'ಬಿಗ್ ಬಾಸ್' ಕಾರ್ಯಕ್ರಮದ TRP ಕೆಳಗೆ ಬೀಳಲು ಇದೇ ಕಾರಣ!

By Naveen

Updated: Wednesday, December 13, 2017, 14:28 [IST]

Recommended Video

ಬಿಗ್ ಬಾಸ್ ಕನ್ನಡ ಸೀಸನ್ 5 ಟಿ ಆರ್ ಪಿ ಮಕಾಡೆ ಮಲಗಿದೆ | ಬಯಲಾದ ಕಾರಣ | Filmibeat Kannada

'ಬಿಗ್ ಬಾಸ್ ಕನ್ನಡ' ಕಾರ್ಯಕ್ರಮ ಕಿರುತೆರೆಯಲ್ಲಿ ಪ್ರಸಾರ ಆಗುವ ಪ್ರಮುಖ ಕಾರ್ಯಕ್ರಮಗಳಲ್ಲಿ ಒಂದು. 'ಬಿಗ್ ಬಾಸ್' ಸೀಸನ್ ಶುರು ಆಗುತ್ತಿದೆ ಅಂದರೆ ಸಾಕು ಅನೇಕರು ಆ ಕಾರ್ಯಕ್ರಮಕ್ಕಾಗಿ ಕಾಯುತ್ತಿರುತ್ತಾರೆ. ಆದರೆ ಇಂತಹ ದೊಡ್ಡ ಕಾರ್ಯಕ್ರಮ ಈಗ ತನ್ನ ಪ್ರಾಮುಖ್ಯತೆ ಕಳೆದುಕೊಳ್ಳುತ್ತಿದೆ.

ಟಿ.ಆರ್.ಪಿ ಪಟ್ಟಿಯಲ್ಲಿ ನೋಡಿದರೆ 'ಬಿಗ್ ಬಾಸ್' ಕಾರ್ಯಕ್ರಮ ತೀರ ಕೆಳಗೆ ಇದೆ. 'ಕಲರ್ಸ್ ಕನ್ನಡ' ವಾಹಿನಿಯ ಧಾರಾವಾಹಿಗಳೆ 'ಬಿಗ್ ಬಾಸ್' ಕಾರ್ಯಕ್ರಮವನ್ನು ಹಿಂದಿಕ್ಕಿದೆ. ಹಳೆಯ 'ಬಿಗ್ ಬಾಸ್' ಸೀಸನ್ ಗಳಿಗೆ ಹೋಲಿಸಿದರೆ ಈ ಬಾರಿ ಅದೇಕೋ ಅನೇಕರಿಗೆ ಪ್ರತಿದಿನ ಕಾರ್ಯಕ್ರಮದ ನೋಡಬೇಕು ಎನಿಸುತ್ತಿಲ್ಲ. ಆದರೆ ಅದಕ್ಕೆ ಕಾರಣ ಈಗ ಸಿಕ್ಕಿದೆ.

'ಬಿಗ್ ಬಾಸ್' ಕಾರ್ಯಕ್ರಮದ ಟಿ.ಆರ್.ಪಿ ಕಡಿಮೆ ಆಗಲು ಕಾರಣ ಏನು? ಎಂದು ನಿಮ್ಮ 'ಫಿಲ್ಮಿಬೀಟ್ ಕನ್ನಡ' ಪೋಲ್ ಏರ್ಪಡಿಸಿತ್ತು. ಇದರಲ್ಲಿ ಸಾಕಷ್ಟು ವೀಕ್ಷಕರು ಕಾರ್ಯಕ್ರಮದ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ. ಮುಂದೆ ಓದಿ...

