ಮತ್ತೆ ಬಿಕಿನಿಯಲ್ಲಿ ತೆರೆಮೇಲೆ ಅನುಷ್ಕಾ ಶೆಟ್ಟಿ ಎಂಟ್ರಿ: ಪೇಪರ್ ತೂರಿ, ಶಿಳ್ಳೆ, ಚಪ್ಪಾಳೆ ಹೊಡೆದ ಪಡ್ಡೆ ಹುಡುಗರು!

ಅನುಷ್ಕಾ ಶೆಟ್ಟಿ ಎಂಟ್ರಿಗೆ ಶಿಳ್ಳೆ, ಚಪ್ಪಾಳೆ

ಅನುಷ್ಕಾ ಶೆಟ್ಟಿ ಚಿತ್ರರಂಗಕ್ಕೆ ಬಂದ ಆರಂಭದ ದಿನಗಳಲ್ಲಿ ಸಿಕ್ಕಾಪಟ್ಟೆ ಬೋಲ್ಡ್ ಪಾತ್ರಗಳಲ್ಲಿ ನಟಿಸಿದ್ದರು. ಪಾತ್ರಕ್ಕೆ ತಕ್ಕಂತೆ ಹಾಟ್ ಆಗಿ ಕಾಣಿಸಿಕೊಳ್ಳುತ್ತಿದ್ದರು. 'ಬಿಲ್ಲಾ' ಚಿತ್ರಕ್ಕಾಗಿ ಗ್ಲಾಮರ್ ಡೋಸ್ ಹೆಚ್ಚಿಸಿ ಬಿಕಿನಿ ತೊಟ್ಟು ಎಲ್ಲರ ಹುಬ್ಬೇರಿಸಿದ್ದರು. ಆ ಸೀನ್ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಸ್ವೀಟಿಗೆ ಮಾಯಾ ಪಾತ್ರ ದೊಡ್ಡ ಬ್ರೇಕ್ ಕೊಟ್ಟಿತ್ತು. ಸದ್ಯ ಪ್ರಭಾಸ್ ಬರ್ತ್‌ಡೇ ಸ್ಪೆಷಲ್ ಆಗಿ ಮತ್ತೆ 'ಬಿಲ್ಲಾ' ಸಿನಿಮಾ ಹೊಸ ರೂಪದಲ್ಲಿ ತೆರೆಗಪ್ಪಳಿಸಿದೆ. ತೆರೆಮೇಲೆ ಅನುಷ್ಕಾ ಶೆಟ್ಟಿ ಬಿಕಿನಿಯಲ್ಲಿ ಎಂಟ್ರಿ ಕೊಡುತ್ತಿದ್ದಂತೆ ಅಭಿಮಾನಿಗಳು ಪೇಪರ್ ಹರಿದು ತೂರಿ, ಶಿಳ್ಳೆ, ಕೇಕೆ ಹಾಕಿ ಸಂಭ್ರಮಿಸಿದ್ದಾರೆ. ಆ ವಿಡಿಯೋಗಳು ಈಗ ಫುಲ್ ವೈರಲ್ ಆಗಿದೆ.

'ಸಂಕ್ರಾಂತಿ'ಯಲ್ಲಿ ನಾಲ್ವರು ಸೂಪರ್‌ಸ್ಟಾರ್‌ಗಳ ಸಿನಿಮಾ ರಿಲೀಸ್: ಟಾಲಿವುಡ್‌ನಲ್ಲಿ ಬಿಗ್ ಫೈಟ್!

ಸ್ವೀಟಿ ಬಿಕಿನಿ ಬಾಡಿ ನೋಡಿ ಫ್ಯಾನ್ಸ್ ಫಿದಾ

ಬಿಕಿನಿ ತೊಟ್ಟು ಅನುಷ್ಕಾ ಶೆಟ್ಟಿ ಸ್ವಿಮ್ಮಿಂಗ್ ಪೂಲ್‌ನಿಂದ ಎದ್ದು ಬರುವ ಸೀನ್, ಸೊಂಟದ ಹಿಂಭಾಗದಲ್ಲಿ 'ಬಿಲ್ಲಾ' ಎನ್ನುವ ಟ್ಯಾಟು ನೋಡಿ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಬ್ಲ್ಯಾಕ್ ಕಲರ್ ಬಿಕಿನಿ, ಸ್ವೀಟಿ ಬ್ಯೂಟಿ, ಸ್ವ್ಯಾಗ್, ವಾಕಿಂಗ್ ಸ್ಟೈಲ್ ನೋಡಿ ಕಳೆದು ಹೋಗಿದ್ದಾರೆ. ಪ್ರಭಾಸ್ ಎಂಟ್ರಿ ಸೀನ್‌ಗಿಂತ ಈ ಸೀನ್‌ಗೆ ಹೆಚ್ಚು ಶಿಳ್ಳೆ, ಕೇಕೆ ಹಾಕಿದ್ದಾರೆ. ಮತ್ತೆ ಸಿನಿಮಾಗಳಲ್ಲಿ ನಟಿಸುವಂತೆ ಸ್ವೀಟಿಗೆ ಮನವಿ ಮಾಡುತ್ತಿದ್ದಾರೆ.

'ಬಿಲ್ಲಾ' ಬಗ್ಗೆ ಅನುಷ್ಕಾ ತಾಯಿ ಏನಂದಿದ್ರು?

