Click it and Unblock the Notifications
Don't Miss!
-
Budget 2023: ಇದು "ಕಾರ್ಪೊರೇಟ್ ಪ್ರೇಮಿ" ಬಜೆಟ್ ಎಂದ ಹೆಚ್. ಸಿ. ಮಹದೇವಪ್ಪ -
ಟಿ20 ರ್ಯಾಂಕಿಂಗ್: ಸೂರ್ಯಕುಮಾರ್ ಅಂಕದಲ್ಲಿ ಮತ್ತಷ್ಟು ಏರಿಕೆ -
ಭಾರತದಿಂದ ಬ್ರಿಟನ್ಗೆ ರಾಯಲ್ ಎನ್ಫೀಲ್ಡ್ ಸೂಪರ್ ಮಿಟಿಯೊರ್ 650 ರಫ್ತು ಪ್ರಾರಂಭ -
ಬಜೆಟ್ ಬೆಲೆಯಲ್ಲಿ ದೂಳೆಬ್ಬಿಸಲು ಮೊಟೊ E13 ತಯಾರಿ! ಲಾಂಚ್ ಯಾವಾಗ! -
LIC Jeevan Lakshya: LIC ಜೀವನ್ ಲಕ್ಷ್ಯ ಯೋಜನೆ: ಪಾಲಿಸಿ ಪ್ರಯೋಜನವೇನು? ಆರ್ಥಿಕ ರಕ್ಷಣೆ ಹೇಗೆ? ತಿಳಿಯಿರಿ -
ಕೇಂದ್ರ ಬಜೆಟ್ನಲ್ಲಿ ವಿತ್ತ ಸಚಿವೆ ಧರಿಸಿರುವ ಸೀರೆಯ ವಿಶೇಷತೆ ಗೊತ್ತೆ? -
KVS Recruitment 2022 : ಕೇಂದ್ರೀಯ ವಿದ್ಯಾಲಯ ಸಂಗತನ್ ದಲ್ಲಿ 13404 ಹುದ್ದೆಗಳ ನೇಮಕಾತಿ -
ಯಾವುದೇ ಚಿಂತೆ ಇಲ್ಲದೆ ಸುಖಕರ ಪ್ರಯಾಣ ಅನುಭವಿಸಲು ಇಲ್ಲಿದೆ ಸಲಹೆಗಳು
ಜನವರಿ 10 ಮಹೇಶ್ & ಪವನ್ ಇಬ್ಬರ ಅಭಿಮಾನಿಗಳಿಗೂ ಬೇಸರದ ದಿನ
ಮಹೇಶ್ ಬಾಬು ಹಾಗೂ ಪವನ್ ಕಲ್ಯಾಣ್ ತೆಲುಗು ಚಿತ್ರರಂಗದ ಸೂಪರ್ ಸ್ಟಾರ್ ನಟರು. ಈ ಇಬ್ಬರ ಚಿತ್ರಗಳೆಂದರೆ ಮಿಶ್ರ ವಿಮರ್ಶೆ ಬಂದರೂ ಸಹ ನಿರ್ಮಾಕರಿಗೆ ಮಿನಿಮಮ್ ಗ್ಯಾರಂಟಿ ಕಲೆಕ್ಷನ್‌ ಅಂತೂ ಪಕ್ಕಾ.
ಇನ್ನು ಚಿತ್ರಗಳಿಗೆ ಚೆನ್ನಾಗಿದೆ, ಕುಟುಂಬ ಸಮೇತ ವೀಕ್ಷಿಸಬಹುದು ಎಂಬ ರಿಪೋರ್ಟ್ ಬಂದರಂತೂ ಬಾಕ್ಸ್ ಆಫೀಸ್ ಧೂಳ್ ಎಬ್ಬಿಸಿಬಿಡ್ತಾರೆ ಈ ಬಾಕ್ಸ್ ಆಫೀಸ್ ಕಿಂಗ್ಸ್. ಪ್ಯಾನ್ ಇಂಡಿಯಾ ಟ್ರೆಂಡ್ ಶುರುವಾಗುವುದಕ್ಕೂ ಮುನ್ನವೇ ಭಾರತದಾದ್ಯಂತ ಒಳ್ಳೆಯ ಗಳಿಕೆ ಮಾಡಿ ವಿತರಕರ ಜೇಬು ತುಂಬಿಸುತ್ತಿದ್ದ ಈ ನಟರ ಕೆಲ ಚಿತ್ರಗಳು ಬಾಕ್ಸ್ ಆಫೀಸ್‌ನಲ್ಲಿ ಯಾರೂ ಊಹಿಸಿರದ ರೀತಿಯಲ್ಲಿ ಮಕಾಡೆ ಮಲಗಿದ ಉದಾಹರಣೆಗಳೂ ಸಹ ಇವೆ.
