'ಜಾನು' ಕಲೆಕ್ಷನ್: ನಾಗಾರ್ಜುನ ಸೊಸೆ ಸಮಂತಾಗೆ ಸಿಕ್ತು ಬಿಗ್ ಶಾಕ್.!

'ಜಾನು' ಚಿತ್ರದ ಕಲೆಕ್ಷನ್ ಎಷ್ಟು.?

ರಿಲೀಸ್ ಆದ ದಿನ ತೆಲಂಗಾಣ ಮತ್ತು ಆಂಧ್ರ ಪ್ರದೇಶದಲ್ಲಿ 'ಜಾನು' ಸಿನಿಮಾ ಎರಡು ಕೋಟಿ ಕಲೆಕ್ಷನ್ ಮಾಡಿತ್ತು. ಇದೀಗ ಮೊದಲ ವೀಕೆಂಡ್ ಕಲೆಕ್ಷನ್ ರಿಪೋರ್ಟ್ ಸಿಕ್ಕಿದ್ದು, ಮೂರು ದಿನಗಳಲ್ಲಿ 'ಜಾನು' ಚಿತ್ರ ತೆಲಂಗಾಣ ಮತ್ತು ಆಂಧ್ರಪ್ರದೇಶದಲ್ಲಿ ಕೇವಲ 5.5 ಕೋಟಿ ಕಲೆಕ್ಷನ್ ಮಾಡುವಲ್ಲಿ ಮಾತ್ರ ಯಶಸ್ವಿ ಆಗಿದೆ.

ಯು.ಎಸ್ ನಲ್ಲೂ ಅಷ್ಟಕಷ್ಟೆ.!

ಶರ್ವಾನಂದ್ ಮತ್ತು ಸಮಂತಾ ಅಭಿನಯದ 'ಜಾನು' ಚಿತ್ರಕ್ಕೆ ಯು.ಎಸ್ ನಲ್ಲೂ ಹೇಳಿಕೊಳ್ಳುವಂತಹ ಪ್ರತಿಕ್ರಿಯೆ ಸಿಕ್ಕಿಲ್ಲ. ವರದಿಗಳ ಪ್ರಕಾರ, ಯು.ಎಸ್. ಬಾಕ್ಸ್ ಆಫೀಸ್ ನಲ್ಲಿ 'ಜಾನು' ಚಿತ್ರ ಎರಡು ದಿನಗಳಲ್ಲಿ $68,000 ಕಲೆಕ್ಷನ್ ಮಾಡಿದೆ. ಸಮಂತಾ ವೃತ್ತಿ ಜೀವನದಲ್ಲಿಯೇ ಇದು ಅತಿ ಕಡಿಮೆ ಕಲೆಕ್ಷನ್ ಎನ್ನಲಾಗಿದೆ.

ನಿರ್ಮಾಪಕರಿಗೆ ಲಾಭ ಆಗುತ್ತಾ.?

ಬಂಡವಾಳ ಹಾಕಿರುವ ನಿರ್ಮಾಪಕರು ಮತ್ತು ವಿತರಕರಿಗೆ ಲಾಭ ಆಗಬೇಕು ಅಂದ್ರೆ, 'ಜಾನು' ಸಿನಿಮಾ ಕಡಿಮೆ ಅಂದರೂ 50 ಕೋಟಿ ಗಡಿ ದಾಟಬೇಕು. 'ಜಾನು' ಈಗ ಹೋಗುತ್ತಿರುವ ಸ್ಪೀಡ್ ನೋಡಿದ್ರೆ, ನಿರ್ಮಾಪಕರ ಜೇಬು ತುಂಬುವುದು ಡೌಟ್ ಎನ್ನುತ್ತಿದ್ದಾರೆ ಟ್ರೇಡ್ ಎಕ್ಸ್ ಪರ್ಟ್ಸ್.

'ಜಾನು' ಚಿತ್ರದ ಕುರಿತು...

ಸಿ.ಪ್ರೇಮ್ ಕುಮಾರ್ ನಿರ್ದೇಶನದ ಸಮಂತಾ ಮತ್ತು ಶರ್ವಾನಂದ್ ಅಭಿನಯದ ಸಿನಿಮಾ 'ಜಾನು'. ದಿಲ್ ರಾಜು ನಿರ್ಮಾಣ ಮಾಡಿರುವ 'ಜಾನು' ಚಿತ್ರಕ್ಕೆ ಗೋವಿಂದ್ ವಸಂತ ಸಂಗೀತ ನೀಡಿದ್ದಾರೆ.