ಪ್ರಭಾಸ್ 'ರಾಧೆ ಶ್ಯಾಮ್‌' ವಿರುದ್ಧ ಸೂರ್ಯ, ಧನುಷ್, ರವಿತೇಜಾ ಸಿನಿಮಾ ರಿಲೀಸ್: ಗೆಲ್ಲೋರು ಯಾರು?

'ರಾಧೆ ಶ್ಯಾಮ್' ಸಿನಿಮಾಗೆ ಪೈಪೋಟಿ

ಪ್ರಭಾಸ್ ಸಿನಿಮಾ ಎಲ್ಲಾ ಅಡೆತಡೆಗಳನ್ನು ಎದುರಿಸಿ ರಿಲೀಸ್‌ಗೆ ರೆಡಿಯಾಗಿತ್ತು. ಕೊರೊನಾ, ರಾಜಮೌಳಿಯ RRR ಸಿನಿಮಾ ಎದುರಿಸಿ ಬಿಡುಗಡೆಯಾಗಬೇಕಿತ್ತು. ಆದ್ರೀಗ ರಾಜಮೌಳಿಯ RRR ಸಿನಿಮಾದಿಂದ ಮುಕ್ತಿ ಸಿಕ್ಕಿದೆ. RRRಗಿಂತ ಮೊದಲು 'ರಾಧೆ ಶ್ಯಾಮ್' ಸಿನಿಮಾ ಮೊದಲು ರಿಲೀಸ್ ಆಗುತ್ತಿದೆ. ಆದರೂ, 'ರಾಧೆ ಶ್ಯಾಮ್' ಸಿನಿಮಾಗೆ ಪೈಪೋಟಿ ಮಾತ್ರ ತಪ್ಪಿಲ್ಲ. ದಕ್ಷಿಣ ಭಾರತದ ಬಿಗ್ ಸ್ಟಾರ್‌ ಸಿನಿಮಾಗಳು ಒಂದೊಂದಾಗೇ ಬಿಡುಗಡೆಯಾಗುತ್ತಿದೆ. ಸೂರ್ಯ, ಧನುಷ್, ರವಿತೇಜಾ ಪೈಪೋಟಿ ನೀಡುವುದಕ್ಕೆ ಅಖಾಡಕ್ಕಿಳಿದಿದ್ದಾರೆ.

'ರಾಧೆ ಶ್ಯಾಮ್‌'ಗೆ ಮೂವರು ಟಕ್ಕರ್

ಸೂರ್ಯ ಅಭಿನಯದ ಸಿನಿಮಾ 'ET' ಮಾರ್ಚ್ 10ರಂದು ಬಿಡುಗಡೆಯಾಗಿದೆ. ಸುಮಾರು ಎರಡೂವರೆ ವರ್ಷಗಳ ಬಳಿಕ ಸೂರ್ಯ ಸಿನಿಮಾ ಥಿಯೇಟರ್‌ನಲ್ಲಿ ಬಿಡುಗಡೆಯಾಗಿದೆ. ಇದರೊಂದಿಗೆ ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಧನುಷ್ ಅಭಿನಯದ 'ಮಾರಾನ್' ಹಾಗೂ ರವಿತೇಜಾ ಅಭಿನಯದ 'ಖಿಲಾಡಿ' ಸಿನಿಮಾ ಕೂಡ ಮಾರ್ಚ್11 ರಂದು ರಿಲೀಸ್ ಆಗುತ್ತಿದೆ. ಈ ಮೂಲಕ 'ರಾಧೆ ಶ್ಯಾಮ್‌'ಗೆ ಒಟಿಟಿ ಕೂಡ ಕಾಂಪಿಟೇಷನ್ ನೀಡುತ್ತಿದೆ. ಹೀಗಾಗಿ ಜನರು ಯಾವ ಕಡೆ ವಾಲುತ್ತಾರೆ ಎನ್ನುವ ಕುತೂಹಲವಿದೆ.

