ಗಂಟೆಗೆ 1 ಲಕ್ಷ ರೂ ಕೊಡಿ: ಪ್ರಮುಖ ಚಿತ್ರದಲ್ಲಿ ನಟಿಸಲು ಶ್ರುತಿ ಹಾಸನ್ ಭಾರಿ ಡಿಮ್ಯಾಂಡ್

70 ಲಕ್ಷ ರೂ ಬೇಡಿಕೆ?

ಆದರೆ, ಶ್ರುತಿ ಇರಿಸಿರುವ ಸಂಭಾವನೆಯ ಬೇಡಿಕೆ ನಿರ್ಮಾಪಕರ ತಲೆ ಗಿರ ಗಿರ ಎನ್ನುವಂತೆ ಮಾಡಿದೆ. ಒಂದು ಗಂಟೆಯ ಶೂಟಿಂಗ್‌ಗೆ ಒಂದು ಲಕ್ಷ ರೂ ನೀಡುವಂತೆ ಶ್ರುತಿ ಡಿಮ್ಯಾಂಡ್ ಇರಿಸಿದ್ದಾರಂತೆ. ಸುಮಾರು ಏಳು ದಿನಗಳ ಶೂಟಿಂಗ್‌ಗಾಗಿ ಅವರು 70 ಲಕ್ಷ ರೂ ನೀಡುವಂತೆ ಕೇಳಿದ್ದಾರೆ ಎಂದು ವರದಿಯಾಗಿದೆ.

ಸ್ವಲ್ಪ ಚಿತ್ರೀಕರಣ ಬಾಕಿ

ಪವನ್ ಕಲ್ಯಾಣ್ ಮತ್ತು ಪತ್ನಿಯ ಪಾತ್ರ ತೆರೆಯ ಮೇಲೆ ಒಟ್ಟಿಗೆ ಕಾಣಿಸಿಕೊಳ್ಳುವ ಕೆಲವು ಸನ್ನಿವೇಶಗಳನ್ನು ಹೊರತುಪಡಿಸಿ ಉಳಿದ ಭಾಗಗಳ ಚಿತ್ರೀಕರಣ ಮುಕ್ತಾಯವಾಗಿದೆ. ಹಿಂದಿಯಲ್ಲಿ ವಿದ್ಯಾ ಬಾಲನ್ ನಿರ್ವಹಿಸಿದ್ದ ಪಾತ್ರವನ್ನು ತೆಲುಗಿನಲ್ಲಿ ಶ್ರುತಿ ನಿಭಾಯಿಸುತ್ತಿದ್ದಾರೆ.

ಹತ್ತು ಗಂಟೆ ಚಿತ್ರೀಕರಣ

ಈ ಪಾತ್ರಕ್ಕಾಗಿ ಶ್ರುತಿ ಕೇವಲ ಹತ್ತು ಗಂಟೆಗಳಷ್ಟು ಸಮಯ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಬೇಕಿದೆ. ಶ್ರುತಿ ಇರಿಸಿರುವ ಸಂಭಾವನೆಯ ಬೇಡಿಕೆ ಕಂಡು ನಿರ್ಮಾಪಕರು ಅವರನ್ನು ಪಾತ್ರಕ್ಕೆ ಬಳಸಿಕೊಳ್ಳಲು ಹಿಂದೇಟು ಹಾಕುತ್ತಿದ್ದಾರೆ. ಲಾವಣ್ಯ ತ್ರಿಪಾಠಿ, ಇಲಿಯಾನಾ ಡಿ ಕ್ರೂಜ್ ಮತ್ತು ಪೂಜಾ ಹೆಗ್ಡೆ ಅವರ ಹೆಸರುಗಳನ್ನು ಆರಂಭದಲ್ಲಿ ಪರಿಗಣಿಸಿದ್ದ ಚಿತ್ರತಂಡ ಬಳಿಕ ಶ್ರುತಿ ಹಾಸನ್ ಅವರನ್ನು ಆಯ್ಕೆ ಮಾಡಿತ್ತು. ಈಗ ಮತ್ತೆ ನಿರ್ಧಾರ ಬದಲಿಸುವ ಸಾಧ್ಯತೆ ಇದೆ.

ವಕೀಲನ ಪಾತ್ರದಲ್ಲಿ ಪವನ್ ಕಲ್ಯಾಣ್

ಬೋನಿ ಕಪೂರ್ ಮತ್ತು ದಿಲ್ ರಾಜ್ ಜಂಟಿಯಾಗಿ ನಿರ್ಮಿಸುತ್ತಿರುವ ಚಿತ್ರದಲ್ಲಿ ಪವನ್ ಕಲ್ಯಾಣ್ ವಕೀಲನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಪ್ರಕಾಶ್ ರೈ, ಅಂಜಲಿ, ನಿವೇತಾ ಥಾಮಸ್ ಮತ್ತು ಅನನ್ಯಾ ನಾಗಲ್ಲಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮೇ ತಿಂಗಳಲ್ಲಿ ಬಿಡುಗಡೆಯಾಗಬೇಕಿದ್ದ ಸಿನಿಮಾ ಮುಂದಕ್ಕೆ ಹೋಗಿದೆ. ಉನ್ನತ ವರ್ಗದ ಕುಟುಂಬದ ಮೂವರು ಸ್ನೇಹಿತೆಯರು ಮೂವರು ಪುರುಷರಿಂದ ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗುವ ಕಥೆಯನ್ನು ಇದು ಒಳಗೊಂಡಿದೆ.