ಚಿತ್ರದಲ್ಲಿ ಬಿಕಿನಿ ತೊಟ್ಟಿದ್ದರ ಬಗ್ಗೆ ತನ್ನ ತಾಯಿಯ ಕಾಮೆಂಟ್ಸ್ ಕೇಳಿ ಶಾಕ್ ಆಗಿತ್ತು ಎಂದು ಅನುಷ್ಕಾ ಶೆಟ್ಟಿ ಸಂದರ್ಶನವೊಂದರಲ್ಲಿ ಹೇಳಿದ್ದರು. " ವೈಯಕ್ತಿಕವಾಗಿ ಆದರೂ ಸರಿ, ವೃತ್ತಿಪರವಾಗಿ ಆದರೂ ಸರಿ, ನಾನು ಕ್ರಮಬದ್ಧವಾಗಿರಬೇಕು ಎಂದು ನಮ್ಮ ತಾಯಿ ಬಯಸುತ್ತಾರೆ. ಆದರೆ 'ಬಿಲ್ಲಾ' ಚಿತ್ರ ನೋಡಿದ ನಂತರ ನಮ್ಮ ತಾಯಿ ಇನ್ನು ಸ್ಟೈಲಿಶ್ ಆಗಿ ಇರಬಹುದಿತ್ತು ಅಲ್ಲವಾ, ಅರ್ಧ ಗ್ಲಾಮರಸ್ ಆಗಿ ಇನ್ನು ಅರ್ಧ ಡೀ ಗ್ಲಾಮರಸ್ ಯಾಕೆ ಎಂದು ಕೇಳಿದ್ದರಂತೆ. ಈ ಮಾತು ಕೇಳಿ ನನಗೆ ಶಾಕ್ ಆಗಿತ್ತು, ಯಾಕೆಂದರೆ ಅವರಿಂದ ಅಂತಹ ಕಾಮೆಂಟ್ಸ್ ನಿರೀಕ್ಷಿರಲಿಲ್ಲ ಎಂದು ಅನುಷ್ಕಾ ಶೆಟ್ಟಿ ಹೇಳಿದ್ದರು.

ದೊಡ್ಡಮಟ್ಟದಲ್ಲಿ 'ಬಿಲ್ಲಾ' ರೀ- ರಿಲೀಸ್

ವಿಶ್ವದಾದ್ಯಂತ ನೂರಾರು ಸ್ಕ್ರೀನ್‌ಗಳಲ್ಲಿ 'ಬಿಲ್ಲಾ' 4K ವರ್ಷನ್ ರಿಲೀಸ್ ಆಗಿದೆ. 'ಪೋಕಿರಿ' ಹಾಗೂ 'ಜಲ್ಸಾ' ಸಿನಿಮಾಗಳಿಗೆ ಪೈಪೋಟಿ ಎನ್ನುವಂತೆ ಸಿನಿಮಾ ರಿಲೀಸ್ ಮಾಡಲಾಗಿದೆ. ಯುಎಸ್‌ನಲ್ಲಿ 70ಕ್ಕೂ ಅಧಿಕ ಲೊಕೇಶನ್‌ಗಳಲ್ಲಿ ಸಿನಿಮಾ ತೆರೆಗಪ್ಪಳಿಸಿದೆ. ಅದಕ್ಕೆ ತಕ್ಕಂತೆ ಕಲೆಕ್ಷನ್ ನಿರೀಕ್ಷೆ ಮಾಡಲಾಗುತ್ತಿದೆ. ನೆಚ್ಚಿನ ನಟನ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಸೂಪರ್ ಹಿಟ್ ಸಿನಿಮಾ ನೋಡಿ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ.

ಥಿಯೇಟರ್‌ ಸೀಟ್‌ಗಳಿಗೆ ಬೆಂಕಿ

ದೀಪಾವಳಿ ಸಂಭ್ರಮದಲ್ಲಿ ಸಾಕಷ್ಟು ಸಿನಿಮಾಗಳು ರಿಲೀಸ್ ಆಗ್ತಿದೆ. ಹಾಗಾಗಿ ಥಿಯೇಟರ್‌ಗಳು ಸಿಗದ ಕಾರಣಕ್ಕೆ ಬೆಳ್ಳಂಬೆಳಗ್ಗೆ 8 ಗಂಟೆಗೆ ಕೆಲವೆಡೆ 'ಬಿಲ್ಲಾ' ಸಿನಿಮಾ ಪ್ರದರ್ಶನ ಶುರುವಾಗಿದೆ. ಅಭಿಮಾನಿಗಳು ಬಹಳ ಜೋರಾಗಿ ಚಿತ್ರವನ್ನು ಸ್ವಾಗತಿಸಿದ್ದಾರೆ. ಪಶ್ಚಿಮ ಗೋದಾವರಿಯ ತಾಡೆಪಲ್ಲಿಗೂಂಡದ ವೆಂಕಟ್ರಾಮ ಥಿಯೇಟರ್‌ನಲ್ಲಿ ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿತ್ತು. ಥಿಯೇಟರ್‌ ಸೀಟ್‌ಗಳ ಮೇಲೆ ಪಟಾಕಿ ಸಿಡಿಸಿದ್ದಾರೆ. ಪರಿಣಾಮ ಸೀಟ್‌ಗಳಿಗೆ ಬೆಂಕಿ ಹೊತ್ತಿಕೊಂಡಿದೆ. ಕೂಡಲೇ ಪ್ರೇಕ್ಷಕರು ಹೊರ ಬಂದಿದ್ದು, ಅಗ್ನಿಶಾಮಕ ಸಿಬ್ಬಂದಿ ಬಂದು ಬೆಂಕಿ ನಂದಿಸಿದ್ದಾರೆ.