For Quick Alerts
    ALLOW NOTIFICATIONS  
    For Daily Alerts

    ಚಿರಂಜೀವಿ v/s ಬಾಲಯ್ಯ: ಸಿನಿಮಾ ಬಿಡುಗಡೆಗೆ ಮುನ್ನ ಮೇಲುಗೈ ಯಾರದ್ದು?

    By ಫಿಲ್ಮಿಬೀಟ್ ಡೆಸ್ಕ್
    |

    ನಟ ಚಿರಂಜೀವಿ ಹಾಗೂ ಬಾಲಕೃಷ್ಣ ನಡುವೆ ಮತ್ತೊಂದು ಸಂಕ್ರಾಂತಿ ಪೈಪೋಟಿಗೆ ದಿನಗಳಷ್ಟೆ ಬಾಕಿ ಇದೆ. ತೆಲುಗು ಚಿತ್ರರಂಗದ ಇಬ್ಬರು ಸೂಪರ್‌ ಸ್ಟಾರ್‌ಗಳು ಬಹಳ ವರ್ಷಗಳ ಬಳಿಕ ಸಂಕ್ರಾಂತಿ ದಿನದಂದು ಎದುರು ಬದುರಾಗುತ್ತಿದ್ದಾರೆ.

    ಇದೇ ತಿಂಗಳ 12ನೇ ತಾರೀಖಿನಂದು ತೆಲುಗಿನ ಮೆಗಾಸ್ಟಾರ್ ಚಿರಂಜೀವಿಯ 'ವಾಲ್ತೇರು ವೀರಯ್ಯ' ಹಾಗೂ ನಂದಮೂರಿ ಬಾಲಕೃಷ್ಣ ನಟನೆಯ 'ವೀರ ಸಿಂಹ ರೆಡ್ಡಿ' ಸಿನಿಮಾಗಳು ಬಿಡುಗಡೆ ಆಗುತ್ತಿವೆ. ಇಬ್ಬರ ನಡುವೆ ದಶಕಗಳಿಂದಲೂ ತುರುಸಿನ ಸ್ಪರ್ಧೆ ಇದ್ದು ಈಗಲೂ ಆ ಸ್ಪರ್ಧೆ ಹಾಗೆಯೇ ಮುಂದುವರೆದಿದೆ.

    ಸಿನಿಮಾ ಬಿಡುಗಡೆಗೆ ಇನ್ನೂ ತುಸು ದಿನ ಇರುವಂತೆಯೇ ಎರಡೂ ಸಿನಿಮಾಗಳು ಪ್ರೀ ರಿಲೀಸ್ ಬ್ಯುಸಿನೆಸ್‌ ಮೇಲೆ ಕಣ್ಣಿಟ್ಟಿದ್ದು, ಸಿನಿಮಾ ಬಿಡುಗಡೆ ಆಗುವ ಮುನ್ನ ಯಾರ ಸಿನಿಮಾ ಹೆಚ್ಚು ಗಳಿಸಿದೆ, ಯಾರ ಸಿನಿಮಾ ಗೆಲುವಿನತ್ತ ದಾಪುಗಾಲು ಹಾಕುತ್ತಿದೆ ಎಂಬ ಬಗ್ಗೆ ಇಬ್ಬರು ಸ್ಟಾರ್ ನಟರ ಅಭಿಮಾನಿಗಳಲ್ಲಿ ಜೋರು ಚರ್ಚೆ ನಡೆದಿದೆ. ಆ ಕುರಿತಂತೆ ಕೆಲವು ಅಂಕಿ-ಅಂಶಗಳು ಇಲ್ಲಿವೆ.

    ಯಾರ ಸಿನಿಮಾ ಮುಂಚೂಣಿಯಲ್ಲಿದೆ?

    ಯಾರ ಸಿನಿಮಾ ಮುಂಚೂಣಿಯಲ್ಲಿದೆ?

