ಅನುಷ್ಕಾ ಶೆಟ್ಟಿ ಡೇಟಿಂಗ್ ರೂಮರ್: ಕರಣ್ ಜೋಹರ್ ವಿರುದ್ಧ ಕಿಡಿಕಾರಿದ್ದ ಪ್ರಭಾಸ್

ಡೇಟಿಂಗ್ ಪ್ರಶ್ನೆ

ಕರಣ್ ಜೋಹರ್ ಅವರ ಕಾಫಿ ವಿತ್ ಕರಣ್ ಕಾರ್ಯಕ್ರಮಕ್ಕೆ ಪ್ರಭಾಸ್ ಅವರನ್ನು ಆಹ್ವಾನಿಸಲಾಗಿತ್ತು. ಅವರ ಜತೆ ರಾಣಾ ದಗ್ಗುಬಾಟಿ ಮತ್ತು ನಿರ್ದೇಶಕ ಎಸ್ ಎಸ್ ರಾಜಮೌಳಿ ಕೂಡ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಕಾರ್ಯಕ್ರಮದಲ್ಲಿ ಕರಣ್ ಜೋಹರ್, ನೀವು ಯಾರ ಜತೆಗಾದರೂ ಡೇಟಿಂಗ್ ನಡೆಸುತ್ತಿದ್ದೀರಾ? ಎಂದು ಪ್ರಶ್ನಿಸಿದ್ದರು. ಆಗ ಪ್ರಭಾಸ್ 'ಇಲ್ಲ' ಎಂದಿದ್ದರು.

ಶುರು ಮಾಡಿದ್ದು ನೀವೇ..

ನೀವು ಅನುಷ್ಕಾ ಜತೆ ಡೇಟಿಂಗ್ ನಡೆಸುತ್ತಿದ್ದೀರಿ ಎಂಬ ರೂಮರ್‌ಗಳು ಇವೆಯಲ್ಲವೇ? ಎಂದು ಕರಣ್ ಮತ್ತೊಂದು ಇಟ್ಟಿದ್ದರು. ಇದಕ್ಕೆ ಕೂಡಲೇ ಪ್ರಭಾಸ್ 'ಅದನ್ನು ಶುರುಮಾಡಿದ್ದು ನೀವೇ' ಎಂದು ಖಡಕ್ ಆಗಿ ಮತ್ತು ಚುಟುಕಾಗಿ ಪ್ರತಿಕ್ರಿಯಿಸಿದ್ದರು. ಇದು ಅನೇಕರನ್ನು ದಂಗುಬಡಿಸಿತ್ತು.

ಹೆಚ್ಚಿನ ಸಂಭಾವನೆ ಕೇಳಿದ್ದ ಪ್ರಭಾಸ್?

'ಬಾಹುಬಲಿ'ಯ ಯಶಸ್ಸಿನ ನಂತರ ಬಾಲಿವುಡ್ ನಟ ಪ್ರಭಾಸ್‌ಗೆ ಗಾಳ ಹಾಕಿತ್ತು. ಅದರಲ್ಲಿ ಮುಂಚೂಣಿಯಲ್ಲಿದ್ದ ಇದ್ದವರು ಕರಣ್ ಜೋಹರ್. ಬಾಲಿವುಡ್‌ಗೆ ಪ್ರಭಾಸ್ ಅವರನ್ನು ಪರಿಚಯಿಸುವ ಸಿನಿಮಾ ಮಾಡಲು ಮುಂದಾಗಿದ್ದ ಕರಣ್‌ಗೆ ಪ್ರಭಾಸ್ 30 ಕೋಟಿ ರೂ ಸಂಭಾವನೆ ಬೇಡಿಕೆ ಇರಿಸಿದ್ದರು ಎನ್ನಲಾಗಿದೆ. ಇದರಿಂದ ಇಬ್ಬರ ನಡುವೆ ಹೊಂದಾಣಿಕೆ ಬಾರದೆ ಸಿನಿಮಾ ಸೆಟ್ಟೇರಲಿಲ್ಲ. ಈ ಸಂಗತಿಯನ್ನು ಪ್ರಭಾಸ್ ನಿರಾಕರಿಸಿದ್ದರು.

ಕರಣ್ ಮಾಡಿದ್ದ ವಿಚಿತ್ರ ಟ್ವೀಟ್

ಆದರೆ ಕರಣ್ ಮಾಡಿದ್ದ ಟ್ವೀಟ್ ಒಂದು ಪ್ರಭಾಸ್ ಅವರತ್ತ ಬಿಟ್ಟ ಬಾಣ ಎಂದೇ ವ್ಯಾಖ್ಯಾನಿಸಲಾಗಿತ್ತು. 'ಆತ್ಮೀಯ ಮಹಾತ್ವಾಕಾಂಕ್ಷೆಯೇ... ನೀನು ನಿನ್ನ ಸಂಪೂರ್ಣ ಸಾಮರ್ಥ್ಯವನ್ನು ಸಾಧಿಸಬೇಕೆಂದಿದ್ದರೆ ನಿನ್ನ ಶತ್ರುಗಳಿಂದ ದೂರ ಇರು.. ಹೋಲಿಕೆ!' ಎಂದು ಕರಣ್ ವಿಕ್ಷಿಪ್ತ ಟ್ವೀಟ್ ಮಾಡಿದ್ದರು.

ಎರಡನೆಯ ಆಫರ್ ರಿಜೆಕ್ಟ್

ಕರಣ್ ಜೋಹರ್ ಕಡೆಯಿಂದ ಬಂದ ಎರಡನೆಯ ಆಫರನ್ನು ಕೂಡ ಪ್ರಭಾಸ್ ತಿರಸ್ಕರಿಸಿದ್ದರು. 'ಸಾಹೋ' ಚಿತ್ರದಲ್ಲಿ ಬಿಜಿಯಾಗಿರುವುದರಿಂದ ಮುಂದಿನ ಎಂಟು-ಒಂಬತ್ತು ತಿಂಗಳು ಸಾಧ್ಯವಿಲ್ಲ ಎಂದು ಪ್ರಭಾಸ್ ಹೇಳಿದ್ದರು. ಆದರೆ ಇದುವರೆಗೂ ಪ್ರಭಾಸ್-ಕರಣ್ ಜೋಹರ್ ಜೋಡಿಯಿಂದ ಯಾವುದೇ ಸಿನಿಮಾ ಘೋಷಣೆಯಾಗಿಲ್ಲ.