ಚಂದನ್ ಆಚಾರ್ ಗೆ ಡೀಸೆನ್ಸಿ ಪಾಠ ಮಾಡಿದ 'ಪೈಲ್ವಾನ್' ಸುದೀಪ್

ಜಗಳಕ್ಕೆ ತುಪ್ಪ ಸುರಿದಿದ್ದು ಚಂದನ್ ಆಚಾರ್

ಒಂದು ಆಪಲ್ ವಿಚಾರವಾಗಿ ಸುಜಾತ ಮತ್ತು ಚೈತ್ರ ಕೋಟೂರು ನಡುವೆ ಹೊತ್ತಿಕೊಂಡ ಬೆಂಕಿಗೆ ತುಪ್ಪ ಸುರಿದವರು ಚಂದನ್ ಆಚಾರ್ ಅಂತ ಸುದೀಪ್ ಮುಂದೆ ವಾಸುಕಿ ವೈಭವ್ ನೇರವಾಗಿ ಹೇಳಿದರು.

ಡೀಸೆನ್ಸಿ ಎಂದರೆ ಏನು.?

ಪದೇ ಪದೇ 'ಡೀಸೆನ್ಸಿ' ಎಂಬ ಪದ ಪ್ರಯೋಗಿಸಿದ ಚಂದನ್ ಆಚಾರ್ ಗೆ, ''ಡೀಸೆನ್ಸಿ.. ಯಾರ ಫೇವರಿಟ್ ಪದ ಇದು.? ನಿಮ್ಮ ಪ್ರಕಾರ ಡೀಸೆನ್ಸಿ ಎಂದರೆ ಏನು.?'' ಎಂದು ಪ್ರಶ್ನಿಸಿದರು.

ಚಂದನ್ ಆಚಾರ್ ಹೇಳಿದ್ದೇನು.?

''ಆಪಲ್ ವಿಷಯ ಬಂದಾಗ ''ಚಂದನ್, ರಾಜು ತಾಳಿಕೋಟೆ, ಕುರಿ ಪ್ರತಾಪ್ ಕೂಡ ತಿಂದರು'' ಅಂತ ಚೈತ್ರ ಹೇಳಿದರು. ಇದು ನನಗೆ ತುಂಬಾ ಟ್ರಿಗರ್ ಆಯ್ತು. ಅವರು ಆಪಲ್ ತಿಂದು ನಮ್ಮ ಮೇಲೆ ಹಾಕಿದ ಹಾಕಿದರು. ಇದರಿಂದ ನನಗೆ ಬೇಸರ ಆಯ್ತು. ಇದು ನನಗೆ ಡೀಸೆನ್ಸಿ ಅಂತ ಅನಿಸಲಿಲ್ಲ'' ಎಂದರು ಚಂದನ್ ಆಚಾರ್.

ಚೈತ್ರ ಕೊಟ್ಟ ಸ್ಪಷ್ಟನೆ

''ಚೈತ್ರ ಎಷ್ಟೇ ದೊಡ್ಡ ಬರಹಗಾರ್ತಿ ಆಗಿರಬಹುದು. ಆದ್ರೆ ಈ ಸಣ್ಣ ವಿಷಯವನ್ನು ಹುಷಾರಾಗಿ ನಿಭಾಯಿಸಲು ಬರಲಿಲ್ಲ'' ಎಂದು ಚಂದನ್ ಆಚಾರ್ ಹೇಳಿದಾಗ, ''ಇನ್ನೊಬ್ಬರ ಮೇಲೆ ತಪ್ಪು ಹಾಕುವ ಸಲುವಾಗಿ ನಾನು ಹಾಗೆ ಹೇಳಲಿಲ್ಲ'' ಎಂದು ಚೈತ್ರ ಕೋಟೂರು ಸ್ಪಷ್ಟ ಪಡಿಸಿದರು.

ಇದು ಡೀಸೆನ್ಸಿನಾ.?

''ಚೈತ್ರ ಅಳುವಾಗ ಸಮಯ ಕೊಡದೆ ಪದೇ ಪದೇ ಕಿರಿಕಿರಿ ಮಾಡಿದ್ದು ಡೀಸೆನ್ಸಿನಾ, ಅಲ್ವಾ.? ವಾಕ್ಸಮರ ನಡೆಯುವಾಗ ಒಬ್ಬರನ್ನು ಹಿಡಿದು ಎಳೆದು ದಬಾಯಿಸಿ ಮಾತನಾಡುವುದು ಡೀಸೆನ್ಸಿನಾ, ಅಲ್ವಾ.? ಯಾವ ಒಂದು ಪದಕ್ಕಾಗಿ, ಕುರ್ಚಿಗಾಗಿ ನಾವು ಅರ್ಹರಲ್ಲವೋ, ಅದರ ಬಗ್ಗೆ ಮಾತನಾಡಿ ಇನ್ನೊಬ್ಬರಿಗೆ ಪಾಠ ಹೇಳುವುದು ಡೀಸೆನ್ಸಿ ಅಲ್ಲ'' ಎನ್ನುತ್ತ ಚಂದನ್ ಆಚಾರ್ ಗೆ ಸುದೀಪ್ ಕ್ಲಾಸ್ ತೆಗೆದುಕೊಂಡರು. ಆಗ ಚಂದನ್ ಆಚಾರ್ ಕ್ಷಮೆಯಾಚಿಸಿದರು.