ಮೌಳಿ ಹತ್ಯೆಗೆ ಸ್ಟಾರ್ ನಿರ್ದೇಶಕರ ಸ್ಕೆಚ್? ಕುಡಿದು ಗುಟ್ಟು ಬಿಚ್ಚಿಟ್ಟ ರಾಮ್‌ ಗೋಪಾಲ್ ವರ್ಮಾ!

ಯಾರಿಗೂ ಸಿಗದ ಗೌರವ

ಸದ್ಯ ಜೇಮ್ಸ್ ಕ್ಯಾಮರೂನ್ 'RRR' ಸಿನಿಮಾ ವೀಕ್ಷಿಸಿ, ಮೌಳಿಯನ್ನು ಕೊಂಡಾಡಿರುವ ವಿಚಾರದ ಬಗ್ಗೆ ವರ್ಮಾ ಟ್ವೀಟ್ ಮಾಡಿದ್ದಾರೆ. "ದಾದಾ ಸಾಹೇಬ್ ಫಾಲ್ಕೆ ಸೇರಿದಂತೆ ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ರಾಜಮೌಳಿ ಕೂಡ ಸೇರಿದಂತೆ ಇಲ್ಲಿಯವರೆಗೂ ಯಾರೊಬ್ಬರು ಕೂಡ ಭಾರತದ ಸಿನಿಮಾ ನಿರ್ದೇಶಕನೊಬ್ಬ ಈ ಸ್ಥಾನಕ್ಕೆ ಏರುತ್ತಾನೆ ಎಂದುಕೊಂಡಿರಲಿಲ್ಲ" ಎಂದಿದ್ದಾರೆ.

ನಿಮ್ಮ ಕಾಲಿನ ಕಿರು ಬೆರಳು ಚೀಪಬೇಕು

"ಹೇ, ರಾಜಮೌಳಿ 'ಮೊಘಲ್ ಏ ಆಜಂ' ಸಿನಿಮಾ ಮಾಡಿದ ಕಾಆಸಿಫ್‌ನಿಂದ 'ಶೋಲೆ' ಸಿನಿಮಾ ತೆಗೆದ ರಮೇಶ್ ಸಿಪ್ಪಿಯಿಂದ ಆದಿತ್ಯ ಚೋಪ್ರಾ, ಕರಣ್ ಜೋಹಾರ್, ಭನ್ಸಾಲಿ ಸೇರಿದಂತೆ ಎಲ್ಲರನ್ನು ನೀವು ಮೀರಿಸಿದ್ದೀರಾ. ಅದಕ್ಕೆ ನಿಮ್ಮ ಕಾಲಿನ ಕಿರು ಬೆರಳನ್ನು ಚೀಪಬೇಕು ಎಂದುಕೊಂಡಿದ್ದೇನೆ" ಎಂದು ಬರೆದುಕೊಂಡಿದ್ದಾರೆ.

ರಾಜಮೌಳಿ ಹತ್ಯೆಗೆ ಸ್ಕೆಚ್?

ಮತ್ತೊಂದು ಟ್ವೀಟ್‌ನಲ್ಲಿ.."ರಾಜಮೌಳಿ ಸರ್, ದಯವಿಟ್ಟು ನಿಮ್ಮ ಭದ್ರತೆಯನ್ನು ಹೆಚ್ಚಿಸಿಕೊಳ್ಳಿ. ಏಕೆಂದರೆ ಭಾರತದಲ್ಲಿ ಬಹಳ ಮಂದಿ ಫಿಲ್ಮ್ ಮೇಕರ್ಸ್ ನಿಮ್ಮ ಮೇಲೆ ಅಸೂಯೆಯಿಂದ ಇದ್ದಾರೆ. ನಿಮ್ಮನ್ನು ಕೊಲ್ಲಲು ಒಂದು ಗ್ರೂಪ್ ಮಾಡಿದ್ದಾರೆ. ಅದರಲ್ಲಿ ನಾನು ಕೂಡ ಇದ್ದೀನಿ. ನಾನು ನಾಲ್ಕು ಪೆಗ್ ಹಾಕಿದ್ದೇನೆ, ಅದಕ್ಕೆ ಈ ರಹಸ್ಯವನ್ನು ಹೊರಗೆ ಹಾಕುತ್ತಿದ್ದೇನೆ" ಎಂದು ವರ್ಮಾ ತಮ್ಮದೇ ಸ್ಟೈಲ್‌ನಲ್ಲಿ ಟ್ವೀಟ್ ಮಾಡಿದ್ದಾರೆ.

ಆಸ್ಕರ್‌ ರೇಸ್‌ನಲ್ಲಿ ಮೌಳಿ 'RRR'

ಇಂದು ಆಸ್ಕರ್ ನಾಮಿನೇಷನ್ ಪ್ರಕಟವಾಗುತ್ತಿದೆ. ಎಲ್ಲರು ಕಣ್ಣು ರಾಜಮೌಳಿ ನಿರ್ದೇಶನದ 'RRR' ಸಿನಿಮಾ ಮೇಲಿದೆ. ಆಸ್ಕರ್ ಅಕಾಡೆಮಿ ಪ್ರಕಟಿಸುವ ಸಿನಿಮಾಗಳ ಪಟ್ಟಿ ಬಗ್ಗೆ ಭಾರತೀಯ ಸಿನಿರಸಿಕರು ಕುತೂಲದಿಂದ ಕಾಯುತ್ತಿದ್ದಾರೆ. ಮೌಳಿ ದೃಶ್ಯಕಾವ್ಯದ ಜೊತೆಗೆ ಭಾರತೀಯ ಚಿತ್ರರಂಗದ 10 ಸಿನಿಮಾಗಳ ಶಾರ್ಟ್ ಲಿಸ್ಟ್ ಸಿದ್ಧವಾಗಿದೆ. ಈ ಪಟ್ಟಿಯಲ್ಲಿ 'ಕಾಂತಾರ', 'ಕಾಶ್ಮೀರ್ ಫೈಲ್ಸ್', 'ಗಂಗೂಬಾಯಿ ಕಥಿಯವಾಡಿ' ಸಿನಿಮಾಗಳು ಇವೆ.