ಇದ್ದಕ್ಕಿದ್ದಂತೆ ಟ್ವಿಟ್ಟರ್‌ನಿಂದ ದೂರವಾದರೇಕೆ ಮೆಗಾಸ್ಟಾರ್ ಚಿರಂಜೀವಿ

ಟ್ವಿಟ್ಟರ್ ಬಳಕೆ ನಿಲ್ಲಿಸಿರುವ ಚಿರಂಜೀವಿ

ಟ್ವಿಟ್ಟರ್‌ನಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದ ಚಿರಂಜೀವಿ ಅವರು ಏಕಾಏಕಿ ಟ್ವಿಟ್ಟರ್‌ ಬಳಕೆಯನ್ನು ನಿಲ್ಲಿಸಿಬಿಟ್ಟಿದ್ದಾರೆ. ಜೂನ್ 21 ರಂದು ಚಿರಂಜೀವಿ ಕೊನೆಯದಾಗಿ ಟ್ವೀಟ್ ಮಾಡಿದ್ದಾರೆ. ಅದಾದ ಮೇಲೆ ಒಂದೇ ಒಂದು ಟ್ವೀಟ್ ಸಹ ಅವರು ಮಾಡಿಲ್ಲ.

ಏಕಾ-ಏಕಿ ಟ್ವಟ್ಟರ್‌ನಿಂದ ದೂರ ಉಳಿದಿದ್ದಾರೆ

ಅದಕ್ಕೆ ಮುನ್ನಾ ಸಾಕಷ್ಟು ಟ್ವೀಟ್‌ಗಳನ್ನು ಚಿರಂಜೀವಿ ಮಾಡುತ್ತಿದ್ದರು. ಹೀಗೆ ಏಕಾ-ಏಕಿ ಟ್ವಿಟ್ಟರ್‌ನಿಂದ ದೂರ ಉಳಿಯಲು ಕಾರಣವೇನು ಎಂಬುದು ತಿಳಿಯದಾಗಿದೆ. ಚಿರಂಜೀವಿ ಅವರು ಟ್ವೀಟ್‌ ಖಾತೆ ಡಿಲೀಟ್ ಮಾಡಿಲ್ಲ, ಬದಲಿಗೆ ಅದನ್ನು ಬಳಸುತ್ತಿಲ್ಲವಷ್ಟೆ.

ಬೇರೆ ಕಾರ್ಯಗಳಲ್ಲಿ ಬ್ಯುಸಿಯಾದ ಚಿರಂಜೀವಿ

ಆ ನಂತರ ಲಾಕ್‌ಡೌನ್ ಹಂತ-ಹಂತವಾಗಿ ತೆಗೆದ ಕಾರಣ ಚಿರಂಜೀವಿ ಅವರು ಸಿನಿಮಾ ಸಂಬಂಧಿ ಕಾರ್ಯಗಳಲ್ಲಿ ಹಾಗೂ ಸಿನಿಮಾ ಚಿತ್ರೀಕರಣ ಪುನರ್‌ ಪ್ರಾರಂಭಿಸಲು ಸರ್ಕಾರಗಳೊಂದಿಗೆ ಮಾತನಾಡುವ ಜವಾಬ್ದಾರಿ ಹೊತ್ತುಕೊಂಡರು ಹಾಗಾಗಿ ಟ್ವಿಟ್ಟರ್‌ನಿಂದ ದೂರ ಉಳಿದಿದ್ದಾರೆ ಎನ್ನಲಾಗುತ್ತಿದೆ.

ಟ್ವಿಟ್ಟರ್‌ ಮೇಲೆ ಆಸಕ್ತಿ ಕಳೆದುಕೊಂಡರೆ?

ಮತ್ತೊಂದು ಮಾಹಿತಿ ಪ್ರಕಾರ, ಚಿರಂಜೀವಿ ಅವರು ಹೊಸದಾಗಿ ಟ್ವಿಟ್ಟರ್‌ಗೆ ಬಂದಿದ್ದರು, ಹೊಸದರಲ್ಲಿ ಸಾಕಷ್ಟು ಬಾರಿ ಆಪ್ ಅನ್ನು ಬಳಸಿದರು, ಆದರೆ ದಿನಗಳೆದಂತೆ ಟ್ವಿಟ್ಟರ್‌ ಮೇಲೆ ಆಸಕ್ತಿ ಕಳೆದುಕೊಂಡರು. ಇದು ಎಲ್ಲರಿಗೂ ಆಗುತ್ತದೆ ಎನ್ನುತ್ತಾರೆ ಕೆಲವರು.