'ಉತ್ತರ ಕರ್ನಾಟಕ' ಅಂತ ಕರೆಯುವುದು ಯಾಕೆ ಅಂತ್ಲೇ ಸೋನು ಪಾಟೀಲ್ ಗೆ ಗೊತ್ತಿಲ್ಲ.!

ಸೋನುಗೆ ಸುದೀಪ್ ಕ್ಲಾಸ್

ಆನಂದ್ ನಡೆಸಿಕೊಟ್ಟ ಕ್ವಿಝ್ ಶೋ ಬಗ್ಗೆ ಮಾತನಾಡುತ್ತಿದ್ದಾಗ, ''ರಾಯಚೂರು ಯಾವ ಊರು ಪಕ್ಕಾ ಬರುತ್ತೆ.?'' ಎಂದು ಸುದೀಪ್ ಕೇಳಿದಾಗ, ''ಉತ್ತರ ಕರ್ನಾಟಕದಲ್ಲಿ.. ಗುಲ್ಬರ್ಗ ಪಕ್ಕದಲ್ಲಿ ಎಲ್ಲೋ ಬರುತ್ತೆ'' ಅಂತ ಕವಿತಾ ಹೇಳಿದರು. ಇದೇ ಪ್ರಶ್ನೆಯನ್ನ ''ಉತ್ತರ ಕರ್ನಾಟಕದ ಮನೆ ಮಗಳು'' ಎಂದು ಪದೇ ಪದೇ ಹೇಳಿಕೊಳ್ಳುವ ಸೋನು ಪಾಟೀಲ್ ಗೆ ಸುದೀಪ್ ಕೇಳಿದರು. ಅದಕ್ಕೆ, ''ಗದಗ ಸೈಡ್ ಬರುತ್ತೆ ಅಂದುಕೊಳ್ಳುತ್ತೇನೆ'' ಎಂದರು ಸೋನು.

ಸೋನುಗೆ ಪ್ರಶ್ನಿಸಿದ ಸುದೀಪ್

''ಉತ್ತರ ಕರ್ನಾಟಕದ ಬಗ್ಗೆ ಕೆಲ ಪ್ರಶ್ನೆಗಳನ್ನು ಕೇಳುವೆ ಸೋನು ಅವರೇ...'' ಎನ್ನುತ್ತಾ ''ಉತ್ತರ ಕರ್ನಾಟಕ ಅಂತ ಯಾಕೆ ಕರೆಯುತ್ತಾರೆ.?'' ಎಂದು ಸೋನು ಪಾಟೀಲ್ ಗೆ ಸುದೀಪ್ ಪ್ರಶ್ನಿಸಿದರು.

ಸೋನು ಕೊಟ್ಟ 'ಉತ್ತರ' ಏನ್ಗೊತ್ತಾ.?

''ನಮ್ಮ ಮಂದಿ ಉತ್ತರ ಕೊಡುವುದರಲ್ಲಿ ಜಾಸ್ತಿ ಫೇಮಸ್. ಯಾವುದಕ್ಕೂ ಹೆದರಲ್ಲ. ಎಲ್ಲದಕ್ಕೂ ಹೊಂದುಕೊಂಡು ಹೋಗುತ್ತಾರೆ. ಮುಖಕ್ಕೆ ಹೊಡೆದ ಹಾಗೆ ಮಾತನಾಡುತ್ತಾರೆ'' ಎಂದರು ಸೋನು ಪಾಟೀಲ್.! ದುರಂತ ಅಂದ್ರೆ ಇದೇ ನೋಡಿ... ಸೋನು ಪಾಟೀಲ್ ಗೆ 'ಉತ್ತರ ಕರ್ನಾಟಕ'ದ ಅರ್ಥವೇ ಗೊತ್ತಿಲ್ಲ.!

