ರಾಕೇಶ್ ಎಷ್ಟೇ ಬ್ರೇನ್ ವಾಶ್ ಮಾಡಿದರೂ ಅಕ್ಷತಾ ಬಗ್ಗಲಿಲ್ಲ.!

ಗೆಳೆತನಕ್ಕೆ ಮಾತ್ರ ಫೋಕಸ್

''ನಮ್ಮ ಗೆಳೆತನ ಮಾತ್ರ ಫೋಕಸ್ ಆಗಿದೆ. ಗೆಳೆತನ ಅಂತ ಕ್ಲಿಯರ್ ಆಗಿ ಹೇಳಿದ್ದಾರೆ. ಆದ್ರೆ, ನೀವು ಪೆದ್ದರ ತರಹ ಒಂದು ವಾರ ಮಾತನಾಡಲ್ಲ ಅಂತ ಹೇಳಿದ್ರಿ. ದಡ್ಡರ ತರಹ ಆಡುತ್ತಿದ್ದೇವೆ ಅಂತ ಕೇಳಿಸಿಕೊಳ್ಳಬೇಕು'' ಅಂತ ಅಕ್ಷತಾ ಮೇಲೆ ರಾಕೇಶ್ ಕೊಂಚ ಗರಂ ಆಗಿದ್ದರು.

ಬಿಟ್ಬಿಡೋಣ ಇಲ್ಲಿಗೆ...

''ಬಿಟ್ಬಿಡೋಣ ಇಲ್ಲಿಗೆ..'' ಅಂತ ಅಕ್ಷತಾ ಹೇಳಿದರೆ, ''ಬಿಟ್ಟು ಬಿಡೋದೇ ಬರೋದು ನಿಮಗೆ.. ಇದೇ ನಿಮಗೆ ಪರಿಹಾರ. ಇಷ್ಟೆಲ್ಲಾ ಕಷ್ಟ ಪಟ್ಟ ನಾನು ದಡ್ಡ'' ಎನ್ನುತ್ತಾರೆ ರಾಕೇಶ್.

ಜಯಶ್ರೀ ಮುಂದೆ ಕಣ್ಣೀರು ಹಾಕಿದ ರಾಕೇಶ್

ಅಕ್ಷತಾ ಮಾತನಾಡದೇ ಇದ್ದಾಗ, ಜಯಶ್ರೀ ಬಳಿ ರಾಕೇಶ್ ಕಣ್ಣೀರು ಸುರಿಸಿದರು. ''ನಾವಿಬ್ಬರು ಗುಡ್ ಫ್ರೆಂಡ್ಸ್'' ಅಂತ ಕಣ್ಣೀರಿಟ್ಟರು.

ಆಪಲ್ ತಳ್ಳಿದ ಅಕ್ಷತಾ

ಬೆಳಗ್ಗೆ ಯೋಗ ಮಾಡುವಾಗ, ಬೇಕು ಅಂತ ಅಕ್ಷತಾ ಬಳಿ ರಾಕೇಶ್ ಆಪಲ್ ಇಟ್ಟರು. ಆದ್ರೆ, ಆ ಆಪಲ್ ನ ಅಕ್ಷತಾ ತಳ್ಳಿ ಬಿಟ್ಟರು.

ಹೋಗಿ ಬಂದು ಕಣ್ಣೀರು ಹಾಕುವ ರಾಕೇಶ್

''ನಾನು ಮನೆಯಿಂದ ಆಚೆ ಹೋಗಿದಿದ್ರೆ, ಇಷ್ಟು ನೋವಾಗುತ್ತಿರಲಿಲ್ಲ. ಅದಕ್ಕಿಂತ ಡಬಲ್ ಆಗುತ್ತಿದೆ'' ಅಂತ ಪದೇ ಪದೇ ಅಕ್ಷತಾಗೆ ರಾಕೇಶ್ ಹೇಳುತ್ತಿದ್ದರು.

