ಬಿಗ್ ಬಾಸ್ ಕನ್ನಡ 7ನೇ ಆವೃತ್ತಿಯಲ್ಲಿ ಇವರೆಲ್ಲ ಇದ್ದರೆ ಚೆಂದವಂತೆ.!

ನಿಖಿಲ್ ಕುಮಾರ್ ಇಲ್ಲೂ ಟ್ರೆಂಡಿಂಗ್

ಮಂಡ್ಯ ಲೋಕಸಭೆ ಅಖಾಡದಲ್ಲಿ ಸ್ಪರ್ಧಿಸಿದ್ದ ನಿಖಿಲ್ ಕುಮಾರ್ ಕಳೆದ ನಾಲ್ಕೈದು ತಿಂಗಳಿನಿಂದ ಭಾರಿ ಸುದ್ದಿಯಲ್ಲಿದ್ದಾರೆ. ಅದರಲ್ಲೂ ನಿಖಿಲ್ ಎಲ್ಲಿದ್ದೀಯಪ್ಪಾ ಟ್ರೆಂಡ್ ಆದ್ಮೇಲಂತೂ ವಿಶ್ವ ಖ್ಯಾತಿ ಗಳಿಸಿಕೊಂಡರು. ಈ ಸಲ ಬಿಗ್ ಬಾಸ್ ಮನೆಯಲ್ಲಿ ನಿಖಿಲ್ ಕುಮಾರ್ ಅವರನ್ನ ನೋಡುವ ಆಸೆ ವೀಕ್ಷಕರಿಗಿದೆ.

ಪತ್ರಕರ್ತೆ ರಾಧಾ ಹಿರೇಗೌಡರ್

ಕಳೆದ ಕೆಲವು ಆವೃತ್ತಿಗಳಿಂದ ಪತ್ರಕರ್ತೆ ರಾಧಾ ಹಿರೇಗೌಡರ್ ಅವರ ಹೆಸರು ಬಿಗ್ ಬಾಸ್ ಪಟ್ಟಿಯಲ್ಲಿ ಚರ್ಚೆಯಾಗುತ್ತಲೇ ಇದೆ. ಈ ಸಲವೂ ಈ ಹೆಸರು ಸದ್ದು ಮಾಡ್ತಿದೆ. ಜರ್ನಲಿಸ್ಟ್ ವಿಭಾಗದಲ್ಲಿ ಸುದ್ದಿ ನಿರೂಪಕಿ ರಾಧಾ ಹಿರೇಗೌಡರ್ ಅವರನ್ನ ಕರೆಸಿ ಎಂದು ಮನವಿ ಮಾಡುವ ವೀಕ್ಷಕರು ಇದ್ದಾರೆ.

ಬಿಗ್ ಬಾಸ್ ರಿಯಾಲಿಟಿ ಶೋ ನಡೆಸಿಕೊಡಲಿದ್ದಾರೆ ಅನುಷ್ಕಾ ಶೆಟ್ಟಿ?

ಕುರಿಪ್ರತಾಪ್

ಪ್ರತಿ ಬಾರಿಯೂ ಬಿಗ್ ಬಾಸ್ ಪಟ್ಟಿ ಚರ್ಚೆಯಾದಾಗ ನಟ ಕುರಿ ಪ್ರತಾಪ್ ಅವರ ಹೆಸರು ಇದ್ದೇ ಇರುತ್ತೆ. ಈ ಬಾರಿಯೂ ಅವರನ್ನ ನೋಡುವ ಆಸೆ ವೀಕ್ಷಕರದ್ದು. ಮಜಾ ಟಾಕೀಸ್ ಮೂಲಕ ಕೋಟ್ಯಾಂತರ ಕನ್ನಡಿಗರನ್ನ ನಕ್ಕು ನಗಿಸುತ್ತಿರುವ ಕುರಿ ಪ್ರತಾಪ್ ಬಿಗ್ ಬಾಸ್ ಶೋಗೆ ಬಂದ್ರೆ ಸಖತ್ ಎಂಟರ್ ಟೈನ್ಮೆಂಟ್ ಸಿಗಲಿದೆ ಎಂಬ ನಿರೀಕ್ಷೆ.

ಕೌಸಲ್ಯಾ ಜೊತೆ 'ಬಿಗ್ ಬಾಸ್ ಸೀಸನ್ 6' ವಿನ್ನರ್ ಶಶಿ ಕಲ್ಯಾಣ

ಕಾಮಿಡಿ ಕಿಂಗ್ ಚಿಕ್ಕಣ್ಣ

ಕುರಿ ಪ್ರತಾಪ್ ಮಾತ್ರವಲ್ಲ ಸದ್ಯ ಕನ್ನಡ ಚಿತ್ರರಂಗದಲ್ಲಿ ಭಾರಿ ಬೇಡಿಕೆ ಹೊಂದಿರವ ಚಿಕ್ಕಣ್ಣ ಅವರ ಹೆಸರು ಕೂಡ ಹೇಳುತ್ತಿದ್ದಾರೆ. ಆದರೆ ಸತತ ಸಿನಿಮಾಗಳಲ್ಲಿ ಬ್ಯುಸಿ ಇರುವ ಚಿಕ್ಕಣ್ಣ ಈ ಶೋಗೆ ಬರೋದು ಕಷ್ಟ. ಆದರೂ ವೀಕ್ಷಕರ ಆಸೆ ಮಾತ್ರ ಕಮ್ಮಿ ಆಗಿಲ್ಲ.

