ಲೀಕ್ ಆಯ್ತು 'ಸಲಾರ್' ಸೆಟ್ಟಿನ ಫೋಟೊ: ಡಾರ್ಲಿಂಗ್ಸ್ ಖುಷ್ ಹುವಾ!

'ಸಲಾರ್' ಸೆಟ್ಟಿನಿಂದ ಪ್ರಭಾಸ್ ಪೋಟೊ ಲೀಕ್

ಇತ್ತೀಚೆಗೆ ಪ್ರಶಾಂತ್ ನೀಲ್ 'ಸಲಾರ್' ಶೂಟಿಂಗ್‌ ಅನ್ನು ಫುಲ್ ಸ್ವಿಂಗ್‌ನಲ್ಲಿ ಆರಂಭಿಸಿದ್ದರು. ಅದೆಷ್ಟೇ ಸ್ಟ್ರಿಕ್ಟ್ ಆಗಿದ್ದರೂ, ಪ್ರತಿ ಬಾರಿ ಶೂಟಿಂಗ್ ಆರಂಭ ಮಾಡಿದಾಗಲೆಲ್ಲಾ ಸೆಟ್ಟಿನಿಂದ ಒಂದಲ್ಲಾ ಒಂದು ಫೋಟೊ ಲೀಕ್ ಆಗುತ್ತಲೇ ಇದೆ. ಈ ಬಾರಿ ಕೂಡ ಪ್ರಭಾಸ್ ಫೋಟೊ ಲೀಕ್ ಆಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಮತ್ತೆ ಪ್ರಭಾಸ್ ನೋಡಿ ಡಾರ್ಲಿಂಗ್ ಫ್ಯಾನ್ಸ್ ಕುಣಿದು ಕುಪ್ಪಳಿಸಿದ್ದಾರೆ.

'ಸಲಾರ್' ಮೇಲೆ ಪ್ರಭಾಸ್‌ಗೆ ಹೆಚ್ಚಿದ ನಿರೀಕ್ಷೆ

'ಸಾಹೋ' ಹಾಗೂ 'ರಾಧೆ ಶ್ಯಾಮ್' ಸಿನಿಮಾದ ಬಳಿಕ ಪ್ರಭಾಸ್ ಮತ್ತೆ ದೊಡ್ಡ ಮಟ್ಟದ ಸಕ್ಸಸ್ ಬೇಕಾಗಿದೆ. ಎರಡು ಸೋಲುಗಳು ಪ್ರಭಾಸ್ ನಿದ್ದೆ ಕೆಡಿಸಿದ್ದು, ಮತ್ತೊಂದು ಮೆಗಾ ಯಶಸ್ಸಿಗಾಗಿ ಎದುರು ನೋಡುತ್ತಿದ್ದಾರೆ. ಈ ಕಾರಣಕ್ಕೆ 'ಸಲಾರ್' ತಂಡ ಕೂಡ ಕೆಲಸ ಮಾಡುತ್ತಿದೆ. ಆದರೆ, ಒಂದಲ್ಲ ಒಂದು ಫೋಟೊ ಸಲಾರ್ ತಂಡದಿಂದ ಲೀಕ್ ಆಗುತ್ತಿರುವುದು ಪ್ರಭಾಸ್ ಅಷ್ಟೇ ಅಲ್ಲದೆ, ಚಿತ್ರತಂಡಕ್ಕೂ ದೊಡ್ಡ ತಲೆ ನೋವಾಗಿದೆ.

'ಕೆಜಿಎಫ್ 2'ಗಿಂತ 3 ಪಟ್ಟು ದೊಡ್ಡದ 'ಸಲಾರ್‌'

'ಸಲಾರ್' ಸಿನಿಮಾ ಬಗ್ಗೆ ಇತ್ತೀಚೆಗೆ ಭುವನ್ ಗೌಡ ನೀಡದ ಹೇಳಿಕೆಯೊಂದು ತುಂಬಾನೇ ವೈರಲ್ ಆಗಿತ್ತು. ಛಾಯಾಗ್ರಾಹಕ ಭುವನ್ ಗೌಡ 'ಸಲಾರ್' ಕನ್ನಡ 'ಕೆಜಿಎಫ್ 2' ಸಿನಿಮಾಗಿಂತ ಎರಡರಿಂದ ಮೂರು ಪಟ್ಟು ದೊಡ್ಡ ಎಂದು ಹೇಳಿದ್ದರು. ಅಲ್ಲದೆ ಈ ಸಿನಿಮಾವನ್ನು ಅಂತರಾಷ್ಟ್ರೀಯ ಮಟ್ಟದಲ್ಲಿ ಕೊಂಡೊಯ್ಯಬೇಕು ಎಂಬುವ ಮಹದಾಸೆ ಹೊಂದಿದ್ದಾರೆ. ಈ ಕಾರಣಕ್ಕೆ 'ಸಲಾರ್' ಸಿನಿಮಾ ನೋಡುವುದಕ್ಕೆ ಪ್ರೇಕ್ಷಕರು ಕಾದು ಕೂತಿದ್ದಾರೆ.

ಅಕ್ಟೋಬರ್‌ನಲ್ಲಿ ಶೂಟಿಂಗ್ ಮುಕ್ತಾಯ

'ಸಲಾರ್' ಸಿನಿಮಾದ ಶೂಟಿಂಗ್ ಈಗಾಗಲೇ ಶೇ.30 ರಿಂದ 35ರಷ್ಟು ಮುಗಿದಿದೆ ಎಂದು ನಿರ್ಮಾಪಕ ವಿಜಯ್ ಕಿರಗಂದೂರು ಹೇಳಿದ್ದಾಗಿದೆ. ಅಲ್ಲದೆ ಅಕ್ಟೋಬರ್‌ಗೆ ಸಿನಿಮಾ ಶೂಟಿಂಗ್ ಮುಗಿಯುತ್ತೆ ಅಂತಲೂ ಹೇಳಿದ್ದಾರೆ. ಹೀಗಾಗಿ 'ಸಲಾರ್' ರಿಲೀಸ್ ಯಾವಾಗ ಅನ್ನುವ ಲೆಕ್ಕಾಚಾರಾ ಈಗಾಗಲೇ ಶುರುವಾಗಿದೆ.