ಮೆಟ್ರೊ ಹತ್ತಿ ಚಿತ್ರೀಕರಣಕ್ಕೆ ಬಂದ ಪವನ್ ಕಲ್ಯಾಣ್: ಚಿತ್ರಗಳು ವೈರಲ್

ಮಾದಾಪುರ್ ನಿಂದ ಮಿಯಾಪುರ್‌ಗೆ ಪ್ರಯಾಣ

ಹೈದರಾಬಾದ್‌ನಲ್ಲಿ ಚಿತ್ರೀಕರಣದಲ್ಲಿ ತೊಡಗಿರುವ ಪವನ್ ಕಲ್ಯಾಣ್, ಹೈದರಾಬಾದ್‌ನ ಮಾದಾಪುರದಿಂದ ಮಿಯಾಪುರ್‌ಗೆ ಮೆಟ್ರೋ ರೈಲಿನಲ್ಲಿ ಪ್ರಯಾಣಿಸಿದರು. ಮಾರ್ಗಮಧ್ಯೆ ಅಮೀರ್ ಪೇಟ್ ನಿಲ್ದಾಣದಲ್ಲಿ ರೈಲು ಬದಲಿಸಿದರು.

ದಿಲ್ ರಾಜು ಸಹ ಜೊತೆಗಿದ್ದರು

ಪವನ್ ಕಲ್ಯಾಣ್ ಜೊತೆಗೆ ಖ್ಯಾತ ನಿರ್ಮಾಪಕ ದಿಲ್ ರಾಜು ಸಹ ಮೆಟ್ರೊ ಪ್ರಯಾಣ ನಡೆಸಿದರು. ಇಬ್ಬರು ಮಾತ್ರವಲ್ಲದೆ ಇನ್ನೂ ಹಲವು ಮಂದಿ ಪವನ್ ಕಲ್ಯಾಣ್ ಜೊತೆಗೆ ಇದ್ದರು. ಪವನ್ ಕಲ್ಯಾಣ್ ಅವರು ಚಿತ್ರೀಕರಣದ ಬಟ್ಟೆಗಳಲ್ಲಿಯೇ ಅಂದರೆ ಕಪ್ಪು ಕೋಟು, ಪ್ಯಾಂಟು ಧರಿಸಿ ಮೆಟ್ರೊ ದಲ್ಲಿ ಪ್ರಯಾಣಿಸಿದರು.

ಸಹಪ್ರಯಾಣಿಕರೊಂದಿಗೆ ಮಾತುಕತೆ

ಪವನ್ ಕಲ್ಯಾಣ್ ಮೆಟ್ರೊ ಸಂಚಾರದ ವೇಳೆ ಸಹ ಪ್ರಯಾಣಿಕರೊಂದಿಗೆ ಸಹ ಮಾತನಾಡಿದ್ದಾರೆ. ಅವರೊಟ್ಟಿಗೆ ವಿಚಾರ ವಿನಿಮಯ ಮಾಡಿಕೊಂಡಿದ್ದಾರೆ. ಪವನ್ ಕಲ್ಯಾಣ್, ರೈಲಿನಲ್ಲಿರುವ, ಟಿಕೆಟ್ ಖರೀದಿಸುತ್ತಿರುವ, ರೈಲಿಗೆ ಕಾಯುತ್ತಿರುವ, ಸಹಪ್ರಯಾಣಿಕರೊಂದಿಗೆ ಮಾತನಾಡುತ್ತಿರುವ ಚಿತ್ರಗಳು ಸಖತ್ ವೈರಲ್ ಆಗಿವೆ.

Recommended Video

ಆತ್ಮೀಯ ಗೆಳೆಯನಿಗೆ ವಿಶ್ ಮಾಡಿದ D Boss | Filmibeat Kannada

ಸಾಲು-ಸಾಲು ಸಿನಿಮಾಗಳಲ್ಲಿ ಅಭಿನಯ

ರಾಜಕೀಯ, ಸಿನಿಮಾ ಎರಡೂ ದೋಣಿಯ ಮೇಲೆ ಕಾಲಿಟ್ಟಿದ್ದಾರೆ ಪವನ್ ಕಲ್ಯಾಣ್. ರಾಜಕೀಯದಿಂದ ತುಸು ಬಿಡುವು ಪಡೆದು ಸಾಲು-ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಕುಟುಂಬ, ವ್ಯಕ್ತಿಗತ ಮತ್ತು ಪಕ್ಷದ ಉದ್ದೇಶಕ್ಕಾಗಿ ಸಿನಿಮಾಗಳಲ್ಲಿ ನಟಿಸುತ್ತಿದ್ದೇನೆ ಎಂದಿದ್ದಾರೆ ಪವನ್ ಕಲ್ಯಾಣ್.