು. ಆಗ ನಾನು ಈ ಸಿನಿಮಾ ಮಾಡಲಿಲ್ಲವಲ್ಲ ಎಂದು ನೊಂದುಕೊಂಡಿದ್ದರಂತೆ ಜೂ.ಎನ್‌ಟಿಆರ್.

ಬೊಮ್ಮರಿಲ್ಲು ಸಿನಿಮಾವನ್ನು ಹೊಗಳಿದ್ದ ಜೂ.ಎನ್‌ಟಿಆರ್

ಬೊಮ್ಮರಿಲ್ಲು ಸಿನಿಮಾದ ಸಂಭ್ರಮಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದ್ದ ಜೂ.ಎನ್‌ಟಿಆರ್. 'ಸೂಪರ್ ಹಿಟ್ ಸಿನಿಮಾಗಳನ್ನು ನೋಡಿದ್ದೀನಿ, ಸೂಪರ್ ಹಿಟ್ ಸಿನಿಮಾಗಳನ್ನು ಮಾಡಿದ್ದೀನಿ. ಆದರೆ ಇಂಥಹಾ ಸಿನಿಮಾವನ್ನು ನಾನು ನೋಡಿಲ್ಲ' ಎಂದು ಬೊಮ್ಮರಿಲ್ಲು ಸಿನಿಮಾವನ್ನು ಹೊಗಳಿದ್ದರು.