ಹೊಸಬರ ಸಿನಿಮಾವನ್ನು ಮೆಚ್ಚಿ ಕೊಂಡಾಡಿದ ಮಹೇಶ್ ಬಾಬು

ನಿರ್ದೇಶಕನನ್ನು ಕೊಂಡಾಡಿದ ಮಹೇಶ್ ಬಾಬು

'ಬುಚ್ಚಿಬಾಬು ಸನಾ ನೀವೊಂದು ಅತ್ಯದ್ಭುತ ಸಿನಿಮಾ ಮಾಡಿದ್ದೀರಿ. ಇದೊಂದು ಕ್ಲಾಸಿಕ್ ಸಿನಿಮಾ, ನೀವು ಮಾಡಿರುವ ಈ ಸಿನಿಮಾಕ್ಕೆ ಸಾವಿಲ್ಲ, ಇದೊಂದು ಟೈಮ್‌ಲೆಸ್ ಸಿನಿಮಾ' ಎಂದಿದ್ದಾರೆ ಮಹೇಶ್ ಬಾಬು.

ಸಿನಿಮಾದ ಹೃದಯ ಅದರ ಸಂಗೀತ: ಮಹೇಶ್ ಬಾಬು

'ಉಪ್ಪೆನ' ಸಿನಿಮಾದ ಹೃದಯವೆಂದರೆ ಸಂಗೀತ ನಿರ್ದೇಶಕ ದೇವಿಪ್ರಸಾದ್. ಈ ಸಿನಿಮಾದ ಹಾಡುಗಳು ಇತಿಹಾಸದಲ್ಲಿ ದಾಖಲಾಗುತ್ತವೆ. ಈವರೆಗೆ ನಿಮ್ಮ ಅತ್ಯುತ್ತಮ ಹಾಡುಗಳು ಮತ್ತು ಸಂಗೀತ 'ಉಪ್ಪೆನ' ಸಿನಿಮಾದ್ದು ಎಂದು ಹೊಗಳಿದ್ದಾರೆ ಮಹೇಶ್ ಬಾಬು.

ಹೊಸಬರಾದ ವೈಷ್ಣವ್ ತೇಜ್-ಕೀರ್ತಿ ಶೆಟ್ಟಿ ಉತ್ತಮ ನಟನೆ

ಹೊಸಬರಾದರೂ ವೈಷ್ಣವ್ ತೇಜ್ ಹಾಗೂ ಕೀರ್ತಿ ಶೆಟ್ಟಿ ಅದ್ಭುತವಾಗಿ ನಟಿಸಿದ್ದಾರೆ ಎಂದಿರುವ ಮಹೇಶ್ ಬಾಬು, ನಿರ್ಮಾಪಕರಾದ ಸುಕುಮಾರ್ ಹಾಗೂ ಮೈತ್ರಿ ಸಿನಿಮಾಗೆ ಸಹ ಅಭಿನಂದನೆ ಸಲ್ಲಿಸಿದ್ದಾರೆ. ಕೆಲವು ದಿನಗಳ ಹಿಂದೆ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆದ ಉಪ್ಪೆನ ಸಿನಿಮಾ ಗಳಿಕೆಯಲ್ಲಿ ದಾಖಲೆಯನ್ನೇ ನಿರ್ಮಿಸಿದೆ.

Recommended Video

ದೇವರಾಣೆ ನಾನು ಇದನ್ನೆಲ್ಲ ಮಾಡಿಲ್ಲ ಎಂದ ವಿವಾದಿತ ನಿರ್ಮಾಪಕ | Filmibeat Kannada

ನೆಟ್‌ಫ್ಲಿಕ್ಸ್‌ಗೆ ಬರಲಿದೆ 'ಉಪ್ಪೆನ'

'ಉಪ್ಪೆನ' ಸಿನಿಮಾವು ಕೆಲವೇ ದಿನಗಳಲ್ಲಿ ನೆಟ್‌ಫ್ಲಿಕ್ಸ್‌ನಲ್ಲಿ ಸಹ ಬಿಡುಗಡೆ ಆಗಲಿದೆ. ಏಪ್ರಿಲ್ 11 ರಂದು ಈ ಸಿನಿಮಾ ನೆಟ್‌ಫ್ಲಿಕ್ಸ್‌ಗೆ ಬರಲಿದೆ. ಭಾರಿ ದೊಡ್ಡ ಮೊತ್ತಕ್ಕೆ ಉಪ್ಪೆನ ಸಿನಿಮಾವನ್ನು ನೆಟ್‌ಫ್ಲಿಕ್ಸ್ ಖರೀದಿಸಿದೆ. ಹೊಸಬರ ಸಿನಿಮಾ ಆದರೂ ಭಾರಿ ಹಿಟ್ ಆಗಿದೆ ಸಿನಿಮಾ.