ನರೇಶ್-ಪವಿತ್ರಾ ಮದುವೆಯಾಗಲು ಬಿಡೆನು: ಗುಡುಗಿದ ಮಾಜಿ ಪತ್ನಿ ರಮ್ಯಾ

ನರೇಶ್‌ಗೆ ಆಸ್ತಿಯಲ್ಲಿ ಭಾಗವಿಲ್ಲ: ರಮ್ಯಾ

ನರೇಶ್‌ ತಮ್ಮ ಮೂರನೇ ಪತ್ನಿ ರಮ್ಯಾ ರಘುಪತಿಗೆ ವಿಚ್ಛೇದನ ನೀಡಿಲ್ಲ. ಇವರಿಬ್ಬರ ವಿವಾಹ ಪ್ರಕರಣ ಪ್ರಸ್ತುತ ಕೋರ್ಟ್‌ನಲ್ಲಿದೆ. ಆತ ನನ್ನನ್ನು ಮದುವೆಯಾಗಿದ್ದಿದ್ದೆ ತಮ್ಮ ರಾಜಕೀಯ ಮಹಾತ್ವಾಕಾಂಕ್ಷೆ ಪೂರೈಸಿಕೊಳ್ಳಲು. ಆಗಲೇ ನರೇಶ್‌ರ ತಾಯಿ ವಿಜಯ ನಿರ್ಮಲಾ ನರೇಶ್‌ಗೆ ಎಚ್ಚರಿಕೆ ಕೊಟ್ಟಿದ್ದರು, ರಮ್ಯಾ ರಘುಪತಿಗೆ ಹಿಂಸೆ ಕೊಡುವುದು ಮಾಡಿದರೆ ಆಸ್ತಿಯಲ್ಲಿ ಒಂದು ಪೈಸೆಯೂ ಕೊಡುವುದಿಲ್ಲವೆಂದು. ಅದೇ ಕಾರಣಕ್ಕೆ ತಾಯಿ ತೀರಿ ಹೋಗುವವರೆಗೆ ಸುಮ್ಮನಿದ್ದು ಬಳಿಕ ಪವಿತ್ರಾ ಜೊತೆ ಸಂಬಂಧ ಬೆಳೆಸಿದ್ದಾನೆ ಎಂದಿದ್ದಾರೆ.

ಲಿಪ್‌ ಲಾಕ್ ವಿಡಿಯೋ ಬಗ್ಗೆ ರಮ್ಯಾ ಮಾತು

ಈಗ ವೈರಲ್ ನರೇಶ್-ಪವಿತ್ರಾ ಲಿಪ್‌ಲಾಕ್ ವಿಡಿಯೋ ಬಗ್ಗೆಯೂ ಮಾತನಾಡಿರುವ ರಮ್ಯಾ ರಘುಪತಿ, ''ನನಗೆ ಇದನ್ನು ನೋಡಿ ಅಚ್ಚರಿ ಅನ್ನಿಸಲಿಲ್ಲ. ನರೇಶ್ ಅವರನ್ನು ನಮ್ಮ ಮನೆಯ ಮುಸುರೆ ತೊಳೆಯುವವಳ ಜೊತೆ ನೋಡಿದಾಗ ಮೊದಲು ಶಾಕ್ ಆಗಿತ್ತು. ಅವರ ಫೋನ್‌ನಲ್ಲಿ ಕಾಲ್ ರೆಕಾರ್ಡಿಂಗ್ ಎಲ್ಲಾ ಕೇಳಿದ್ದಾಗ ಶಾಕ್ ಆಗಿತ್ತು. ದಿನಕ್ಕೊಂದು ಸತ್ಯ ಹೊರಬೀಳುತ್ತಿತ್ತು, ದಿನ ಇದೇ ಕಥೆನೇ, ಇವತ್ತು ವಿಡಿಯೋ ನೋಡಿದ್ದೇವೆ ಅಷ್ಟೆ. ನಾನು ಇದನ್ನೆಲ್ಲಾ ಬಹಳ ನೋಡಿದ್ದೇನೆ. ಹಾಗಾಗಿ ಅಚ್ಚರಿ ಅನ್ನಿಸಲಿಲ್ಲ'' ಎಂದಿದ್ದಾರೆ.

