ಮುಖಪುಟ

Telugu

ತೆಲುಗಿನ ಸ್ಟಾರ್ ನಟರಾದ ಪವನ್ ಕಲ್ಯಾಣ್-ಅಲ್ಲು ಅರ್ಜುನ್ ಅವರುಗಳ ದಾಖಲೆಯನ್ನು ನಟಿ ಸಾಯಿ ಪಲ್ಲವಿ ಹಿಂದಿಕ್ಕಿದ್ದಾರೆ.

ನಟಿ ಸಾಯಿ ಪಲ್ಲವಿ ನಟಿಸಿರುವ 'ಲವ್ ಸ್ಟೋರಿ' ಸಿನಿಮಾದ 'ಸಾರಂಗ ದರಿಯಾ' ಹಾಡಿನ ಲಿರಿಕಲ್ ವಿಡಿಯೋ ಹಾಡು ಇತ್ತೀಚೆಗಷ್ಟೆ ಯೂಟ್ಯೂಬ್‌ನಲ್ಲಿ ಬಿಡುಗಡೆ ಆಗಿ ಸಖತ್ ವೈರಲ್ ಆಗಿತ್ತು. ಇದೇ ಹಾಡು ಈಗ ಪವನ್ ಕಲ್ಯಾಣ್, ಅಲ್ಲು ಅರ್ಜುನ್ ಅವರುಗಳ ದಾಖಲೆಯನ್ನು ಮುರಿದಿದೆ.

ಫೆಬ್ರವರಿ 28 ರಂದು ಬಿಡುಗಡೆ ಆದ 'ಸಾರಂಗ ದರಿಯಾ' ಹಾಡು ಅತ್ಯಂತ ಕಡಿಮೆ ಅವಧಿಯಲ್ಲಿ 7 ಲಕ್ಷ ಲೈಕ್ಸ್‌ಗಳನ್ನು ಗಿಟ್ಟಿಸಿದ ಹಾಡು ಎಂಬ ದಾಖಲೆ ನಿರ್ಮಿಸಿದೆ. ಅಲ್ಲು ಅರ್ಜುನ್ ನಟನೆಯ 'ಅಲಾ ವೈಕುಂಟಪುರಂಲೋ' ಸಿನಿಮಾದ 'ಸಾಮಜವರಗಮನ' ಹಾಗೂ 'ರಾಮುಲೋ-ರಾಮುಲ' ಸಿನಿಮಾದ ದಾಖಲೆಯನ್ನು 'ಸಾರಂಗ ದರಿಯಾ' ಹಾಡು ಮುರಿದಿದೆ.

ಪವನ್ ಕಲ್ಯಾಣ್ ನಟನೆಯ ಇನ್ನೂ ಬಿಡುಗಡೆ ಆಗದ 'ವಕೀಲ್ ಸಾಬ್' ಸಿನಿಮಾದ 'ಮಗುವಾ ಮಗುವಾ' ಹಾಡು ಇತ್ತೀಚೆಗೆ ಬಿಡುಗಡೆ ಆಗಿತ್ತು, ಅದೂ ಸಹ ಇಷ್ಟೋಂದು ಲೈಕ್ಸ್‌ ಅನ್ನು ಕೇವಲ ಹತ್ತು ದಿನದಲ್ಲಿ ಬರೆದಿರಲಿಲ್ಲ.

'ಸಾರಂಗ ದರಿಯಾ' ಹಾಡು ಕೇವಲ ಹತ್ತು ದಿನದಲ್ಲಿ 7 ಲಕ್ಷ ಲೈಕ್ಸ್ ಪಡೆಯುವ ಜೊತೆಗೆ 5.50 ಕೋಟಿಗೂ ಹೆಚ್ಚು ಬಾರಿ ನೋಡಲ್ಪಟ್ಟಿದೆ.

ಆದರೆ 'ಸಾರಂಗ ದರಿಯಾ' ಹಾಡು ವಿವಾದಕ್ಕೆ ಸಹ ಕಾರಣವಾಗಿದೆ. 'ಸಾರಂಗ ದರಿಯಾ' ಜನಪದ ಹಾಡನ್ನು ಮೊದಲು ಸಂಗ್ರಹಿಸಿದ್ದು ನಾನು, ಹಾಡಿನಲ್ಲಿ ನನಗೆ ಕ್ರೆಡಿಟ್ಸ್ ನೀಡುವುದಾಗಿ ಹೇಳಿ ಮೋಸ ಮಾಡಿದ್ದಾರೆ ಎಂದು ಕೋಮಲಿ ಎಂಬುವರು ಆರೋಪಿಸಿದ್ದಾರೆ.

'ಸಾರಂಗ ದರಿಯಾ' ಹಾಡನ್ನು ಮೊದಲ ಬಾರಿ ಟಿವಿ ಕಾರ್ಯಕ್ರಮವೊಂದರಲ್ಲಿ ಹಾಡಿದ್ದ ಸಿರಿಶಾ ಎಂಬುವರೂ ಸಹ ತನಗೂ ಹಾಡಿನ ಕ್ರೆಡಿಟ್ಸ್ ನೀಡಬೇಕು ಎಂದು ಒತ್ತಾಯ ಮಾಡಿದ್ದಾರೆ.

ವಿವಾದದ ಬಗ್ಗೆ 'ಲವ್ ಸ್ಟೋರಿ' ಸಿನಿಮಾದ ನಿರ್ದೇಶಕ ಶೇಖರ್ ಕಮ್ಮುಲ ಅವರು ಫೇಸ್‌ಬುಕ್‌ನಲ್ಲಿ ಸ್ಪಷ್ಟನೆ ನೀಡಿದ್ದಾರೆ. ಇಬ್ಬರಿಗೂ ಕ್ರೆಡಿಟ್ಸ್ ಮಾತ್ರವೇ ಅಲ್ಲದೆ ಹಣ ನೀಡುವ ಜೊತೆಗೆ. ಆಡಿಯೋ ಬಿಡುಗಡೆ ಕಾರ್ಯಕ್ರಮದಲ್ಲಿ ಸಿರಿಶಾ ಇಂದ ಆ ಹಾಡನ್ನು ವೇದಿಕೆ ಮೇಲೆ ಹಾಡಿಸುವುದಾಗಿ ಹೇಳಿದ್ದಾರೆ.