ಬಿಗ್ ಬಾಸ್ ವಿನ್ನರ್ ಅಭಿಜಿತ್ ಗೆ ಸರ್ಪ್ರೈಸ್ ಗಿಫ್ಟ್ ನೀಡಿದ ಕ್ರಿಕೆಟಿಗ ರೋಹಿತ್ ಶರ್ಮಾ

ರೋಹಿತ್ ಶರ್ಮಾ ಕಡೆಯಿಂದ ಸಿಕ್ಕಿದೆ ವಿಶೇಷ ಗಿಫ್ಟ್

ಇದೀಗ ಅಭಿಜಿತ್ ಗೆ ಸಿಕ್ಕಿರುವ ಸರ್ಪ್ರೈಸ್ ಉಡುಗೊರೆಯೊಂದು ಅಭಿಜಿತ್ ಸಂಭ್ರಮವನ್ನು ಮತ್ತಷ್ಟು ಹೆಚ್ಚಿಸಿದೆ. ಹೌದು, ಟೀಂ ಇಂಡಿಯಾದ ಆರಂಭಿಕ ಆಟಗಾರ ಹಿಟ್ ಮ್ಯಾನ್ ರೋಹಿತ್ ಶರ್ಮಾ ವಿಶೇಷ ಉಡುಗೊರೆ ಕಳುಹಿಸಿಕೊಟ್ಟಿದ್ದಾರೆ. ಉಡುಗೊರೆ ಮಾತ್ರವಲ್ಲದೆ ದೂರವಾಣಿ ಕರೆಮಾಡಿ ಮಾತನಾಡಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಸಂತಸ ಹಂಚಿಕೊಂಡ ಅಭಿಜಿತ್

ಈ ಸಂತಸವನ್ನು ಅಭಿಜಿತ್ ಸಾಮಾಜಿಕ ಜಾಲತಾಣದಲ್ಲಿ ಬಹಿರಂಗ ಪಡಿಸಿದ್ದಾರೆ. ಅಂದಹಾಗೆ ರೋಹಿತ್ ಶರ್ಮಾ ಪ್ರೀತಿಯಿಂದ ತನ್ನ ಹಸ್ತಾಕ್ಷರವುಳ್ಳ ಟೀಂ ಇಂಡಿಯಾ ಜರ್ಸಿಯನ್ನು ಕಳುಹಿಸಿಕೊಟ್ಟಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ರೋಹಿತ್ ಕಳುಹಿಸಿರುವ ಜರ್ಸಿಯನ್ನು ಅಭಿಜಿತ್ ಶೇರ್ ಮಾಡಿ, ದೀರ್ಘವಾಗಿ ಬರೆದುಕೊಂಡಿದ್ದಾರೆ.

ರೋಹಿತ್ ಗಿಫ್ಟ್ ಗೆ ಅಭಿಜಿತ್ ಫುಲ್ ಖುಷ್

'ಹಿಟ್ ಮ್ಯಾನ್ ರೋಹಿತ್ ಶರ್ಮಾ ಆಸ್ಟ್ರೇಲಿಯಾದಿಂದ ಹೆಲೋ ಹೇಳಿದ್ದಾರೆ. ಈ ಅದ್ಭುತವಾದ ಉಡುಗೊರೆಗೆ ಧನ್ಯವಾದಗಳು. ಹನುಮ ವಿಹಾರಿ ಬೇಗ ಚೇತರಿಸಿಕೊಳ್ಳಿ' ಎಂದಿದ್ದಾರೆ. ಅಂದಹಾಗೆ ಅಭಿಜಿತ್, ರೋಹಿತ್ ಶರ್ಮಾ ದೊಡ್ಡ ಅಭಿಮಾನಿ ಎಂದು ಹನುಮ ವಿಹಾರಿ ತಿಳಿಸಿದ್ದಾರೆ. ಬಳಿಕ ರೋಹಿತ್ ಅಭಿಜಿತ್ ಗೆ ಸರ್ಪ್ರೈಸ್ ಗಿಫ್ಟ್ ಕಳುಹಿಸಿದ್ದಾರೆ.

ರೋಹಿತ್ ಶರ್ಮಾ ಅವರ ದೊಡ್ಡ ಅಭಿಮಾನಿ

'ಈ ಬಗ್ಗೆ ನಾನೇನು ಹೇಳಲಿ. ಹಿಟ್ ಮ್ಯಾನ್ ಬ್ಯಾಟಿಂಗ್ ಮಾಡುತ್ತಿದ್ದಾಗ ನಾನು ಏನೆ ಕೆಲಸ ಮಾಡುತ್ತಿದ್ದರು ಅದನ್ನು ಬಿಟ್ಟು ಅವರ ಬ್ಯಾಟಿಂಗ್ ನೋಡುತ್ತೇನೆ. ಇದು ಬ್ಯಾಟಿಂಗ್ ಅಲ್ಲ, ಶುದ್ಧ ಕಲಾತ್ಮಕತೆ. ಎಂಥ ಫ್ಯಾನ್ ಬಾಯ್ ಕ್ಷಣ. ಧನ್ಯವಾದಗಳು ರೋಹಿತ್' ಎಂದಿದ್ದಾರೆ.

ಕ್ರಿಕೆಟಿಗನಾಗುವ ಕನಸು ಕಂಡಿದ್ದರು ಅಭಿಜಿತ್

'ನಾನು ಬಾಲ್ಯದಲ್ಲಿದ್ದಾಗ ನನಗೆ ಕ್ರಿಕೆಟಿಗನಾಗಬೇಕೆಂದು ಬಯಸಿದ್ದೆ. ಆದರೆ ಅದು ಸಾಧ್ಯವಾಗಿಲ್ಲ. ಆದರೆ ಇಂದಿಗೂ ಕ್ರಿಕೆಟ್ ನನ್ನಲ್ಲಿರುವ ಆ ಪುಟ್ಟ ಮಗುವನ್ನು ಹೊರತರುತ್ತೆ ಎಂದು ದೀರ್ಘವಾಗಿ ಬರೆದುಕೊಳ್ಳುವ ಮೂಲಕ ರೋಹಿತ್ ಶರ್ಮಾಗೆ ಧನ್ಯವಾದ ತಿಳಿಸಿ ಕ್ರಿಕೆಟ್ ಬಗ್ಗೆ ಇದ್ದ ಆಸಕ್ತಿಯನ್ನು ಬಹಿರಂಗ ಪಡಿಸಿದ್ದಾರೆ.