    ಪ್ರೀ ರಿಲೀಸ್ ಬ್ಯುಸಿನೆಸ್‌ನಲ್ಲಿ ಬಾಲಕೃಷ್ಣ ಅವರನ್ನು ಚಿರಂಜೀವಿ ಹಿಂದಿಕ್ಕಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಚಿರಂಜೀವಿ ನಟನೆಯ 'ವಾಲ್ತೇರು ವೀರಯ್ಯ' ಸಿನಿಮಾ 'ವೀರ ಸಿಂಹ ರೆಡ್ಡಿ'ಗೆ ಹೋಲಿಸಿದರೆ ಹೆಚ್ಚು ಬ್ಯುಸಿನೆಸ್‌ ಮಾಡಿದೆ. 'ವಾಲ್ತೇರು ವೀರಯ್ಯ' ಸಿನಿಮಾವು ಬಿಡುಗಡೆಗೆ ಮುನ್ನವೇ 88 ಕೋಟಿ ವ್ಯವಹಾರ ಮಾಡಿದೆ ಎಂದು ಟಾಲಿವುಡ್‌ನ ಪರಿಣಿತರು ಲೆಕ್ಕ ನೀಡಿದ್ದಾರೆ.

    'ವಾಲ್ತೇರು ವೀರಯ್ಯ' ಸಿನಿಮಾದ ಬ್ಯುಸಿನೆಸ್ ಎಷ್ಟು?

    'ವಾಲ್ತೇರು ವೀರಯ್ಯ' ಸಿನಿಮಾದ ಬ್ಯುಸಿನೆಸ್ ಎಷ್ಟು?

    'ವಾಲ್ತೇರು ವೀರಯ್ಯ' ಸಿನಿಮಾದ ಆಂಧ್ರ ರಾಜ್ಯದ ಬಿಡುಗಡೆ ಹಕ್ಕು 40 ಕೋಟಿಗೆ ಮಾರಾಟವಾಗಿದೆ. ನಿಜಾಮ್‌ ಪ್ರದೇಶಕ್ಕೆ 18 ಕೋಟಿಗೆ ಮಾರಾಟವಾಗಿದೆ. ಸೀಡೆಡ್ ಜಿಲ್ಲೆಗಳ ಪ್ರದೇಶಕ್ಕೆ 14.50 ಕೋಟಿಗೆ ಮಾರಾಟವಾಗಿದೆ. ವಿದೇಶಗಳಿಗೆ 9 ಕೋಟಿಗೆ ಮಾರಾಟವಾಗಿದೆ. ಭಾರತದ ಇತರ ರಾಜ್ಯಗಳಿಗೆ ಹಾಗೂ ಸಿನಿಮಾದ ಆಡಿಯೋ ಹಕ್ಕುಗಳು ಸೇರಿ 6.50 ಕೋಟಿ ರುಪಾಯಿಗೆ ಮಾರಾಟವಾಗಿದೆ. ಚಿರಂಜೀವಿಯ ಇತ್ತೀಚಿನ ಸಿನಿಮಾಗಳಲ್ಲಿ ಒಂದಾದ 'ಆಚಾರ್ಯ' ದೊಡ್ಡ ಫ್ಲಾಪ್ ಆಗಿದ್ದರೂ ಸಹ ಈ ಸಿನಿಮಾಕ್ಕೆ ಭಾರಿ ಬೇಡಿಕೆಯೇ ಕುದುರಿದೆ. ಸಿನಿಮಾದ ಒಟಿಟಿ, ಟಿವಿ ಹಕ್ಕುಗಳು ಸೇರಿದರೆ 100 ಕೋಟಿಗೂ ಹೆಚ್ಚು ಬ್ಯುಸಿನೆಸ್ ಆಗಲಿದೆ.

    ಬಾಲಯ್ಯ ಸಿನಿಮಾದ ಬ್ಯುಸಿನೆಸ್ ಎಷ್ಟು?

    ಬಾಲಯ್ಯ ಸಿನಿಮಾದ ಬ್ಯುಸಿನೆಸ್ ಎಷ್ಟು?