ತಾಕತ್ತು ಇಲ್ವಾ.?

''ಅಕ್ಷತಾ ಪಾಂಡವಪುರ.. ಸೋಲೋ ಪರ್ಫಾರ್ಮರ್.. ಥಿಯೇಟರ್ ಆರ್ಟಿಸ್ಟ್... Individual ಟ್ರಾವೆಲ್ಲರ್... Individual ಲೈಫ್ ಲೀಡ್ ಮಾಡುತ್ತಿದ್ದೇನೆ. ಅದು ಹೊರಗೆ ಚಪ್ಪಾಳೆ ತಟ್ಟುವಂತಹ ವಿಷಯ. ಆದರೆ ಬಿಗ್ ಬಾಸ್ ಮನೆಯಲ್ಲಿ ಪ್ರತಿ ವಾರವೂ ಅಕ್ಷತಾ ಜೊತೆಗೆ ರಾಕೇಶ್ ಹೆಸರು ಕೇಳಿ ಬರುತ್ತಿದೆ. ನನಗೆ ತಾಕತ್ತು ಇಲ್ವಾ.? ನನಗೆ ಒಬ್ಬಳೇ ಇರಲು ತಾಕತ್ತು ಇಲ್ವಾ.? ಇದೆ.. genuine ಆಗಿ ನಾನು ನಿನ್ನ ಪ್ರೀತಿಸಿದೆ. ಈಗ ಬಿಡು.. ಸುದೀಪ್ ಏನಾದರೂ ಹೇಳಿದರೆ, ನಾನು ಕೇಳಬೇಕಾಗುತ್ತದೆ. ಆ ಕ್ಷಣಕ್ಕೆ ಅರ್ಥ ಅಗಲಿಲ್ಲ ಅಂದರೂ ಆಮೇಲಾದರೂ ಅರಿವಿಗೆ ಬರುತ್ತದೆ'' ಅಂತ ರಾಕೇಶ್ ಗೆ ಅಕ್ಷತಾ ಹೇಳಿದರು

ಬ್ರೇನ್ ವಾಶ್ ಮಾಡಿದ ರಾಕೇಶ್

''ಪ್ರಶ್ನೆಗಳು ಬಂದಾಗ ಕ್ಲಾರಿಟಿ ಕೊಟ್ಟಿದ್ದೇನೆ. ಪ್ರಶ್ನೆಗಳು ಬರುವುದು ಡೌಟ್ ಇದ್ದಾಗ, ಕ್ಲಾರಿಟಿ ಬೇಕಾದಾಗ.. ಇಷ್ಟು ದಿನ ಬೆಳೆದಿರುವ ಫ್ರೆಂಡ್ ಶಿಪ್, ಸಪೋರ್ಟ್, ಸಂಬಂಧ ಅದನ್ನೆಲ್ಲ ಒಂದೇ ಕ್ಷಣಕ್ಕೆ ಫಿನಿಶ್ ಮಾಡ್ತೀರಾ.? ಯಾಕೆ ನನ್ನನ್ನ ಯಾವಾಗಲೂ ನೆಗೆಟಿವ್ ಆಗಿ ನೋಡ್ತೀರಾ.? ನಂಬಿಕೆ ಇಡಿ... ದಯವಿಟ್ಟು ಅರ್ಥ ಮಾಡಿಕೋ.. ಪುಟ್ಟ.. ನಿಮ್ಮ ಮನಸ್ಸಿನಲ್ಲಿ ರಾಕೇಶ್ ಇಂದ ಇಮೇಜ್ ಡ್ಯಾಮೇಜ್ ಆಗುತ್ತಿದೆ ಅಂತ ಇದ್ದರೆ, ಓಪನ್ ಆಗಿ ಹೇಳಿ...'' ಅಂತೆಲ್ಲಾ ಹೇಳಿ ಬ್ರೇನ್ ವಾಶ್ ಮಾಡಲು ರಾಕೇಶ್ ಮುಂದಾದರು.