ಅತಿ ಹೆಚ್ಚು ಜನರ ಅಭಿಪ್ರಾಯ

'ಬಿಗ್ ಬಾಸ್' ಟಿ.ಆರ್.ಪಿ ಕಡಿಮೆ ಆಗಲು ಕಾರಣ ಏನು ಎಂದು 'ಫಿಲ್ಮಿಬೀಟ್ ಕನ್ನಡ' ಪೋಲ್ ಏರ್ಪಡಿಸಿತ್ತು. ಇದರಲ್ಲಿ ಪ್ರಮುಖವಾಗಿ 'ಸ್ಪರ್ಧಿಗಳ ಆಯ್ಕೆ ಸರಿ ಇಲ್ಲ', 'ಮನರಂಜನೆ ಕೊರತೆ', 'ಚಾನೆಲ್ ಬದಲಾವಣೆ' ಮತ್ತು 'ನಾವು ಬಿಗ್ ಬಾಸ್ ನೋಡುವುದಿಲ್ಲ' ಎಂಬ ನಾಲ್ಕು ಆಯ್ಕೆಗಳನ್ನು ನೀಡಿತ್ತು.

ಸ್ಪರ್ಧಿಗಳ ಆಯ್ಕೆ ಸರಿ ಇಲ್ಲ

ನಾಲ್ಕು ಆಯ್ಕೆಗಳಲ್ಲಿ ಅತಿ ಹೆಚ್ಚು ಜನ 'ಸ್ಪರ್ಥಿಗಳ ಆಯ್ಕೆ ಸರಿ ಇಲ್ಲ' ಎಂದು ಅಭಿಪ್ರಾಯ ಪಟ್ಟಿದ್ದಾರೆ. ಶೇಕಡ 43% ವೀಕ್ಷಕರಿಗೆ 'ಬಿಗ್ ಬಾಸ್' ಸ್ಪರ್ಥಿಗಳ ಆಯ್ಕೆ ಬಗ್ಗೆ ಬೇಸರ ಇದೆ.

ಉಳಿದ ಕಾರಣಗಳು

ಇನ್ನು ಉಳಿದಂತೆ 'ಬಿಗ್ ಬಾಸ್' ನಲ್ಲಿ 'ಮನರಂಜನೆ ಕೊರತೆ' ಇದೆ ಎಂದು 28% ಜನ ಹೇಳಿದರೆ, 'ಚಾನೆಲ್ ಬದಲಾವಣೆ ಮಾಡಿರುವುದಕ್ಕೆ' ಟಿ.ಆರ್.ಪಿ ಕುಸಿದಿದೆ ಎಂದು 16% ಜನ ಅಭಿಪ್ರಾಯ ಪಟ್ಟಿದ್ದಾರೆ. ಆದರೆ 13% ಜನ 'ಬಿಗ್ ಬಾಸ್' ಕಾರ್ಯಕ್ರಮವನ್ನು ನೋಡುವುದಿಲ್ಲವಂತೆ.

'ಫಿಲ್ಮಿಬೀಟ್ ಕನ್ನಡ' ಫೇಸ್ ಬುಕ್ ನಲ್ಲಿ

'ಫಿಲ್ಮಿಬೀಟ್ ಕನ್ನಡ' ಫೇಸ್ ಬುಕ್ ಪೇಜ್ ನಲ್ಲಿ ಸುಮಾರು 800ಕ್ಕೂ ಅಧಿಕ ವೀಕ್ಷಕರು ತಮ್ಮ ಕಮೆಂಟ್ ಮೂಲಕ ಕಾರ್ಯಕ್ರಮದ ಟಿ.ಆರ್.ಪಿ ಕಡಿಮೆಯ ಕಾರಣವನ್ನು ಹಂಚಿಕೊಂಡಿದ್ದಾರೆ. ಇಲ್ಲಿಯೂ ಬಹುಪಾಲು ಜನ ಆಯ್ಕೆ 'A' ಎಂದು ಅಂದರೆ 'ಸ್ಪರ್ಥಿಗಳ ಆಯ್ಕೆ ಸರಿ ಇಲ್ಲ' ಎಂದು ಕಮೆಂಟ್ ಮಾಡಿದ್ದಾರೆ.