'ರಾಧೆ ಶ್ಯಾಮ್' ಭರ್ಜರಿ ಬ್ಯುಸಿನೆಸ್

'ರಾಧೆ ಶ್ಯಾಮ್' ಆಂಧ್ರ ರಾಜ್ಯಗಳಲ್ಲಿ ಭರ್ಜರಿ ಬ್ಯುಸಿನೆಸ್ ಮಾಡಿದೆ. ಆಂಧ್ರದ ಎರಡು ರಾಜ್ಯಗಳಿಂದ ಸುಮಾರು 210 ಕೋಟಿ ಬ್ಯುಸಿನೆಸ್ ಮಾಡಿದೆ ಎನ್ನಲಾಗಿದೆ. ವಿತರಣೆ ಹಕ್ಕು ಅಂತಲೇ 100 ಕೋಟಿಯನ್ನು ಲೂಟಿ ಮಾಡಿದೆ. ಹೀಗಾಗಿ 'ರಾಧೆ ಶ್ಯಾಮ್' ಭರ್ಜರಿ ಬ್ಯುಸಿನೆಸ್ ಮಾಡಿದ್ದು, ಉಳಿದ ಭಾಷೆಗಳ ಪ್ರಿ-ರಿಲೀಸ್ ಬ್ಯುಸಿನೆಸ್ ಎಷ್ಟಾಗಿದೆ ಎಂಬುದು ಹೊರಬಿದ್ದಿಲ್ಲ. ಹೀಗಾಗಿ ಈ ಚಿತ್ರದ ಮೊದಲ ದಿನದ ಗಳಿಕೆಯ ಮೇಲೆ ಎಲ್ಲರ ಕಣ್ಣು ಬಿದ್ದಿದೆ.

ಬ್ರಿಟನ್‌ನಲ್ಲಿ 1 ಮಿಲಿಯನ್ ಟಿಕೆಟ್ ಸೇಲ್

ಪ್ರಭಾಸ್ ಸಿನಿಮಾ ಕೇವಲ ಭಾರತದಲ್ಲಷ್ಟೇ ಸದ್ದು ಮಾಡುತ್ತಿಲ್ಲ. ಜೊತೆಗೆ ವಿದೇಶದಲ್ಲಿ ದೊಡ್ಡ ಮೊತ್ತದಲ್ಲಿ ಟಿಕೆಟ್ ಸೇಲ್ ಆಗಿದೆ. ಬ್ರಿಟನ್ ಹಾಗೂ ಅಮೆರಿಕದಲ್ಲೂ 'ರಾಧೆ ಶ್ಯಾಮ್' ಸಿನಿಮಾಗೆ ಬೇಡಿಕೆ ಹೆಚ್ಚಿದೆ. ಟಿಕೆಟ್ ಖರೀದಿಯಲ್ಲಿ ಜನರು ದಾಖಲೆ ಮಾಡಿದ್ದಾರೆ. 'ರಾಧೆ ಶ್ಯಾಮ್' ಬಿಡುಗಡೆ ಇನ್ನು ಕೆಲವೇ ದಿನಗಳು ಬಾಕಿ ಇದೆ ಅನ್ನುವಾಗಲೇ ಪ್ರಿ ಬುಕಿಂಗ್ ಆರಂಭ ಆಗಿತ್ತು. ಬ್ರಿಟನ್‌ನಲ್ಲಿ ಮಾರ್ಚ್ 09ರ ವರೆಗೆ ಸುಮಾರು 1 ಮಿಲಿಯನ್ ಟಿಕೆಟ್‌ಗಳು ಸೇಲ್ ಆಗಿದ್ದು, ಅಮೆರಿಕದಲ್ಲೂ ಭರ್ಜರಿ ಮೊತ್ತದಲ್ಲಿ ಟಿಕೆಟ್ ಸೇಲ್ ಆಗಿದೆ ಎನ್ನಲಾಗಿದೆ.