'ಬಿಗ್ ಬಾಸ್' ಮನೆಯ 'ಈ' ವಸ್ತು ಚಂದನ್ ಶೆಟ್ಟಿಗೆ ಅಚ್ಚುಮೆಚ್ಚು.!

ಮರದ ಆ ಪೀಠೋಪಕರಣ ಕಂಡ್ರೆ ಚಂದನ್ ಗೆ ಅಚ್ಚುಮೆಚ್ಚು

ತಮ್ಮ ಹಾಡುಗಳಿಗೆ ಟ್ಯೂನ್ ಮಾಡಲು ಸಹಕಾರಿ ಆದ ಮರದ ಆ ಪೀಠೋಪಕರಣ ಕಂಡ್ರೆ ಚಂದನ್ ಶೆಟ್ಟಿಗೆ ಅಚ್ಚುಮೆಚ್ಚು. ಹೀಗಾಗಿ, ಅದನ್ನ 'ಬಿಗ್ ಬಾಸ್' ಮನೆಯಿಂದ ತಮ್ಮ ಮನೆಗೆ ತೆಗೆದುಕೊಂಡು ಹೋಗಲು ಚಂದನ್ ಶೆಟ್ಟಿ ಮನಸ್ಸು ಮಾಡಿದರು.

ಒಪ್ಪಿಕೊಂಡ 'ಬಿಗ್ ಬಾಸ್'

ಮರದ ಆ ಪೀಠೋಪಕರಣವನ್ನು ತೆಗೆದುಕೊಂಡು ಹೋಗಲು 'ಬಿಗ್ ಬಾಸ್' ಕೂಡ ಒಪ್ಪಿಗೆ ಸೂಚಿಸಿದರು. ಹೀಗಾಗಿ, 'ಬಿಗ್ ಬಾಸ್' ಮನೆಯಿಂದ ಹೊರಗೆ ಕಾಲಿಡುವಾಗ, ಮರದ ಪೀಠೋಪಕರಣದೊಂದಿಗೆ ಚಂದನ್ ಆಚೆ ಕಾಲಿಟ್ಟರು.

ಚಿಕ್ಕವಯಸ್ಸಿಂದಲೂ ಚಂದನ್ ಶೆಟ್ಟಿ ಹೀಗೆ...

ಚಂದನ್ ಶೆಟ್ಟಿ ಅವರ ತಂದೆ ಡಾ.ರಾಜ್ ಕುಮಾರ್ ಅವರ ಅಪ್ಪಟ ಅಭಿಮಾನಿ. ಚಂದನ್ ಶೆಟ್ಟಿ ತಂದೆ ಹಾಡು ಹಾಡುವಾಗ, ಅದಕ್ಕೆ ತಕ್ಕಂತೆ ಚಂದನ್ ಶೆಟ್ಟಿ ಬೀಟ್ಸ್ ಕೊಡಬೇಕಿತ್ತಂತೆ. ಆಗ ಪೆಟ್ಟಿಗೆ, ಮರದ ಡಬ್ಬ, ಬಕೆಟ್... ಹೀಗೆ ಕೈಗೆ ಸಿಕ್ಕ ವಸ್ತುಗಳನ್ನು ಉಪಯೋಗಿಸಿಕೊಂಡು ಚಿಕ್ಕವಯಸ್ಸಿನಿಂದಲೇ ಬೀಟ್ಸ್ ಕೊಡುವ ಹವ್ಯಾಸ ಚಂದನ್ ಶೆಟ್ಟಿಗೆ ಇದೆ.

ತಬಲಾ ಕ್ಲಾಸ್ ಗೆ ಸೇರಿಕೊಂಡ ಚಂದನ್

ಟ್ಯೂನ್ ಮಾಡುವುದರಲ್ಲಿ ಚಂದನ್ ಶೆಟ್ಟಿಗೆ ಇರುವ ಆಸಕ್ತಿಯನ್ನು ಗಮನಿಸಿದ ಪೋಷಕರು ತಬಲ ಕ್ಲಾಸ್ ಗೆ ಸೇರಿಸಿದರಂತೆ. ಅಲ್ಲಿಂದ ಶುರು ಆದ ಚಂದನ್ ಶೆಟ್ಟಿ ಸಂಗೀತ ಪಯಣ ಇಲ್ಲಿಯವರೆಗೂ ಕರೆದುಕೊಂಡು ಬಂದಿದೆ.