ಮುಖಪುಟ

ಟಿವಿ

"ನನ್ನನ್ನು ಮದುವೆಯಾಗುತ್ತೀರಾ?" ಎಂದು ಪಾಕಿಸ್ತಾನಿ ತಾರೆ ವೀಣಾ ಮಲ್ಲಿಕ್‌ರಲ್ಲಿ ಹರಕೆಯಿಟ್ಟ ಪುರುಷ ಪುಂಗವರ ಸಂಖ್ಯೆ ಇದು. 'ವೀಣಾ ಕಾ ವಿವಾಹ್' ಹೆಸರಿನ ರಿಯಾಲಿಟಿ ಶೋಗಾಗಿ ಹರಿದುಬಂದ ಪತ್ರಗಳ ಮಹಾಪೂರವಿದು. ಎನ್‌ಡಿ ಟಿವಿ ಇಮ್ಯಾಜಿನ್‌ನಲ್ಲಿ ಶೀಘ್ರದಲ್ಲೇ ಈ ರಿಯಾಲಿಟಿ ಶೋ ಪ್ರಸಾರವಾಗಲಿದೆ.

ಈ ಹಿಂದೆ 'ಸ್ವಯಂವರ' ಹೆಸರಿನಲ್ಲಿ ರಾಖಿ ಸಾವಂತ್, ರಾಹುಲ್ ಮಹಾಜನ್, ರತನ್ ರಾಜ್‌ಪುತ್ ರಿಯಾಲಿಟಿ ಶೋ ನಿರ್ವಹಿಸಿದ್ದರು. ಆದರೆ ಅವರ್ಯಾರಿಗೂ ಸಿಗದ ಭಾಗ್ಯ ವೀಣಾಗೆ ಧಕ್ಕಿದೆ. ವೀಣಾ ಮಾಲಿಕ್ ವಿವಾದಾತ್ಮಕ ತಾರೆ ಎಂಬ ಕಾರಣಕ್ಕೋ ಏನೋ ದಾಖಲೆ ಸಂಖ್ಯೆಯ ಅರ್ಜಿಗಳು ಹರಿದು ಬಂದಿವೆ.

ಅಸ್ಮಿತ್ ಪಟೇಲ್ ಜೊತೆಗಿನ ಕದ್ದುಮುಚ್ಚಿ ಚುಂಬನ, ಆಲಿಂಗನ, ಬಾಹುಬಂಧನ. ಅರೆನಗ್ನ ಫೋಟೋಗಳ ಮೂಲಕ ವಿವಾದಗಳನ್ನು ಮೈಮೇಲೆ ಎಳೆದುಕೊಂಡಿದ್ದರು ವೀಣಾ. ಈ ವಿವಾದಗಳೇ ಈಗ ಆಕೆಗೆ ವರವಾಗಿ ಪರಿಣಮಿಸಿವೆ. ಕೇವಲ ಭಾರತದಿಂದಷ್ಟೇ ಅಲ್ಲ, ಪಾಕಿಸ್ತಾನ ಸೇರಿದಂತೆ ಹದಿನಾಲ್ಕು ದೇಶಗಳಿಂದ ವೀಣಾರನ್ನು ಮದುವೆಯಾಗಲು ಅರ್ಜಿ ಗುಜರಾಯಿಸಲಾಗಿದೆ.

ರಿಯಾಲಿಟಿ ಶೋನ ನಿರ್ವಾಹಕರು ಕೂಡಿ, ಕಳೆದು, ಭಾಗಿಸಿ, ವಿಭಾಗಿಸಿ ಕಡೆಗೆ ನೂರಾ ಹದಿನಾರು ಅರ್ಜಿಗಳನ್ನು ಆಯ್ಕೆ ಮಾಡಿ ವೀಣಾಳ ಕೈಗಿಟ್ಟಿದ್ದಾರೆ. ಅವುಗಳಲ್ಲಿ 16 ಪತ್ರಗಳನ್ನು ವೀಣಾ ಕಸದ ಬುಟ್ಟಿಗೆ ಎಸೆದು ಉಳಿದ ನೂರನ್ನು ಅವರ ಮುಂದಿಟ್ಟಿದ್ದಾರೆ. ಈ ಶೋಗಾಗಿ ವೀಣಾ ಮಲ್ಲಿಕ್ ತೆಗೆದುಕೊಂಡ ಮೊತ್ತವೆಷ್ಟು ಗೊತ್ತೆ? ಅಕ್ಷರಶಃ ನಾಲ್ಕುವರೆ ಕೋಟಿ ರುಪಾಯಿಗಳು.

ಒಟ್ಟಿನಲ್ಲಿ ವೀಣಾ ತಾಳಿನೇ ಕಟ್ಟಿಸಿಕೊಳ್ಳುತ್ತಾರೋ, ಹಾರ ಬದಲಾಯಿಸಿಕೊಳ್ಳುತ್ತಾರೋ ಅಥವಾ ಉಂಗುರ ಬದಲಾಯಿಸಿಕೊಳ್ಳುತ್ತಾರೋ, ಇಲ್ಲ ರಾಖಿ ಸಾವಂತ್ ತರಹ ಚಳ್ಳೆ ಹಣ್ಣು ತಿನ್ನಿಸುತ್ತಾರೋ ಕಾದು ನೋಡೋಣ. (ಏಜೆನ್ಸೀಸ್)