ವೋಟ್ ಗಳೆಲ್ಲವೂ ಒಂದೇ, ಆದ್ರೆ ಎಲಿಮೇಷನ್ ಮಾತ್ರ ಬೇರೆ ಬೇರೆ ದಿನ.!

ನೂರನೇ ದಿನಕ್ಕೆ ಮುಂಚೆ ಒಂದು, ನೂರನೇ ದಿನ ಆದ್ಮೇಲೆ ಇನ್ನೊಂದು.!

'ಬಿಗ್ ಬಾಸ್ ಕನ್ನಡ-5' ಕಾರ್ಯಕ್ರಮದಲ್ಲಿ 99ನೇ ದಿನ ಒಂದು ಎಲಿಮಿನೇಷನ್ ಹಾಗೂ 101ನೇ ದಿನ ಇನ್ನೊಂದು ಎಲಿಮಿನೇಷನ್ ನಡೆಯಲಿದೆ.

'ಬಾಟಂ 2'ನಲ್ಲಿ ಇದ್ದೋರು ಮನೆಗೆ.!

ಕಳೆದ ವಾರ ಇದ್ದ ಏಳು ಮನೆ ಮಂದಿ ಪೈಕಿ ಯಾವ ಇಬ್ಬರು ಸ್ಪರ್ಧಿಗಳಿಗೆ ಅತಿ ಕಡಿಮೆ ವೋಟ್ ಬಂದಿದೆಯೋ, ಆ ಇಬ್ಬರಿಗೆ ಗೇಟ್ ಪಾಸ್ ಖಚಿತ. ಅದರಲ್ಲಿ ಈಗಾಗಲೇ ಅನುಪಮಾ ಗೌಡ ಎಲಿಮಿನೇಟ್ ಆಗಿದ್ದಾಗಿದೆ. ಅನುಪಮಾಗಿಂತ ಕೊಂಚ ಹೆಚ್ಚಿಗೆ ವೋಟ್ ಪಡೆದುಕೊಂಡಿರುವವರು, ಇತರರಿಗಿಂತ ಕಡಿಮೆ ವೋಟ್ ಗಿಟ್ಟಿಸಿಕೊಂಡಿರುವವರು ಇಂದು ಔಟ್ ಆಗಲಿದ್ದಾರೆ.

'ಬಾಟಂ 2'ನಲ್ಲಿ ಇದ್ದೋರು ಯಾರು.?

'ವಾರದ ಕಥೆ ಕಿಚ್ಚನ ಜೊತೆ' ಕಾರ್ಯಕ್ರಮದಲ್ಲಿ ಸುದೀಪ್ ಸೇವ್ ಮಾಡಿಕೊಂಡು ಬಂದ ಸ್ಪರ್ಧಿಗಳ ಆರ್ಡರ್ ಆಧಾರದ ಮೇಲೆ ಅನುಪಮಾ ಹಾಗೂ ಶ್ರುತಿ ಪ್ರಕಾಶ್ ಬಾಟಂ 2 ನಲ್ಲಿ ಇದ್ದರು.

ಆರ್ಡರ್ ನಲ್ಲಿ ಅರ್ಥ ಇಲ್ಲ ಎಂದಿದ್ದ ಸುದೀಪ್.!

''ಇವತ್ತು ಯಾರನ್ನ ಯಾವ ಆರ್ಡರ್ ನಲ್ಲಿ ಸೇವ್ ಮಾಡಿಕೊಂಡು ಬಂದ್ನೋ ಅದಕ್ಕೆ ಅರ್ಥ ಇಲ್ಲ. Randam ಆಗಿ ಮಾಡಿದ್ದು, ತಾವು ಹಾಕಿದ್ದ ವೋಟ್ ಮುಗಿದು ಹೋಗಿದೆ. ಬಾಟಂ ಸೆಕೆಂಡ್ ನಲ್ಲಿ ಇರೋರು, ಅಂದ್ರೆ ಅನುಪಮಾಗಿಂತ ಸ್ವಲ್ಪ ಜಾಸ್ತಿ ವೋಟ್ ತೆಗೆದುಕೊಂಡಿರೋರು ಈ ಮನೆಯಿಂದ ಹೊರಗೆ ಬರ್ತಾರೆ'' ಎಂದು ಸುದೀಪ್ ಸ್ಪಷ್ಟಪಡಿಸಿದರು.

ಇಂದು ಔಟ್ ಆಗೋರು ಯಾರು.?

ಸದ್ಯ 'ಬಿಗ್ ಬಾಸ್' ಮನೆಯೊಳಗೆ ಚಂದನ್ ಶೆಟ್ಟಿ, ದಿವಾಕರ್, ನಿವೇದಿತಾ ಗೌಡ, ಜೆಕೆ, ಸಮೀರಾಚಾರ್ಯ ಹಾಗೂ ಶ್ರುತಿ ಪ್ರಕಾಶ್ ಇದ್ದಾರೆ. ಈ ಆರು ಜನರ ಪೈಕಿ ಇಂದು ಗೇಟ್ ಪಾಸ್ ಯಾರಿಗೆ.? ಎಂಬ ಪ್ರಶ್ನೆಗೆ ಇಂದು ಉತ್ತರ ಸಿಗಲಿದೆ.