ಆಪಲ್ ಆಯ್ತು.. ಈಗ ಲಾಟೀನ್ ಗಾಗಿ ಗೊಂದಲ, ಗದ್ದಲ, ಗುಸುಗುಸು.!

ಚಂದನಾಗೆ ಮಾತು ಕೊಟ್ಟಿದ್ದ ವಾಸುಕಿ ವೈಭವ್

ಚಂದನಾಗೆ ಡ್ಯಾನ್ಸ್ ಪರ್ಫಾಮೆನ್ಸ್ ಇತ್ತು. ಅದಕ್ಕಾಗಿ ಪ್ರ್ಯಾಕ್ಟೀಸ್ ಮಾಡಬೇಕಿದ್ದ ಕಾರಣ, ಚಂದನಾ ಬದಲು ವಾಸುಕಿ ವೈಭವ್ ಲಾಟೀನ್ ಹಿಡಿದರು. ತಮಗೆ ಸುಸ್ತಾದ ಬಳಿಕ ಚಂದನಾಗೆ ಲಾಟೀನ್ ಕೊಡುವುದಾಗಿ ವಾಸುಕಿ ವೈಭವ್ ಮಾತು ಕೊಟ್ಟಿದ್ದರು. ವಾಸುಕಿ ವೈಭವ್ ಮಾತು ಕೊಟ್ಟಿದ್ದ ಕಾರಣ ತಮಗೆ ಲಾಟೀನ್ ಕೊಡುವಂತೆ ಚಂದನಾ ಒತ್ತಾಯಿಸುತ್ತಿದ್ದರು.

ಕಿರಿಕ್ ಮಾಡಿದ ಪ್ರಿಯಾಂಕಾ

ಲಾಟೀನ್ ಹಿಡಿಯುವ ಕ್ರಮದಲ್ಲಿ ಮೂರನೇಯವರಾಗಿ ಪ್ರಿಯಾಂಕಾ ಇದ್ದರು. ಹೀಗಿರುವಾಗ, ಪ್ರಿಯಾಂಕಾಗೆ ವಾಸುಕಿ ವೈಭವ್ ಲಾಟೀನ್ ಕೊಡಬೇಕು. ಆದರೆ, ಅವರು ಚಂದನಾಗೆ ಕೊಡುವೆ ಎಂದಿದ್ದು ಪ್ರಿಯಾಂಕಾರನ್ನ ಕೆರಳಿಸಿತು. ಇದೇ ಕಾರಣಕ್ಕೆ 'ಬಿಗ್ ಬಾಸ್' ಮನೆಯಲ್ಲಿ ಗದ್ದಲ ಶುರುವಾಯಿತು.

ಕೆರಳಿದ ಪ್ರಿಯಾಂಕಾ

''ಲಾಟೀನ್ ನ ನನಗೆ ಕೊಡದೆ ಬೇರೆ ಕಡೆ ಹೋದರೆ, ನಾನು ಮನುಷ್ಯಳಾಗಿ ಇರುವುದಿಲ್ಲ. ಮೊದಲೇ ನಂಬರ್ ಡಿಸೈಡ್ ಆಗಿತ್ತು. ಅದರ ಪ್ರಕಾರ ಟಾಸ್ಕ್ ಮಾಡಿ. ಇಲ್ಲಾಂದ್ರೆ ನೀವೇ ಟಾಸ್ಕ್ ಆಡಿ. ನಾನು ಆಡಲ್ಲ'' ಅಂತ ವಾಸುಕಿ ವೈಭವ್ ಮೇಲೆ ಪ್ರಿಯಾಂಕಾ ಕೆರಳಿದರು.

ಕೊನೆಗೂ ಲಾಟೀನ್ ಹಿಡಿದ ಪ್ರಿಯಾಂಕಾ

ಕೆಲ ಹೊತ್ತು ಗೊಂದಲ ಉಂಟಾದ ನಂತರ ಕೊನೆಗೂ ವಾಸುಕಿ ವೈಭವ್ ಕೈಯಿಂದ ಲಾಟೀನ್ ಪ್ರಿಯಾಂಕಾಗೆ ಹಸ್ತಾಂತರವಾಯಿತು. ಪ್ರಿಯಾಂಕಾ ನಂತರ ಚಂದನಾ ಕೈಗೆ ಲಾಟೀನ್ ಬಂತು. ರಾತ್ರಿ ಕಳೆದು ಬೆಳಗಾಗಿದ್ದರೂ, ಲಾಟೀನ್ ವಿಚಾರವಾಗಿ ಗುಸುಗುಸು ಕಮ್ಮಿ ಆಗಿರಲಿಲ್ಲ.

ಇದು ಹೊಸ ಸ್ಟ್ರಾಟೆಜಿ

ಇಡೀ ರಾತ್ರಿ ಏಕಾಂಗಿಯಾಗಿ ಟಾಸ್ಕ್ ನಲ್ಲಿ ಪರ್ಫಾರ್ಮ್ ಮಾಡಿದರೆ ಜನ ಗುರುತಿಸುತ್ತಾರೆ ಎಂಬ ಸ್ಟ್ರಾಟೆಜಿ ಕೆಲ ಸ್ಪರ್ಧಿಗಳಲ್ಲಿದೆ. ಹೀಗಾಗಿ, ಚಟುವಟಿಕೆಗಳಲ್ಲಿ ಗುರುತಿಸಿಕೊಳ್ಳಲು ಕೆಲವರು ಸರ್ಕಸ್ ಮಾಡುತ್ತಿದ್ದಾರೆ. ಇದಕ್ಕೆ ಈ ಚಟುವಟಿಕೆಯೇ ಉತ್ತಮ ಉದಾಹರಣೆ.