ಪ್ರಶ್ನೆಗಳ ಸುರಿಮಳೆ

''ಮಲೆನಾಡು ಅಂತ ಕರೆಯುತ್ತಾರೆ.?'' ಎಂದು ಸುದೀಪ್ ಪ್ರಶ್ನಿಸಿದಾಗ, ''ಆ ಕಡೆ ನಾನು ಹೋಗಿಲ್ಲ. ಅದಕ್ಕೆ ನನಗೆ ಗೊತ್ತಿಲ್ಲ'' ಎಂದರು ಸೋನು ಪಾಟೀಲ್. ''ಕರಾವಳಿ ಅಂತ ಯಾಕೆ ಕರೆಯುತ್ತಾರೆ.?'' ಎಂದು ಸುದೀಪ್ ಕೇಳಿದಾಗ, ''ಅಲೆಗಳು ಬೀಸಿಕೊಂಡು ಹೋಗುತ್ತವೆ ಅದಕ್ಕೆ. ಅಲ್ಲಿ ಮೀನು ಹಿಡಿಯುತ್ತಾರೆ'' ಅಂತ ಸೋನು ಪಾಟೀಲ್ ಹೇಳಿದರು.

ದಕ್ಷಿಣದ ಅರ್ಥ ಗೊತ್ತಿದೆ.!

''ದಕ್ಷಿಣ ಕರ್ನಾಟಕ ಅಂತ ಯಾಕೆ ಕರೆಯುತ್ತಾರೆ.?'' ಎಂದು ಸುದೀಪ್ ಪ್ರಶ್ನಿಸಿದಾಗ, ''ದಕ್ಷಿಣಕ್ಕೆ ಮುಖ ಮಾಡಿಕೊಂಡಿದೆ. ಅದಕ್ಕೆ'' ಎಂದರು ಸೋನು ಪಾಟೀಲ್.

ಪಾಠ ಮಾಡಿದ ಸುದೀಪ್

''ನಿಮ್ಮ ಊರು ಉತ್ತರ ದಿಕ್ಕಿನಲ್ಲಿದೆ. ಅದಷ್ಟಿಕ್ಕೆ ಉತ್ತರ ಕರ್ನಾಟಕ. ಉತ್ತರ ಚೆನ್ನಾಗಿ ಕೊಡ್ತೀರಾ ಅಂತಲ್ಲ. ಉತ್ತರ ಕರ್ನಾಟಕದವರು ಬೇರೆ ಭಾಗದ ಜನರನ್ನು ಪ್ರೀತಿಸಲ್ಲ ಅಂತಲ್ಲ. ಭಾಗ ಮಾಡಬೇಡಿ. ಹಾಗ್ನೋಡಿದ್ರೆ, ಮಂಗಳೂರಿನವರು ನಿಮಗೆ ವೋಟ್ ಹಾಕುವ ಹಾಗಿಲ್ಲ'' ಎಂದು ಸೋನು ಪಾಟೀಲ್ ಗೆ ಸುದೀಪ್ ಬಿಸಿ ಮುಟ್ಟಿಸಿದರು.

ಭಾಗ ಮಾಡುತ್ತಿರುವ ಸೋನು.!

''ಭಾಗ ಮಾಡಿಲ್ಲ'' ಎಂದು ಸೋನು ಪಾಟೀಲ್ ಹೇಳಿದಾಗ, ''ಮಾಡ್ತಿದ್ದೀರಾ... ಕರ್ನಾಟಕದ ಒಳಗೆ ಎಲ್ಲರೂ ಇರೋದು. ಮಾತು ಮಾತಿಗೆ ಸೀಮಿತ ಮಾಡಿಕೊಳ್ಳಬೇಡಿ. ಪ್ರೀತಿಗೆ ಅರ್ಹರಾದಾಗ ಉತ್ತರ ಕರ್ನಾಟಕದವರು ಎಲ್ಲರನ್ನೂ ಪ್ರೀತಿಸುತ್ತಾರೆ. ನಮ್ಮ ಗುರುತು ನಾವು ಎಲ್ಲಿ ಹುಟ್ಟಿದ್ದೀವಿ ಅನ್ನೋದರ ಮೇಲೆ ಇರಲ್ಲ. ನಾವು ಜೀವನದಲ್ಲಿ ಏನು ಮಾಡಿದ್ದೀವಿ ಅನ್ನೋದರ ಮೇಲೆ ಗುರುತು ಸಿಗುತ್ತೆ'' ಎಂದು ಸೋನು ಪಾಟೀಲ್ ಗೆ ಸುದೀಪ್ ಕ್ಲಾಸ್ ತೆಗೆದುಕೊಂಡರು.