ಪಿಲ್ಲೋ ಚಾಲೆಂಜ್ ಆಯ್ತು, ಪೇಪರ್ ಸುತ್ತಿಕೊಂಡ ನಟಿ: ಪತ್ರಿಕೆಯೇ ಉಡುಪಾಯ್ತು!

ಪಾಯಲ್ ಪೇಪರ್ ಡ್ರೆಸ್

'ಪಿಲ್ಲೋ ಚಾಲೆಂಜ್' ಬಳಿಕ ಪಾಯಲ್ ಮತ್ತೊಂದು ಹೊಸ ಪ್ರಯೋಗ ಮಾಡಿದ್ದಾರೆ. ಆಂಗ್ಲ ಪತ್ರಿಕೆಯೊಂದನ್ನು ಸೊಂಟ ಮತ್ತು ಎದೆಯ ಭಾಗಕ್ಕೆ ಕಟ್ಟಿಕೊಂಡಿದ್ದಾರೆ. ನನ್ನ ಹೊಸ ಔಟ್‌ಫಿಟ್ ಹೇಗಿದೆ. ಪ್ರತಿ ಔಟ್‌ಫಿಟ್‌ಅನ್ನೂ ಲೆಕ್ಕ ಹಾಕಿ ಎಂದಿದ್ದಾರೆ.

ಮತ್ತಷ್ಟು ಪ್ರಯೋಗ ಮಾಡುತ್ತಾರಾ?

ಲಾಕ್‌ಡೌನ್ ಹೀಗೆಯೇ ಮುಂದುವರಿದರೆ ಪಾಯಲ್ ಇನ್ನೂ ಏನೆಲ್ಲ ಹೊಸ ಬಗೆಯ ಸ್ಟೈಲ್‌ಗಳನ್ನು ಕಂಡು ಹಿಡಿಯಲಿದ್ದಾರೋ ಗೊತ್ತಿಲ್ಲ. ಅಭಿಮಾನಿಗಳಂತೂ ಇನ್ನಷ್ಟು ಹೊಸ ಪ್ರಯೋಗ ಮಾಡಿ ಎಂದು ಅವರಿಗೆ ಮನವಿ ಮಾಡುತ್ತಿದ್ದಾರೆ.

ವಿಜಯ್ ದೇವರಕೊಂಡ ಜತೆ ಸಿನಿಮಾ ಬಯಕೆ

ಆರ್ಎಸ್ 100 ಚಿತ್ರದ ಮೂಲಕ ತೆಲುಗು ಚಿತ್ರರಂಗದಲ್ಲಿ ಹೆಸರು ಮಾಡಿರುವ ಪಾಯಲ್ ಅವರು ಮತ್ತೆ ಟಾಲಿವುಡ್‌ಗೆ ಬರಬೇಕೆಂದು ಅವರ ಅಭಿಮಾನಿಗಳು ಬಯಸುತ್ತಿದ್ದಾರೆ. ಇನ್‌ಸ್ಟಾಗ್ರಾಂನಲ್ಲಿ ಲೈವ್ ಬಂದಿದ್ದ ಪಾಯಲ್, ಅಭಿಮಾನಿಗಳೊಂದಿಗೆ ಹರಟಿದರು. ಮುಂದಿನ ಸಿನಿಮಾ ಯಾರ ಜತೆ ಮಾಡಲು ಬಯಸಿದ್ದಾಗ ಎಂಬ ಪ್ರಶ್ನೆಗೆ 'ವಿಜಯ್ ದೇವರಕೊಂಡ' ಎಂದು ಥಟ್ಟನೆ ಉತ್ತರಿಸಿದರು.

ಕಾರ್ತಿಕೇಯ ಜತೆ ಡೇಟಿಂಗ್?

ಆರ್ಎಕ್ಸ್ 100 ನಾಯಕ ಕಾರ್ತಿಕೇಯ ಜತೆ ಡೇಟಿಂಗ್ ಮಾಡುತ್ತಿದ್ದೀರಾ? ಎಂಬ ಕುತೂಹಲಕ್ಕೆ ಪಾಯಲ್, ತಾವಿಬ್ಬರೂ ಬಹಳ ಉತ್ತಮ ಸ್ನೇಹಿತರು. ಆ ಸ್ನೇಹವನ್ನು ಹಾಗೆಯೇ ಚೆನ್ನಾಗಿ ಇರಿಸಿಕೊಳ್ಳಲು ಬಯಸಿರುವುದಾಗಿ ತಿಳಿಸಿದ್ದಾರೆ.

ಪಾರುಲ್ ಯಾದವ್ ಪೋಸ್

ಪಾಯಲ್ ರಜಪೂತ್ ಅವರ ಪಿಲ್ಲೋ ಚಾಲೆಂಜ್‌ಅನ್ನು ಸ್ವೀಕರಿಸಿದ್ದ ನಟಿ ಪಾರುಲ್ ಯಾದವ್ ಕೂಡ ತಮ್ಮ ದೇಹಸಿರಿಯನ್ನು ದಿಂಬಿನ ಹಿಂದೆ ಬಚ್ಚಿಟ್ಟುಕೊಂಡು ಪೋಸ್ ನೀಡಿದ್ದರು. ಪಾಯಲ್ ಒಂದು ದಿಂಬಿನಲ್ಲಿ ಪೋಸ್ ನೀಡಿದ್ದರೆ, ಪಾರುಲ್ ಬೇರೆ ಬೇರೆ ದಿಂಬುಗಳಲ್ಲಿ ಕಾಣಿಸಿಕೊಂಡಿದ್ದರು.

ಪಿಲ್ಲೋ ಚಾಲೆಂಜ್‌ನಲ್ಲಿ ತಮನ್ನಾ

ಮಿಲ್ಕ್ ಬ್ಯೂಟಿ ತಮನ್ನಾ ಸಹ ಬಿಳಿ ಬಣ್ಣದ ದಿಂಬನ್ನು ಬೆಲ್ಟ್ ಮೂಲಕ ಕಟ್ಟಿಕೊಂಡು ಮಾದಕವಾಗಿ ಪೋಸ್ ನೀಡಿದ್ದರು. ಈ ತಲೆದಿಂಬಿನ ಉಡುಪು ದಕ್ಷಿಣ ಭಾರತದಲ್ಲಿಯೂ ಟ್ರೆಂಡ್ ಆಗುತ್ತಿದೆ. ಮತ್ತಷ್ಟು ನಟಿಯರೂ ಸಮೂಹಸನ್ನಿಯಂತೆ ಇದರಲ್ಲಿ ತೊಡಗಿಸಿಕೊಂಡರೂ ಅಚ್ಚರಿಯಿಲ್ಲ.