ಪ್ರಕರಣ ದಾಖಲಿಸಿದ್ದೇನೆ: ರಮ್ಯಾ ರಘುಪತಿ

"ನರೇಶ್ ಡಿವೋರ್ಸ್‌ಗಾಗಿ ಕೋರ್ಟ್ ಮೆಟ್ಟಿಲೇರಿದ್ದಾರೆ. ನಾನು ಅದನ್ನು ಪ್ರಶ್ನಿಸಿ ಪ್ರತಿದೂರು ದಾಖಲಿಸಿದ್ದೀನಿ. ಯಾರು ಬೇಕಾದರೂ ಆನ್‌ಲೈನ್‌ನಲ್ಲಿ ಅದನ್ನು ಪರಿಶೀಲನೆ ಮಾಡಬಹುದು. ಫ್ಯಾಮಿಲಿ ಕೋರ್ಟ್‌ನಲ್ಲಿ ಡಿವೋರ್ಸ್‌ಗೆ ಅಪ್ಲೇ ಮಾಡಿದ್ದಾರೆ. ಅವರ ಪಿಟಿಷನ್‌ಗೆ ನಾನು ಕೌಂಟರ್ ಪೆಟಿಷನ್ ತೆಗೆದುಕೊಂಡಿದ್ದೇನೆ. ರಿಜೆಕ್ಷನ್ ಪೆಟಿಷನ್ ಹಾಕಿದ್ದೀನಿ. ಅದರಲ್ಲಿ ಒಂದಷ್ಟು ಸುಳ್ಳುಗಳನ್ನು ಹೇಳಿದ್ದಾರೆ. ವೈವಾಹಿಕ ಹಕ್ಕುಗಳ ರಕ್ಷಣೆ ಅಡಿಯಲ್ಲೂ ಕೇಸ್ ದಾಖಲಾಗಿದೆ. ಅದಕ್ಕೆ ಅವರು ಪ್ರತಿಕ್ರಿಯಿಸಿಲ್ಲ. ಹಾಗಾಗಿ ಡಿವೋರ್ಸ್ ವಿಚಾರ ಇನ್ನು ದೂರದ ಮಾತು" ಎಂದು ರಮ್ಯಾ ರಘುಪತಿ ಹೇಳಿದ್ದಾರೆ.

ಮೂರು ಮದುವೆಯಾಗಿರುವ ನರೇಶ್

ನಟ ನರೇಶ್ ಈವರೆಗೆ ಮೂರು ಮದುವೆಯಾಗಿದ್ದು ರಮ್ಯಾ ರಘುಪತಿ ಮೂರನೇ ಪತ್ನಿಯಾಗಿದ್ದಾರೆ. ಇದೀಗ ಪವಿತ್ರಾ ಲೋಕೇಶ್ ಜೊತೆ ನಾಲ್ಕನೇ ಮದುವೆಗೆ ಸಜ್ಜಾಗಿದ್ದಾರೆ. ಆದರೆ ರಮ್ಯಾ ರಘುಪತಿ ವಿಚ್ಛೇದನ ನೀಡಿಲ್ಲ. ಇನ್ನು ನಟಿ ಪವಿತ್ರಾ ಲೋಕೇಶ್ ಸಹ ಈವರೆಗೆ ಎರಡು ವಿವಾಹವಾಗಿದ್ದಾರೆ. ಅವರ ಎರಡನೇ ಪತ್ನಿ ಕನ್ನಡದ ಖ್ಯಾತ ನಟ ಸುಚೇಂದ್ರ ಪ್ರಸಾದ್. ಇವರಿಗೂ ಸಹ ಅಧಿಕೃತವಾಗಿ ವಿಚ್ಛೇದನ ಆಗಿಲ್ಲ. ಪವಿತ್ರಾ ಲೋಕೇಶ್ ಇದೀಗ ತೆಲುಗು ಚಿತ್ರರಂಗದಲ್ಲಿಯೇ ಹೆಚ್ಚು ಬ್ಯುಸಿಯಾಗಿದ್ದಾರೆ.