ಮತ್ತೊಂದು ನೈಜ ಘಟನೆಯ ಚಿತ್ರ ಘೋಷಿಸಿದ ವರ್ಮಾ, ಫಸ್ಟ್ ಲುಕ್ ರಿಲೀಸ್

ಯಾವುದು ಆ ಘಟನೆ?

2019 ನವೆಂಬರ್ 26 ರಂದು ಕೆಲಸ ಮುಗಿಸಿ ಸ್ಕೂಟಿಯಲ್ಲಿ ಮನೆಗೆ ತೆರಳುತ್ತಿದ್ದ ಪಶುವೈದ್ಯೆಯ ಮೇಲೆ ಲಾರಿ ಡ್ರೈವರ್ ಸೇರಿ ನಾಲ್ಕು ಜನ ಅತ್ಯಾಚಾರವೆಸಗಿದ್ದ ಘಟನೆಯನ್ನು ತೆರೆಮೇಲೆ ತರಲು ವರ್ಮಾ ನಿರ್ಧರಿಸಿದ್ದಾರೆ. ಈ ಘಟನೆ ಇಡೀ ದೇಶವನ್ನು ಬೆಚ್ಚಿಬೀಳಿಸಿತ್ತು. ಅತ್ಯಾಚಾರವೆಸಗಿ ಯುವತಿಯನ್ನು ಸುಟ್ಟುಹಾಕಿದ್ದರು. ಆರೋಪಿಗಳಿಗೆ ಗಲ್ಲು ಶಿಕ್ಷೆ ಆಗಬೇಕು ಎಂದು ಇಡೀ ದೇಶ ಪ್ರತಿಭಟನೆ ಮಾಡಿತ್ತು.

ಎನ್‌ಕೌಂಟರ್ ಮೇಲೆ ವರ್ಮಾ ಕಣ್ಣು

ಈ ಪ್ರಕರಣ ನ್ಯಾಯಾಲಯದ ಮೆಟ್ಟಿಲೇರುವುದಕ್ಕೆ ಮುಂಚಿತವಾಗಿಯೇ ಅತ್ಯಾಚಾರಿಗಳು ಪೊಲೀಸ್ ಎನ್‌ಕೌಂಟರ್‌ಗೆ ಬಲಿಯಾಗಿದ್ದರು. ಪೊಲೀಸರ ಈ ಕ್ರಮಕ್ಕೆ ದೇಶದ ಜನ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಈ ಕಥೆಯನ್ನಿಟ್ಟು ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ 'ದಿಶಾ ಎನ್‌ಕೌಂಟರ್' ಎಂಬ ಸಿನಿಮಾ ಮಾಡ್ತಿದ್ದಾರೆ. ಸದ್ಯಕ್ಕೆ ಚಿತ್ರದ ಫಸ್ಟ್ ಲುಕ್ ಬಿಡುಗಡೆ ಮಾಡಿದ್ದಾರೆ.

RGV 'ಮರ್ಡರ್'ಗೆ ಶಾಕ್: ವಿವಾದಾತ್ಮಕ ಸಿನಿಮಾ ಬಿಡುಗಡೆಗೆ ಕೋರ್ಟ್ ತಡೆ

ನೈಜತೆ ಪ್ರದರ್ಶಿಸುತ್ತಿದೆ ಫಸ್ಟ್ ಲುಕ್

ಸ್ಕೂಟಿ ಬೈಕ್-ಲಾರಿ ಹಾಗೂ ಗನ್ ಕಾಣಿಸಿಕೊಂಡಿರುವ ಪೋಸ್ಟರ್ ರಾ ಮೇಕಿಂಗ್ ಬಗ್ಗೆ ನಿರೀಕ್ಷೆ ಮೂಡಿಸಿದೆ. ಇನ್ನು ಕೆಲವು ಶೂಟಿಂಗ್ ಚಿತ್ರಗಳನ್ನು ಸಹ ವರ್ಮಾ ಹಂಚಿಕೊಂಡಿದ್ದು, ಯುವತಿಯ ಕಿಡ್ನಾಪ್, ಅತ್ಯಾಚಾರ ನಡೆದ ಸ್ಥಳಗಳಲ್ಲಿ ಚಿತ್ರೀಕರಣ ಮಾಡಲಿದ್ದಾರೆ.

ಘಟನೆಗೆ ಒಂದು ವರ್ಷ, ಸಿನಿಮಾ ರಿಲೀಸ್

2019 ನವೆಂಬರ್ 26 ರಂದು ಯುವತಿಯನ್ನು ಅತ್ಯಾಚಾರ ಮಾಡಿ ಕೊಲೆ ಮಾಡಲಾಗಿತ್ತು. ಆ ದಿನದ ನೆನಪಿಗಾಗಿ ಚಿತ್ರವನ್ನು ಸಹ ಅದೇ ದಿನದಂದು ಬಿಡುಗಡೆ ಮಾಡಲು ವರ್ಮಾ ಪ್ಲಾನ್ ಮಾಡಿದ್ದಾರೆ. ಸೆಪ್ಟೆಂಬರ್ 26 ರಂದು ಚಿತ್ರದ ಟೀಸರ್ ಬಿಡುಗಡೆಯಾಗಲಿದ್ದು, ನವೆಂಬರ್ 26 ರಂದು ಸಿನಿಮಾ ತೆರೆಗೆ ಬರಲಿದೆ.