ಮಂಡ್ಯ ರಮೇಶ್

ಕನ್ನಡ ಚಿತ್ರರಂಗದ ಹಿರಿಯ ನಟ ಹಾಗೂ ಮಜಾ ಟಾಕೀಸ್ ನಲ್ಲಿ ಕಾಣಿಸಿಕೊಳ್ಳುತ್ತಿರುವ ಮಂಡ್ಯ ರಮೇಶ್ ಅವರನ್ನ ನೋಡುವ ಆಸೆಯೂ ವೀಕ್ಷಕರಿಗಿದೆ. ಕಳೆದ ಆವೃತ್ತಿಯಲ್ಲಿ ಇವರ ಹೆಸರು ಚರ್ಚೆಯಲ್ಲಿತ್ತು.

ನುಡಿದಂತೆ ನಡೆದ 'ಬಿಗ್ ಬಾಸ್' ವಿನ್ನರ್ ಶಶಿ ಕುಮಾರ್.!

ಸುಮನ್ ರಂಗನಾಥ್

ಸ್ಯಾಂಡಲ್ ವುಡ್ ನ ಎವರ್ ಗ್ರೀನ್ ಚೆಲುವೆ ಸುಮನ್ ರಂಗನಾಥ್ ಅವರು ಈ ಸಲನಾದರೂ ಬಿಗ್ ಬಾಸ್ ಗೆ ಹೋಗ್ತಾರಾ ಗೊತ್ತಿಲ್ಲ. ಆದರೆ ಅಭಿಮಾನಿಗಳು ಮಾತ್ರ ಇವನರನ್ನ ಬಿಗ್ ಬಾಸ್ ಮನೆಯಲ್ಲಿ ನೋಡುವ ಬಯಕೆ ವ್ಯಕ್ತಪಡಿಸುತ್ತಿದ್ದಾರೆ. ಇತ್ತೀಚಿಗಷ್ಟೆ ಮದುವೆಯಾದ ಸುಮನ್ ರಂಗನಾಥ್ ಇದಕ್ಕೆ ಒಪ್ಪುವುದು ಅನುಮಾನ.

ಪ್ರೇಕ್ಷಕನೊಬ್ಬನ ಪಟ್ಟಿ ಹೀಗಿದೆ ನೋಡಿ

1) ಚಿಕ್ಕಣ್ಣ 2)ಶಂಕರ್ ಅಶ್ವಥ್ 3)ಶ್ರುತಿ ಮಗಳು 4)ಮಂಡ್ಯ ರಮೇಶ್ 5)ಆರ್ಯವರ್ಧನ್ ಗುರೂಜಿ 6)ಸುಮನ್ ರಂಗನಾಥ್ 7) ರಾಧಾ ಹಿರೇಗೌಡರ್ 8)ವಿನಯ ಪ್ರಸಾದ್ 9)ನಾರಾಯಣ ಗೌಡ 10)ಸುನಿಲ್ ಜೋಶಿ 11)ರಂಗಾಯಣ ರಘು 12) ನಿಖಿಲ್ ಕುಮಾರಸ್ವಾಮಿ 13)ದರ್ಶನ್ ಪುಟ್ಟಣಯ್ಯ 14)ಕವಿತಾ ಲಂಕೇಶ್ 15)ಕಾಮನ್ ಮ್ಯಾನ್

ಸೋಶಿಯಲ್ ಮೀಡಿಯಾ ಸ್ಟಾರ್ಸ್

ಸಾಮಾಜಿಕ ಜಾಲತಾಣದಲ್ಲಿ ಟಿಕ್ ಟಾಕ್ ಮಾಡಿ ಫೇಮಸ್ ಆಗಿರುವವರನ್ನ ಕರೆಸಿ ಎಂದು ಕೇಳುವವರೂ ಇದ್ದಾರೆ. ಕಳೆದ ಬಾರಿ ಸುದ್ದಿಯಲ್ಲಿದ್ದ ತುಳಸಿ ಪ್ರಸಾದ್, ಈ ಸಲ ಟ್ರೆಂಡ್ ಆದ ಯಾಕಣ್ಣ ಮಹಿಳೆ, ಕನ್ನಡ ಹೋರಾಟಗಾರ ರೂಪೇಶ್ ರಾಜಣ್ಣ, ಸಾಮಾಜಿಕ ಹೋರಾಟಗಾರ ಚಕ್ರವರ್ತಿ ಸೂಲಿಬೆಲೆ ಅವರ ಹೆಸರು ಕೂಡ ಕೆಲವರು ಹೇಳಿದ್ದಾರೆ.

ವಿದ್ಯಾರ್ಥಿಗಳಿಗೆ ಅವಕಾಶ ಕೊಡಿ

ಈಗತಾನೆ ಡಿಗ್ರಿ ಮುಗಿಸಿರುವ 5 ಜನ ಯುವಕರಿಗೆ ಅವಕಾಶ ಕೊಡಿ. ಏಕೆಂದರೆ ಅವರಿಗೆ ಹಣ.. ಸಮಯ...ಜೀವನದ ಅರಿವಿಲ್ಲ.... ಹಾಗಯೇ ಇನ್ನು 5 ಜನ ರಾಜಕಾರಣಿಗಳು....ಏಕೆಂದರೆ ಅವರ ನಿಜ ಬಣ್ಣ ಬಯಲು ಮಾಡಲು...'' ಎಂದು ಬಿಗ್ ಬಾಸ್ ವೀಕ್ಷಕನೊಬ್ಬ ಕಾಮೆಂಟ್ ಮಾಡಿದ್ದಾನೆ. ಇದೆಲ್ಲ ಸದ್ಯಕ್ಕೆ ಬಿಗ್ ಬಾಸ್ ವೀಕ್ಷಕರ ಅಭಿಪ್ರಾಯ. ಕಾದು ನೋಡೋಣ. ಯಾರ ಹೆಸರು ಮುಂದಿನ ದಿನದಲ್ಲಿ ಸದ್ದು ಮಾಡುತ್ತೆ ಎಂದು.