ಬಿಗ್ ಬಾಸ್ ನಿರೂಪಣೆಗೆ ಸಮಂತಾ: ನಾಗರ್ಜುನಾಗೆ ಬಿಗ್ ಶಾಕ್!

ಬಿಗ್ ಬಾಸ್ ನಿರೂಪಣೆ ಮಾಡ್ತಾರಂತೆ ಸಮಂತಾ!

ನಟಿ ಸಮಂತಾ ಕಿರುತೆರೆಗೆ ಕಾಲಿಡಲು ಮುಂದಾಗಿದ್ದಾರೆ. ದಶಕದಿಂದ ಸಿನಿಮಾರಂಗದಲ್ಲಿ ಹತ್ತಾರು ಸಿನಿಮಾಗಳನ್ನು ಮಾಡುತ್ತಾ ಬಂದಿರುವ ನಟಿ ಈಗ ಕಿರುತೆರೆಯಲ್ಲಿ ಬ್ಯುಸಿಯಾಗಲಿದ್ದಾರೆ. ಕಿರುತೆರೆ ಕಾರ್ಯಕ್ರಮ ಬಿಗ್‌ ಬಾಸ್‌ನಲ್ಲಿ ಸಮಂತಾ ಭಾಗಿ ಆಗಲಿದ್ದಾರೆ. ತೆಲುಗಿನ ಬಿಗ್ ಬಾಸ್ ಸೀಸನ್ 6ರಲ್ಲಿ ಸಮಂತಾ ಕಾಣಿಸಿಕೊಳ್ಳಲಿದ್ದಾರೆ.

ಮಾಜಿ ಮಾವ ನಾಗಾರ್ಜುನನಿಗೆ ಸಮಂತಾ ಶಾಕ್!

ಹೌದು ನಟಿ ಸಮಂತಾ ತೆಲುಗು ಬಿಗ್ ಬಾಸ್ ಸೀಸನ್ 6ರಲ್ಲಿ ಭಾಗಿ ಆಗಿ ಆಗಲಿದ್ದಾರೆ. ಆದರೆ ಸ್ಪರ್ಧಿಯಾಗಿ ಅಲ್ಲ. ಸಮಂತಾ ನಿರೂಪಕಿಯಾಗಿ ಬಿಗ್ ಬಾಸ್ ವೇದಿಕೆ ಹತ್ತಲಿದ್ದಾರೆ. ಇನ್ನು ಮುಂದೆ ಸಮಂತಾನೇ ಬಿಗ್ ಬಾಸ್ ಕಾರ್ಯಕ್ರಮ ನಿರೂಪಣೆ ಮಾಡಲಿದ್ದಾರೆ. ಇದು ನಟ ನಾಗಾರ್ಜುನನಿಗೆ ಬಿಗ್ ಶಾಕ್ ಕೊಟ್ಟಿದೆ. ಈ ಹಿಂದೆ ನಟ ನಾಗಾರ್ಜುನ, ಸಮಂತಾ ಮಾಜಿ ಮಾವ ಬಿಗ್ ಬಾಸ್ ಕಾರ್ಯಕ್ರಮ ನಡೆಸಿಕೊಡುತ್ತಾ ಇದ್ದರು. ಹಾಗಾಗಿ ಇನ್ನು ಮುಂದೆ ನಾಗಾರ್ಜುನ ಬಿಗ್‌ ಬಾಸ್‌ನಲ್ಲಿ ಕಾಣಿಕೊಳ್ಳುವುದಿಲ್ಲ ಎನ್ನುವ ಚರ್ಚೆ ಶುರುವಾಗಿದೆ.

ಬಿಗ್ ಬಾಸ್ ವೇದಿಕೆ ಮೇಲೆ ಸಮಂತಾ, ನಾಗಾರ್ಜುನ!

ನಟಿ ಸಮಂತಾ ಬಿಗ್ ಬಾಸ್‌ ವೇದಿಕೆ ಹತ್ತುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ ನಾಗಾರ್ಜುನ ಜೊತೆಗೆ ಸಮಂತಾ ಬಿಗ್ ಬಾಸ್‌ನಲ್ಲಿ ಭಾಗಿ ಆಗಿದ್ದರು. ಅತಿಥಿಯಾಗಿ ಬಿಗ್ ಬಾಸ್ ವೇದಿಕೆಯ ಮೇಲೆ ಕಾಣಿಸಿಕೊಂಡಿದ್ದರು. ಬಿಗ್ ಬಾಗ್ ಸೀಸನ್ 4ರಲ್ಲಿ ನಾಗಾರ್ಜುನ ಜೊತೆಗೆ ಸಮಂತಾ ಭಾಗಿ ಆಗಿದ್ದರು.

ವಿಚ್ಛೇದನದ ಬಳಿಕ ಸಮಂತಾ ಸಿನಿಮಾದಲ್ಲಿ ಬ್ಯುಸಿ!

ಇನ್ನು ನಟಿ ಸಮಂತಾ ಈಗ ಸಾಲು, ಸಾಲು ಸಿನಿಮಾಗಳಲ್ಲಿ ಬ್ಯೂಸಿಯಾಗಿದ್ದಾರೆ. ವಿಚ್ಛೇದನದ ಬಳಿಕ ಸಮಂತಾ ಸಾಕಷ್ಟು ಸಿನಿಮಾಗಳಲ್ಲಿ ನಿರತವಾಗಿದ್ದಾರೆ. ತಮಿಳು, ತೆಲುಗು ಸಿನಿಮಾಗಳಲ್ಲಿ ನಟಿ ಸಮಂತಾ ಬ್ಯುಸಿ ಆಗಿದ್ದಾರೆ. ಬಾಲಿವುಡ್‌ನಲ್ಲೂ ಕೂಡ ಸಮಂತಾ ಸಿನಿಮಾ ಮಾಡಲು ಮುಂದಾಗಿದ್ದಾರೆ.