ಈ ವಾರ...

''ನಿನ್ನ ಜೊತೆ ಬಾಂಡಿಂಗ್ ಇಲ್ಲ ಅಂತ ಹೇಳ್ತಿಲ್ಲ. ಫೀಲಿಂಗ್ಸ್ ಇದೆ. ಆದ್ರೆ, ಎಲ್ಲರ ಜೊತೆಗೆ ಮಾತಾಡೋಣ. ಈ ವಾರ.. ಪ್ಲೀಸ್.. ನಾನು ಕೆಟ್ಟವಳಲ್ಲ...'' ಅಂತ ಅಕ್ಷತಾ ಹೇಳಿದ್ದಾರೆ.

ಬ್ಯಾಟಿಂಗ್ ಅಂದ್ರೇನು.?

ಈ ನಡುವೆ ಬ್ಯಾಟ್, ಇನ್ನಿಂಗ್ಸ್, ಪರ್ಸನಲ್ ಎಂಬ ಮಾತುಗಳು ಕೂಡ ಬಂದಿವೆ. ಅದರ ಅರ್ಥ ಅವರಿಬ್ಬರಿಗೇ ಗೊತ್ತಿರಬೇಕು. 'ಬ್ಯಾಟಿಂಗ್ ಆಡೋಣ' ಅಂತ ಪದೇ ಪದೇ ರಾಕೇಶ್ ಕೇಳುತ್ತಿದ್ದರು. ಅದಕ್ಕೆ ಅಕ್ಷತಾ ಕಡೆಯಿಂದ ಬರುತ್ತಿದ್ದ ಉತ್ತರ 'ಸುಸ್ತಾಗಿದ್ದೀನಿ'. ಇದರ ಅರ್ಥವೇನು.?

ಗಟ್ಟಿ ಮನಸ್ಸು ಮಾಡಿದ ರಾಕೇಶ್

''ನಿಮಗೋಸ್ಕರ ಗಟ್ಟಿ ಮನಸ್ಸು ಮಾಡಿಕೊಂಡು ಒಂದು ವಾರ ಬಿಡ್ತೀನಿ. ನೀವು ಸುದೀಪ್ ಗೆ ಕೊಟ್ಟಿರುವ ಮಾತಿಗೆ ಸಿದ್ಧರಾಗಿ, ನಾನು ನಿಮಗೆ ಕೊಟ್ಟಿರುವ ಮಾತಿನ ಮೇಲೆ ಸಿದ್ಧರಾಗುತ್ತೇನೆ. ಒಂದು ವಾರ ಮ್ಯಾನೇಜ್ ಮಾಡ್ತೀನಿ. ಮುಂದಿನ ವಾರ ಸಿಗೋಣ...'' ಅಂತ ಕೊನೆಗೆ ರಾಕೇಶ್ ಹೇಳಿದರು. ಅದಕ್ಕೆ ಅಕ್ಷತಾ ಕಡೆಯಿಂದ ಬಂದ ಉತ್ತರ - ''ಮುಂದಿನ ವಾರ ಇದ್ದರೆ ನೋಡೋಣ''

ಹೆಚ್ಚು ಕ್ಲೋಸ್ ಆಗುತ್ತಿರುವೆ

''ನಾನು ರಾಕೇಶ್ ರಿಂದ ದೂರ ಇರಲು ಪ್ರಯತ್ನ ಪಡುತ್ತಿದ್ದರೂ, ಮನಸ್ಸಿನಿಂದ ಹೆಚ್ಚು ಹತ್ತಿರ ಆಗುತ್ತಿರುವೆ. ನಾನು ಈ ವಾರ ಔಟ್ ಆಗಲು ಇಷ್ಟ ಪಡಲ್ಲ'' ಎಂದು ಕ್ಯಾಮರಾ ಬಳಿ ಅಕ್ಷತಾ ಮಾತನಾಡಿಕೊಂಡಿದ್ದಾರೆ.