    ಇನ್ನು ಬಾಲಕೃಷ್ಣ ನಟನೆಯ 'ವೀರ ಸಿಂಹ ರೆಡ್ಡಿ' ಸಿನಿಮಾವು ಪ್ರೀ ರಿಲೀಸ್ ಬ್ಯುಸಿನೆಸ್‌ನಲ್ಲಿ ಹಿಂದೆ ಉಳಿದಿಲ್ಲ. ಈ ಸಿನಿಮಾದ ಈವರೆಗಿನ ಪ್ರೀ ರಿಲೀಸ್ ಬ್ಯುಸಿನೆಸ್‌ 73 ಕೋಟಿಗಳದ್ದಾಗಿದೆ ಎನ್ನಲಾಗುತ್ತಿದೆ. ಆಂಧ್ರ ರಾಜ್ಯದ ಹಕ್ಕು 35 ಕೋಟಿಗೆ ಮಾರಾಟವಾಗಿದೆ. ನಿಜಾಮ್ ವಲಯದಲ್ಲಿ 15 ಕೋಟಿಗೆ ಮಾರಾಟವಾಗಿದೆ. ಸೀಡೆಡ್ ಜಿಲ್ಲಾ ಪ್ರದೇಶಗಳ ಬಿಡುಗಡೆ ಹಕ್ಕು 12.50 ಕೋಟಿಗೆ ಮಾರಾಟವಾಗಿದೆ. ವಿದೇಶಿ ಬಿಡುಗಡೆ ಹಕ್ಕು 6.50 ಕೋಟಿಗೆ ಮಾರಾಟವಾಗಿದೆ. ದೇಶದ ಇತರೆ ರಾಜ್ಯಗಳಲ್ಲಿ ಬಿಡುಗಡೆ ಹಾಗೂ ಆಡಿಯೋ ಹಕ್ಕು ಮಾರಾಟದಿಂದ 5 ಕೋಟಿ ಹಣ ಬಂದಿದೆ. ಅಲ್ಲಿಗೆ ಚಿರಂಜೀವಿ ಸಿನಿಮಾ ಸದ್ಯಕ್ಕೆ ಮುಂದಿದೆ. ಸಿನಿಮಾ ಬಿಡುಗಡೆ ಬಳಿಕ ಯಾರ ಸಿನಿಮಾ ಹೆಚ್ಚು ಕಲೆಕ್ಷನ್ ಮಾಡುತ್ತದೆಯೋ ಕಾದು ನೋಡಬೇಕಿದೆ.

    'ವಾಲ್ತೇರು ವೀರಯ್ಯ' v/s 'ವೀರ ಸಿಂಹ ರೆಡ್ಡಿ'

    'ವಾಲ್ತೇರು ವೀರಯ್ಯ' v/s 'ವೀರ ಸಿಂಹ ರೆಡ್ಡಿ'

    'ವಾಲ್ತೇರು ವೀರಯ್ಯ' ಸಿನಿಮಾವನ್ನು ಕೆಎಸ್ ರವೀಂದ್ರ ನಿರ್ದೇಶನ ಮಾಡಿದ್ದು, ಸಿನಿಮಾದಲ್ಲಿ ಚಿರಂಜೀವಿ ಜೊತೆಗೆ ರವಿತೇಜ ಸಹ ನಟಿಸಿದ್ದಾರೆ. ಇನ್ನು 'ವೀರ ಸಿಂಹ ರೆಡ್ಡಿ' ಸಿನಿಮಾವನ್ನು ಗೋಪಿಚಂದ್ ಮೇಲಿನೇನಿ ನಿರ್ದೇಶನ ಮಾಡಿದ್ದಾರೆ. ಎರಡೂ ಸಿನಿಮಾದಲ್ಲಿ ಶ್ರುತಿ ಹಾಸನ್ ನಾಯಕಿಯಾಗಿ ನಟಿಸಿರುವುದು ವಿಶೇಷ. ಎರಡೂ ಸಿನಿಮಾಗಳನ್ನು ನಿರ್ಮಾಣ ಮಾಡಿರುವುದು ಮೈತ್ರಿ ಮೂವಿ ಮೇಕರ್ಸ್‌ನವರೇ ಎಂಬುದು ಮತ್ತೊಂದು ವಿಶೇಷ. ವಾಲ್ತೇರು ವೀರಯ್ಯ ಸಿನಿಮಾದಲ್ಲಿ ದೇವಿಶ್ರೀಪ್ರಸಾದ್ ಸಂಗೀತ ನೀಡಿದ್ದರೆ, 'ವೀರ ಸಿಂಹ ರೆಡ್ಡಿ' ಸಿನಿಮಾಕ್ಕೆ ಎಸ್ ತಮನ್ ಸಂಗೀತ ನೀಡಿದ್ದಾರೆ.

    English summary
    Chiranjeevi's Waltair Veerayya vs Veera Simha Reddy pre release business. Chiranjeevi movie beats Balayya's movie.
    Thursday, January 5, 2023, 15:29
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X