ಒಂಭತ್ತನೇ ಬಾರಿ ಜೀ ಕನ್ನಡದಲ್ಲಿ ಕುಣಿಯೋಣ ಬಾರಾ

ಈ ಬಾರಿಯ ವಿಶೇಷವೆಂದರೆ ಎಂಟು ಮಂದಿ ಕಿರುತೆರೆ ಕಲಾವಿದೆಯರು ಕುಣಿಯಲಿದ್ದಾರೆ. ಗೌತಮಿ, ಶ್ವೇತಾ ಚಂಗಪ್ಪ, ಗ್ರೀಷ್ಮಾ, ಇಳಾ ವಿಟ್ಲ, ಹಂಸ, ಮೋನಿಷಾ, ವೈಷ್ಣವಿ ಹಾಗೂ ಅಂಕಿತಾ ತಂಡದಲ್ಲಿದ್ದಾರೆ. ಇವರೊಂದಿಗೆ ಹೆಜ್ಜೆ ಹಾಕಲು ರಾಜ್ಯದ ನಾನಾ ಭಾಗಗಳ ಹುಡುಗರನ್ನು ಆಯ್ಕೆ ಮಾಡಲಾಗಿದೆ.

ಒಟ್ಟು 34 ಕಂತುಗಳಲ್ಲಿ ಕಾರ್ಯಕ್ರಮ ಪ್ರಸಾರವಾಗಲಿದೆ. ಅಂತಿಮವಾಗಿ ಒಂದು ತಂಡ ಕುಣಿಯೋಣ ಬಾರಾ ಟೈಟಲ್ ಗೆಲ್ಲಲಿದೆ. ಚಿತ್ರನಟಿ ನಿಧಿ ಸುಬ್ಬಯ್ಯ ಹಾಗೂ ಮಾಲೂರು ಶ್ರೀನಿವಾಸ್ ಚಿತ್ರದ ತೀರ್ಪುಗಾರರು. ಖ್ಯಾತ ನೃತ್ಯ ನಿರ್ದೇಶಕಿ ಕಲಾ ಮಾಸ್ಟರ್ ಅವರು ನಿರ್ದೇಶಿಸಲಿದ್ದಾರೆ. ಅನಿಲ್ ಅಂಬಾನಿ ಅವರ ಬಿಗ್ ಪ್ರೊಡಕ್ಷನ್ಸ್ ಸಂಸ್ಥೆ ಕಾರ್ಯಕ್ರಮವನ್ನು ನಿರ್ಮಿಸುತ್ತಿದೆ. (ಒನ್‌ಇಂಡಿಯಾ ಕನ್ನಡ)