'ವಾಲ್ತೇರು ವೀರಯ್ಯ' Vs 'ವೀರ ಸಿಂಹ ರೆಡ್ಡಿ':ಸಂಕ್ರಾಂತಿ ವೀಕೆಂಡ್‌ನಲ್ಲಿ ಗೆದ್ದೋರು ಯಾರು?

'ವಾಲ್ತೇರು ವೀರಯ್ಯ' ಸಂಕ್ರಾಂತಿ ಕಲೆಕ್ಷನ್ ಎಷ್ಟು?

ಮೆಗಾಸ್ಟಾರ್ ಚಿರಂಜೀವಿ ಮಾಸ್ ಲುಕ್ ಕೊಟ್ಟ ಸಿನಿಮಾ 'ವಾಲ್ತೇರು ವೀರಯ್ಯ'. ಈ ಸಿನಿಮಾಗೆ ಫಸ್ಟ್‌ ಡೇ ಫಸ್ಟ್ ಶೋನೇ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಆದರೂ ಜನರು ಚಿತ್ರಮಂದಿರಕ್ಕೆ ಹೋಗಿ ಸಿನಿಮಾ ನೋಡಿ ಎಂಜಾಯ್ ಮಾಡುತ್ತಿದ್ದಾರೆ. 'ವಾಲ್ತೇರು ವೀರಯ್ಯ' ಮೊದಲ ಸಿನಿಮಾ ಹಿಂದೆಬಿದ್ದಿದ್ದರೂ, ಎರಡು ಹಾಗೂ ಮೂರನೇ ದಿನ ಗಳಿಕೆಯಲ್ಲಿ ಏರಿಕೆಯಾಗಿದೆ. ನಿನ್ನೆ(ಜನವರಿ 15) ಸಂಕ್ರಾಂತಿ ದಿನ ಮೆಗಾಸ್ಟಾರ್ ಚಿರಂಜೀವಿ ಸಿನಿಮಾ 20 ಕೋಟಿ ರೂ. ಗಳಿಕೆ ಕಂಡಿದೆ ಎಂದು ಟ್ರೇಡ್ ಎಕ್ಸ್‌ಪರ್ಟ್ಸ್ ಲೆಕ್ಕಕೊಟ್ಟಿದ್ದಾರೆ.

ಮೂರು ದಿನಗಳ ಕಾಲ ಗಳಿಸಿದ್ದೆಷ್ಟು?

ಮೆಗಾಸ್ಟಾರ್ ಚಿರಂಜೀವಿಯ 'ವಾಲ್ತೇರು ವೀರಯ್ಯ' ಸಿನಿಮಾ ಮೂರು ದಿನಗಳಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿದೆ. ವಿಶ್ವದಾದ್ಯಂತ ಈ ಮೂರು ದಿನಗಳಲ್ಲಿ ಸುಮಾರು108 ಕೋಟಿ ರೂ. ಗಳಿಕೆ ಮಾಡಿದೆ. ಭಾರತದಲ್ಲಿ 69.40 ಕೋಟಿ ರೂ. ಎಂದು ವರದಿಯಾಗಿದೆ.

ಮೊದಲ ದಿನ 29.6 ಕೋಟಿ ರೂ.
ಎರಡನೇ ದಿನ 19.8 ಕೋಟಿ ರೂ.
ಮೂರನೇ ದಿನ 20 ಕೋಟಿ ರೂ.
ಒಟ್ಟು 69.40 ಕೋಟಿ ರೂ. (ಭಾರತ)

'ವೀರ ಸಿಂಹ ರೆಡ್ಡಿ' ಕಲೆಕ್ಷನ್ ಎಷ್ಟು?

ಬಾಲಕೃಷ್ಣ ಅಭಿನಯದ ಮೊದಲ ದಿನದ ಗಳಿಕೆ ಚಿರಂಜೀವಿ ಸಿನಿಮಾ 'ವಾಲ್ತೇರು ವೀರಯ್ಯ'ಗಿಂತ ಹೆಚ್ಚಿತ್ತು. ಮೊದಲ ದಿನವೇ ಸುಮಾರು 33 ಕೋಟಿ ರೂ. ಕಲೆಕ್ಷನ್ ಮಾಡಿತ್ತು. ಎರಡನೇ ದಿನದಿಂದ ಕಲೆಕ್ಷನ್ ಡ್ರಾಪ್ ಆಗಿದೆ. ಇನ್ನು ನಾಲ್ಕನೇ ದಿನ ಈ ಸಿನಿಮಾ ಸುಮಾರು 11 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಒಟ್ಟು ನಾಲ್ಕು ದಿನಗಳಲ್ಲಿ ದೇಶಾದ್ಯಂತ 70 ಕೋಟಿ ರೂ. ಗಳಿಕೆ ಕಂಡಿದ್ರೆ, ವಿಶ್ವದಾದ್ಯಂತ 104 ಕೋಟಿ ರೂ.ಕಲೆಕ್ಷನ್ ಮಾಡಿದೆ.

ಇಬ್ಬರಲ್ಲಿ ಗೆದ್ದೋರು ಯಾರು?

ಮೆಗಾಸ್ಟಾರ್ ಚಿರಂಜೀವಿ ಹಾಗೂ ಬಾಲಕೃಷ್ಣ ಸಿನಿಮಾಗಳು ಸಂಕ್ರಾಂತಿ ಹಬ್ಬಕ್ಕೆ ಆರು ಬಾರಿ ಮುಖಾಮುಖಿಯಾಗಿವೆ. ಈ ಬಾರಿ ಮೊದಲ ಮೂರು ದಿನ ಮೆಗಾಸ್ಟಾರ್ ಚಿರಂಜೀವಿಯ 'ವಾಲ್ತೇರು ವೀರಯ್ಯ' ಗೆದ್ದಿದೆ. 'ವೀರ ಸಿಂಹ ರೆಡ್ಡಿ' ಸಿನಿಮಾ ಬಾಕ್ಸಾಫೀಸ್ ಕಲೆಕ್ಷನ್ ಚೆನ್ನಾಗಿದ್ದರೂ, ಚಿರಂಜೀವಿ ಸಿನಿಮಾ ಮುಂದೆ ತಣ್ಣಗಾಗಿದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ಕಲೆಕ್ಷನ್ ಹೇಗಿರುತ್ತೆ? ಅನ್ನೋದರ ಮೇಲೆ ಗೆದ್ದರು ಯಾರು? ಅನ್ನೋದು ಗೊತ್ತಾಗುತ್ತೆ.