ಹೌದು, ಜನವರಿ ತಿಂಗಳ 10ನೇ ತಾರೀಖಿನಂದೇ ಈ ಹಿಂದೆ ಬಿಡುಗಡೆಯಾಗಿದ್ದ ಈ ಇಬ್ಬರ ಸಿನಿಮಾಗಳು ಈ ರೀತಿ ಫ್ಲಾಪ್ ಆಗಿ ದುರಂತ ಕಂಡಿದ್ದವು. 2014ರ ಜನವರಿ 10ರಂದು ಸಂಕ್ರಾಂತಿ ಪ್ರಯುಕ್ತ ಚಿತ್ರಮಂದಿರದ ಅಂಗಳಕ್ಕೆ ಬಂದಿದ್ದ ಮಹೇಶ್ ಬಾಬು ಅಭಿನಯದ '1 ನೇನೊಕ್ಕಡಿನೆ' ಸೋತಿತ್ತು. ಚಿತ್ರ ಬಿಡುಗಡೆಯಾಗಿ ಸೋತು ಹಲವು ವರ್ಷಗಳ ಬಳಿಕ ಇಂಥ ಒಳ್ಳೆ ಚಿತ್ರ ಸೋಲುಂಡಿತಲ್ಲ ಎಂದು ಸಿನಿ ಪ್ರಿಯರು ಚಿತ್ರ ಅಂಡರ್‌ರೇಟೆಡ್ ಎಂದರು. ಆದರೆ ಕಾಲ ಆಗಲೇ ಮಿಂಚಿ ಹೋಗಿತ್ತು. ಬಹುಶಃ ಮಹೇಶ್ ಬಾಬು ಹಾಗೂ ನಿರ್ದೇಶಕ ಸುಕುಮಾರ್ ಕಾಂಬಿನೇಶನ್ ಎಂಬ ಅತಿ ನಿರೀಕ್ಷೆಯೇ ಚಿತ್ರಕ್ಕೆ ಮುಳುವಾಯಿತೇನೋ.
ಇನ್ನು ಇದೇ ರೀತಿ 2018ರ ಜನವರಿ 10ರಂದು ಬಿಡುಗಡೆಯಾಗಿದ್ದ ಪವನ್ ಕಲ್ಯಾಣ್ ಹಾಗೂ ತ್ರಿವಿಕ್ರಮ್ ಶ್ರೀನಿವಾಸ್ ಜೋಡಿಯ ಅಜ್ಞಾತವಾಸಿ ಸಹ ಬಾಕ್ಸ್ ಆಫೀಸ್‌ನಲ್ಲಿ ಕೆಟ್ಟ ಸೋಲು ಕಂಡಿತ್ತು. ಈ ಹಿಂದೆ ಇದೇ ಜೋಡಿ ಕೊನೆಯದಾಗಿ 'ಅತ್ತಾರಿಂಟಿಕಿ ದಾರೇದಿ' ಎಂಬ ಇಂಡಸ್ಟ್ರಿ ಹಿಟ್ ನೀಡಿತ್ತು. ಆದರೆ ಈ ಬಾರಿ ಸರಿಯಾದ ಚಿತ್ರಕಥೆ, ಎಂಟರ್ಟೈನ್ಮೆಂಟ್ ಇಲ್ಲದೇ ಬಂದ ಜೋಡಿ ಫ್ಯಾನ್ಸ್ ಮನ ಗೆಲ್ಲುವಲ್ಲೂ ವಿಫಲಗೊಂಡಿತ್ತು. ಹೀಗಾಗಿ ಜನವರಿ 10 ಮಹೇಶ್ ಬಾಬು ಹಾಗೂ ಪವನ್ ಕಲ್ಯಾಣ್ ಇಬ್ಬರ ಅಭಿಮಾನಿಗಳಿಗೂ ಸಹ ಕರಾಳ ದಿನವೆಂದೇ ಹೇಳಬಹುದು.
